Ez 19:4 - Kaqchiquel Bible

⁴ Kan xkak'axaj k'a ri winaqi' richin ch'aqa' chik ruwach'ulew, xkiya' k'a jun pikbel pa rubey richin xkichop. Rik'in jun chapbel xkiqirirej-el richin xkik'uaj-el pa ruwach'ulew Egipto.

Ez 19:4 ပူးပေါင်းရင်းမြစ်များ

2 Crón 36:4

Chuqa' ri rey ri' xujikiba' ri Eliaquim, rach'alal ri Joacaz, richin xok kan rey pa ruwi' ri Judá y ri Jerusalem, y kan xujel ri rubi'. Xubij Joaquim chire, y ri Joacaz, ri rach'alal, xuk'uaj-el pan Egipto.

2 Crón 36:6

Y ri Nabucodonosor rey richin Babilonia xapon rik'in ri Joaquim y xuxim rik'in cadena ri banon rik'in q'enq'oj-pueq y xuk'uaj-el pa Babilonia.

Wuj Richin ri Jeremías 22:18

Roma ri' kere' nubij ri Jehová pa ruwi' ri rey Joaquim, ruk'ajol ri Josías y kere' nubij: Man jun k'a xtoq'en ri akamik y man jun xtubij ta: ¡Wach'alal yin! ¡Wach'alal yin! Chuqa' kan man xtikibij ta ¡Xk'is ri aq'ij y ri ak'ojlen!

2 Rey 23:31

Ri Joacaz k'o k'a juwineq oxi' rujuna' toq xok rey, y xaxe oxi' ik' xq'aton-tzij pa ruwi' ri Judá chiri' pa Jerusalem. Ri rute' rubini'an Hamutal rumi'al ri Jeremías ri aj-Libná.

Ez 19:3

Ri ixoq koj ri' xucha' jun chike ri taq ral, y xuk'iytisaj jebel richin xok rey. Kan xretamaj yeruchop chikopi' y yerutej winaqi'.

Ez 19:5

Toq xutz'et ri ixoq koj chi ri ruch'obonik xa man nik'uluwachitej ta, jari' xuna' chi man jun chik oyobenri'il rik'in. Roma ri' xuchop chik jun ti ral, xuk'iytisaj jebel achi'el xuben rik'in ri nabey.