Ez 2:1 - Kaqchiquel Bible

¹ Ri Jehová xubij k'a chuwe chi yin xa in jun choj wineq y chi kipa'e-q'anej richin nitzijon wik'in.

Ez 2:1 ပူးပေါင်းရင်းမြစ်များ

Wuj Richin Bix Chire ri Dios 8:4

jari' toq ninch'ob-qa, ¿Achike ta k'a ok ri wineq richin chi naquqa-pe rij y richin chi nachajij?

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

Ez 12:3

Roma ri' tachojmirisaj k'a juba' ri nik'atzin chawe, achi'el xa ta at beneq pa ximonri'il. Katel-el ri tiqaq'ij y yabe-kela' yabe-kela' xtaben. Toq ri awinaq xkatkitz'et rik'in juba' xtiq'ax chikiwech chi rije' e jun tinamit richin yakatajinenri'il. Y toq xkatane' katzolin-pe pan awachoch.

Ez 13:2

Rat Ezequiel, kach'on k'a pa nubi' yin kik'in ri nikibananej chi nikiq'alajirisaj ri nuch'abel ri ek'o chiri' pa ruwach'ulew Israel y tabij chike chi tikak'axaj k'a ri nuch'abel, roma xa kiyon k'a rije' nikitz'uk-q'anej ri nikibij.

Ez 14:13

Rat Ezequiel, ninbij k'a chawe chi wi ri winaqi' richin jun ruwach'ulew yeyakatej chuwij y man nikiben ta ri ninbij chike, yin kan xkiyakatej k'a chikij y xtinya' ri rutojbalil-mak pa kiwi'. Yin man xtinya' ta chik pe ri achike nikitej, richin xtipe jun nimalej wayjal pa kiwi'. Y keri' xkeken k'a rije' y ri kawej.

Ez 14:3

Re achi'a' re' kijachon-ki' richin nikiya' kiq'ij ri wachibel y kan kijachon-ki' richin yemakun. Roma ri' yin man xtinya' ta pixabanik chike.

Ez 15:2

Rat Ezequiel, ¿nach'ob rat chi más rejqalen ri ruche'el ri uva chuwech ri ruq'a' xabachike che' ri ek'o pa k'echelaj?

Ez 16:2

Rat Ezequiel, kach'on kik'in ri awinaq ri ek'o pa Jerusalem pa ruwi' ri itzel taq kibanobal ri kan man yeqa' ta chinuwech.

Ez 17:2

Rat Ezequiel, kach'on pa nubi' kik'in ri awinaq israelita y taya' jun k'ambel-tzij chikiwech.

Ez 2:3

Kere' k'a xubij chuwe: Rat Ezequiel, wakami yin xkatinteq-el chikikojol ri awinaq israelita. Rije' e jun tinamit ri man e nimey ta tzij. Y ri kati't-kimama' xa xeyakatej chuwij k'a re q'ij wakami.

Ez 2:6

Rat Ezequiel, man tak'en kikiy y man taxibij-awi' roma ri kich'abel. Stape' xtana' achi'el xa ta atk'o pa k'ix o atk'o chikikojol alacrán. Man timayamo-qa ri awánima, stape' rije' kan xkeyakatej chawij.

Ez 2:8

Rat kan tawak'axaj k'a jebel re xtinbij-el chawe y man kayakatej chuwij achi'el nikiben rije'. Tajaqa' la achi' y tatija' re xtinbenya' chawe, xcha' ri Jehová chuwe.

Ez 20:3

Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

Ez 3:1

Ri Jehová xubij chuqa' chuwe chi yin nintej-qa re jun boton wuj re' y k'ari' xkibe richin yibech'on kik'in ri nuwinaq israelita.

Ez 3:10

Kan taya' k'a ri axikin y tik'oje' pan awánima ronojel ri xinbij chawe.

Ez 3:17

Rat Ezequiel, yin xinben chawe richin xatok achi'el jun chajinel pa kiwi' ri awinaq israelita. Tawak'axaj k'a ri xtinbij yin y rat k'o chi xtabebij chike ri awinaq.

Ez 3:4

Xubij chuqa' chuwe: Rat Ezequiel, kabiyin y kabech'on kik'in ri awinaq y xtabij chike ri achike ri ninbij chawe.

Ez 37:3

K'ari' xuk'utuj chuwe wi ri chaqi'j taq baq ri' nik'oje' chik kik'aslen. Y yin xinbij k'a chire: Wajaw, kan xaxe rat at etamayon ronojel re', xicha'.

Ez 4:1

Ri Jehová xubij k'a chuwe: Rat Ezequiel, kan chikiwech k'a ri winaqi' tabek'ama-pe jun xan y rik'in ri xan ri' tabana' jun ruwachibel ri tinamit Jerusalem.

Ez 40:4

Y ri achin ri' xubij chuwe: Rat Ezequiel, kan tatz'eta' y tawak'axaj jebel ronojel ri nink'ut chawech. Taya' k'a axikin y kan taya' awech chire, roma xa kan richin ri' ri at k'amon-pe re wawe'. Y xeri' xtabebij ronojel chike ri awinaq israelita.

Ez 43:18

Rat Ezequiel, yin Jehová ninya' chawe ri ruchojmilal richin xtijach chuwe ri porobel ri' toq xtapon ri q'ij richin nik'achoj. Ri pa nabey q'ij k'o chi xtisuj jun awej ri niporox jumul y k'ari' xtichikex ri rukik'el ri awej pa ruwi' ri porobel.

Ez 5:1

Ri Jehová xch'on chik wik'in y xubij chuwe: Rat Ezequiel, tabek'ama-pe jun qupibel ri jebel rey y k'ari' xtasokaj-el ri rusumal-awi' y ri rusumal-achi'. K'ari' xtabek'ama-pe jun etabel y xtawetaj ri rusumal-awi' pan oxi' chuyaj.

Ez 7:2

Rat Ezequiel, taya' k'a re jun rutzijol re' chike ri awinaq: Ri ruk'isibel q'ij naqaj chik k'o-wi.

Dn 10:11

Y xubij k'a chuwe: Daniel, ri kan utz at tz'eton roma ri Dios. Taya' k'a ri axikin chire ri ch'abel ri xtinbenbij chawe. Kayakatej-q'anej, roma xa in taqon-pe awik'in re wakami, xcha'. Kan xaxe k'a xubij keri', yin xipa'e-q'anej y kan yibaybot k'a.

Dn 10:19

Y xubij k'a chuwe: Rat ri kan utz at tz'eton roma ri Dios, man taxibij-awi'. Ja ri uxlanibel-k'u'x tik'oje' awik'in. Tatija' aq'ij y man kamayamo-qa, xcha' chuwe. Rokik najin nich'on wik'in, xk'oje' chik jun bey wuchuq'a', y xinbij chire chi tich'on k'a wik'in, roma kan xuya' yan wuchuq'a'.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

San Mateo 17:7

K'ari' ri Jesús xjel k'a apo kik'in, xeruchop-qa y xubij k'a chike: Kixyakatej, man tik'en rukiy, xcha' chike.

San Juan 3:13

Man jun k'a ri apowineq ta ri chila' chikaj, xa kan xaxe k'a ri jun qajineq-pe. Kan xaxe ri jun ri xqaqa-pe achi'el wineq chiqakojol, ri chila' chikaj rik'in ri Dios k'o-wi rachoch.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

Hechos 26:16

Jak'a kan tasik'a-awi', y kayakatej. Xink'ut-wi' chawech roma yak'atzin chuwe, y richin chuqa' nabetzijoj chike ri winaqi' ri xatz'et re wakami, y ri xkenk'ut chawech chupan ri q'ij e beneq-apo.

Hechos 9:6

Ri Saulo nibaybot roma xibinri'il, y xubij: Ajaw, ¿achike k'a ri ruk'amon chi ninben ta?, xcha'. Y ri ajaw Jesús xubij chire: Kayakatej k'a el, y kabiyin k'a pa tinamit, y chiri' xtibix chawe achike ri ruk'amon chi naben, xcha'.