Ez 19:11 - Kaqchiquel Bible

¹¹ Ri ruq'a' kan xk'oje' k'a ruchuq'a', y re' nuk'exewachuj ri ki-rey. Y ri juwi-uva ri' kan janila k'a xk'iy, y kan janila k'a nim chikiwech ri ch'aqa' chik.

Ez 19:11 ပူးပေါင်းရင်းမြစ်များ

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

Wuj Richin ri Esdras 5:11

Y ri aj-Judá xkibij chiqe chi rije' e samajela' richin ri Dios rajaw ri kaj y ri ruwach'ulew. Y nikipaba' chik q'anej ri rachoch rija', ri k'iy yan juna' paban-q'anej roma jun nimalej rey richin Israel.

Wuj Richin Bix Chire ri Dios 110:2

Ri Jehová xtunimirisaj ri awajawaren ri chiri' pa Sión. Kan kak'oje' k'a pa kiwi' ri e etzelanel awichin.

Wuj Richin Bix Chire ri Dios 80:15

Katanpe richin yojakol roj ri kan oj achi'el tiko'n ri ja rat xatiko-qa, ri kan xajikiba' chi kan awichin rat.

Wuj Richin Bix Chire ri Dios 80:17

Jak'a kan taya' ri awutzil pa qawi' roj, roj ri xojajikiba' rik'in ri awijkiq'a', roma ja rat xatikeriban-q'anej qichin.

Wuj Richin ri Isaías 11:1

Ri rijatzul kan ri Isaí achi'el jun che' toq choyon chik el. Achi'el ri k'ak'a' taq ruq'a' ri nibejotayin chik pe chire jun kuta'm, keri' chuqa' xtibek'ulun chik pe jun rey chikikojol ri e rijatzul kan ri David.

Ez 19:12

Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 21:10

Xban yan k'a rey richin nibekusex richin nibekamisan Kan xjosq'ix yan k'a jebel, y kan achi'el koyopa' ri xtuben. Y kan ya'on chik richin nikamisan.*f5*

Ez 21:13

Yin ninbij chi kan nibanatej-wi, roma ri rey kan nik'uluman chuqa'. Yin Jehová ri ink'o pa ruwi' ronojel ri yibin.

Ez 31:3

Rix aj-Egipto, ix achi'el jun tiox-che' ri k'o chiri' pa juyu' Líbano: Y ri che' ri' kan jebel ruq'a' y kan janila nim ri rumujal, y nej ri rujotolen y ri rutum napon k'a pa sutz'.

Dn 4:11

Re che' re' janila xk'iy y xnimer k'a ri rupan. Y ri rutum xapon k'a chila' chikaj, y kan nitz'etetej k'a chupan chijun ruwach'ulew.

Wuj Richin ri Chojmirisabelri'il 23:40

Ri nabey q'ij richin ri nimaq'ij ri' xtik'uaj ruq'a' taq che' ri ek'o ruwech, y chuqa' xtik'uaj ruq'a' palma, ruq'a' ri che' ri k'o kixaq, y ri ruq'a' ri skab ri nik'oje' chuchi' raqen-ya'. Y xkixnimaq'ijun k'a wuqu' q'ij chinuwech yin.

Wuj Richin ri Q'axanri'il 24:17

Yin xintz'et pa wachik', jak'a man jani tik'uluwachitej. Xtik'uluwachitej k'a, jak'a man jani. Chupan-apo ri q'ij ri' xtibek'oje' jun rey chikikojol ri israelita. Xkeruk'is k'a ri aj-Moab, y xkeruk'is ri e rijatzul kan ri Set ri ek'o pa tz'iran ruwach'ulew.