Ez 19:7 - Kaqchiquel Bible

⁷ Kan xeruwulaj k'a ri tz'aq richin ri tinamit, y xerutoloba' k'a kan ronojel ri tinamit. Y konojel k'a winaqi' richin ri ruwach'ulew, kan kixibin k'a ki' roma ri ruch'abel ri koj ri'.

Ez 19:7 ပူးပေါင်းရင်းမြစ်များ

2 Rey 23:33

Y ri Necao rey richin Egipto xuya' pa cárcel ri chiri' pa tinamit Riblá, ri k'o pa ruwach'ulew Hamat. Xrelesaj richin man niq'aton ta chik tzij pa Jerusalem. K'ari' xuben chike ri aj-Judá chi xkiya' ri k'o chi nitoj chire, y k'o chi xkitoj jumuch' quintal saqipueq y oxk'al wo'o' libra q'anapueq.

Wuj Richin Etamabel-Tzij 19:12

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.

Wuj Richin Etamabel-Tzij 28:3

Ri achin ri xa man jun ok k'o rik'in y kan yerutz'ila' ri winaqi' e rachmeba'i', kan junan k'a rik'in ri job ri nujok-el ronojel y man jun chik tiko'n ri nuya' kan.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Ez 12:19

Y tabij chike ri awinaq wawe' pa Babilonia chi kere' ninbij yin Jehová pa kiwi' ri aj-Jerusalem y ri aj-Judá. Toq rije' nibekitija' ri kiway, xtikiben rik'in janila xibinri'il y kan yek'ark'ot k'a. Y toq xkebe'uk'ya' kan xtikina' janila bis. Ri ruwach'ulew kan xtibewulatej y xtibetole' kan, roma ri itzel taq kibanobal ri winaqi' ri'.

Ez 19:6

Y ri ral nibe y nipe nuben chikikojol ri ch'aqa' chik koj. Xretamaj yeruchop chikopi', y yerutej winaqi'.

Ez 19:8

K'ari' xebeyakatej k'a pe ri winaqi' richin chijun ri ruwach'ulew, y rije' xkirik' k'a jun ya'l richin xkichop. Y rija' xqaqa k'a chupan ri pikbel ri'.

Ez 22:25

Ri yeq'aton-tzij chiri' e achi'el xa ta ri koj ri yewuyin chikij ri winaqi' y kan yekiwech' ri e kichapon. Rije' yekikamisaj ri winaqi' achi'el ri koj yekik'ux ch'aqa' chik chikopi'. Re q'atoy taq tzij re' kan yekik'en k'a kan ronojel ri k'o kik'in. Chuqa' e k'iy k'a ixoqi' ri xemalkanej kan koma rije'.

Ez 30:12

Xtinchaqirisaj k'a ri kokoj raqen taq ya' richin ri Nilo y k'ari' xtinjech k'a ri kulew ri aj-Egipto pa kiq'a' ri e itzel taq winaqi'. Y xtinben chike ri winaqi' ri' richin xtikiwulaj kan ri ruwach'ulew y xtikik'uaj-el ronojel ri k'o chiri'. Yin Jehová ri yibin.

Ez 34:4

Rix man ye'ibochi'ij ta, achi'el ri yuq'unel ri man yeruto' ta juba' ri taq karne'l ri maneq kuchuq'a', ni man yeraq'omaj ta juba' ri taq e yawa'i' ni man nupis ta juba' kaqen toq e q'ajineq y ni man yerukanoj ta ri yesach kan. Keri' rix kan e iya'on pa poqon.

Ez 45:8

Re jun ulew re' xtok kichin ri e tata'al ri ek'o pa kiwi' ri iwinaq israelita, richin keri' man jun bey chik xkekiya' pa tijoj-poqonal ri nutinamit. Richin keri' man xkekichapala' ta ulew ri xtijach chikiwech richin nok kichin chikijujunal ri tzobaj.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Wuj Richin ri Miqueas 1:2

Tiwak'axaj k'a rix winaqi' richin ronojel tinamit; rix winaqi' richin chijun ruwach'ulew, kan tiya' k'a ixikin, roma ri Jehová ri qajaw qonojel nich'on-pe k'a chupan ri rachoch. Rija' xtuq'alajirisaj k'a ronojel ri ibanobal.