Ez 19:12 - Kaqchiquel Bible

¹² Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Ez 19:12 ပူးပေါင်းရင်းမြစ်များ

2 Rey 23:29

Toq k'a k'es na ri Josías, ri Necao rey richin Egipto xbejote' k'a pe akuchi k'o-wi ri raqen-ya' Éufrates richin yeberuto' ri aj-Asiria. Jak'a ri rey Josías xbe'el-pe chirij ri Necao richin nuben oyowal rik'in. Ri rey Necao xuk'ul chiri' pa taq'aj richin Meguido y chiri' xukamisaj-wi kan.

2 Rey 23:34

K'ari' ri rey Necao xuya' ri Eliaquim ruk'ajol ri Josías richin xok kan rey, pa ruk'exel ri rutata'. Y kan xujel k'a ri rubi' y xubij Joaquim chire. K'ari' ri Joacaz xuk'uaj-el pan Egipto, y rija' chiri' xken-wi.

2 Rey 24:6

Y toq ri Joaquim xken, ja ri Joaquín ri ruk'ajol xok kan rey pa ruk'exel.

Wuj Richin Bix Chire ri Dios 52:5

Roma ri' ri Dios kan xkaruk'is jumul. Xkaruchop k'a y xkarelesaj-el chupan ri awachoch. Y kan xtrelesaj k'a el ri ak'aslen.

Wuj Richin Bix Chire ri Dios 80:16

Ri qaruwach'ulew xa kan xya'ox k'a ruq'aq'al, y tolan chik rubanon, roma ri' rik'in ri awoyowal ke'ak'isa' ri winaqi' ri xeya'on ruq'aq'al.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Isaías 27:8

Jak'a ri Dios xuya' ri rutojbalil pa kiwi' ri qawinaq achi'el ri k'atzinel. Y xuteq k'a pe jun nimalej kaq'iq' pa tz'iran ruwach'ulew richin xerutaluj-el, achi'el nuben ri kaq'iq' ri peteneq pa relebel-q'ij.

Wuj Richin ri Jeremías 22:30

Ri Jeconías kan xtitz'ibex k'a kan rubi' chupan ri wuj kichin ri e kijatzul, chi rija' achi'el xa ta man xek'oje' ta ralk'ual, achi'el jun achin ri man jun utz nel chuwech. Roma kan man jun chike ri rijatzul rija' ri xtitikir ta ri xtitz'uye' kan pa rutz'uyubal ri David richin xtiq'aton-tzij pa ruwi' ri tinamit Judá, xcha' ri Dios.

Wuj Richin ri Jeremías 31:28

Kan xinben k'a kik'in rije' chi xenk'uq, xenwelesaj-el, xenwulaj y xenyoj. Chuqa' xinya' ruk'ayewal pa kiwi'. Keri' chuqa' xkentik-qa y xkenk'iytisaj chik q'anej jun bey. Yin Jehová ri yibin.

Wuj Richin ri K'uxla'anik 2:1

Roma ri royowal ri Jehová, kan xuq'equmarisaj ri tinamit Sión, kan xuben chire chi achi'el xa ta k'a chila' chikaj xberuk'aqa-pe k'a pan ulew. Ri rubanon kan, ri Sión kan jari' ri qajineq chuwech, jak'a re wakami kan man niqaqa ta chuk'u'x roma ri royowal.

Ez 15:2

Rat Ezequiel, ¿nach'ob rat chi más rejqalen ri ruche'el ri uva chuwech ri ruq'a' xabachike che' ri ek'o pa k'echelaj?

Ez 15:4

Roma re' toq niya'ox pa q'aq', xa kan yek'at ri rutza'n y ri ruk'u'x xa nok qa aq'a'l. ¿K'a nik'atzin kami re' richin niban samaj rik'in?

Ez 17:10

Stape' xtitik chik qa, man xtibejotayin ta chik pe. Y toq xtipe ri kaq'iq' re kere' pa relebel-q'ij, xa xtichaqi'j-qa ri ruxe', xcha'.

Ez 19:11

Ri ruq'a' kan xk'oje' k'a ruchuq'a', y re' nuk'exewachuj ri ki-rey. Y ri juwi-uva ri' kan janila k'a xk'iy, y kan janila k'a nim chikiwech ri ch'aqa' chik.

Ez 28:17

Roma kan at jebel ok, rat kan xanimirisaj-awi'. Roma ri awajawaren kan janila jebel, ri animirisanen xuben chawe chi xa xkik'is ri na'oj ri k'o awik'in. Roma ri' ri Dios kan xuqasaj aq'ij k'a pan ulew, y konojel k'a ri rey yetze'en chawij

Os 13:15

Stape' ri Israel xtiwinaqir-q'anej chikikojol ri rach'alal, xa kan xtipe k'a jun kaq'iq' pa relebel-q'ij, xa kan xtipe k'a jun kaq'iq' wichin yin Jehová ri xtijote-pe pa tz'iran ruwach'ulew. Re kaq'iq' re' kan xtuchaqirisaj k'a kan ronojel ri ralaxbal taq ya' y kan xkek'is k'a ronojel. Ri e etzelanel kichin xa kan xtikik'uaj k'a el ronojel ri beyomel y ronojel ri k'o rejqalen ri k'o kik'in.

Wuj Richin ri Jonás 4:8

Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.

San Mateo 3:10

Y pa ruwi' ri' nich'on-wi ri tzij: Ri ikej e naban chik chuxe' ronojel ri che' ri man nikiya' ta kiwech, richin yechoy. Y ronojel k'a ri che' ri xkechoy, xkek'aq pa q'aq', nicha'.

San Juan 15:6

Wi rix man itunun ta iwi' wik'in, xa xkixelesex-el. Wi keri' xa ix achi'el jun ruq'a' ri juwi-uva ri xa chaqi'j chik ri yebemol-pe richin yek'aq pa q'aq'.

Deut 29:28

Y rik'in k'a ri janila royowal, ri Jehová xerelesaj-el chupan re kiruwach'ulew, y xerutaluj-el pa ch'aqa' chik ruwach'ulew, achi'el re niqatz'et k'a re q'ij re', xkecha'.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.