Ez 2:10 - Kaqchiquel Bible

¹⁰ Y xurik' k'a ri boton wuj ri' chinuwech y xintz'et k'a chi nojineq ruwech rik'in ch'abel y keri' chuqa' ri chirij. Y ri tz'ibatel chuwech nich'on chirij ri q'axo'n y ri bis.

Ez 2:10 ပူးပေါင်းရင်းမြစ်များ

Apocalipsis 8:13

Jari' toq xintz'et y xinwak'axaj chi tiropop beneq jun kot pa kaq'iq' y janila nej jotol chikaj y rik'in k'a ronojel ruchuq'a' xubij oxi' mul: Kan toq'ex k'a kiwech ri winaqi' ri ek'o chuwech ri ruwach'ulew toq xkeq'ajan-pe ri oxi' chik trompeta ri yexupux koma ri ángel, nicha'.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

Apocalipsis 11:14

Y kere' k'a xq'ax kan ri ruka'n ruk'ayewal pa ruwi' ri ruwach'ulew. Y kan ja chik k'a ri' chi'anin peteneq ri rox ruk'ayewal.

Apocalipsis 9:12

Xq'ax k'a re jun ruk'ayewal re', jak'a k'a k'o na chik ka'i' yekanej kan.

Wuj Richin ri Habacuc 2:2

Ri Jehová kan xuk'uluba' k'a pe ri nuch'abel y xubij chuwe: Ri xtinbenk'utu' chawech kan tatz'ibaj k'a kan chuwech jun tz'alem richin kan niq'alajin, chi xabachike ri xtitz'eton kan xtiq'ax chuwech.

Apocalipsis 5:1

K'ari' xintz'et k'a chi ri tz'uyul chupan ri tz'uyubel, k'o jun wuj boton ri ruk'uan pa rijkiq'a'. Ri wuj ri' k'o tz'ibatel chuwech y chirij y kan tz'apen kan rik'in wuqu' sello.

Ez 19:1

Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Apocalipsis 10:10

Yin kan xink'ul ri ti wuj pa ruq'a' ri ángel, y xintej-qa. Y xinna' na wi pa nuchi' chi kan achi'el ruki'il ri kab, jak'a ri pa nupan kan k'ey-k'ey na wi xuben.