Ez 19:1 - Kaqchiquel Bible

¹ Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Ez 19:1 ပူးပေါင်းရင်းမြစ်များ

2 Rey 23:34

K'ari' ri rey Necao xuya' ri Eliaquim ruk'ajol ri Josías richin xok kan rey, pa ruk'exel ri rutata'. Y kan xujel k'a ri rubi' y xubij Joaquim chire. K'ari' ri Joacaz xuk'uaj-el pan Egipto, y rija' chiri' xken-wi.

2 Rey 24:12

Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor.

2 Rey 24:6

Y toq ri Joaquim xken, ja ri Joaquín ri ruk'ajol xok kan rey pa ruk'exel.

2 Crón 35:25

Y ri Jeremías kan xuben k'a jun bix richin bis. Y k'a re q'ij re' konojel ri bixanela' chi alaboni' chi xtani' noqaqa chikik'u'x ri rey Josías toq nikibixaj ri bix richin bis; y re' kan xok k'a kan jun ruchojmilal chiri' pan Israel, y re bix re' xtz'ibatej kan chupan ri wuj richin bis.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

2 Crón 36:3

roma ri rey richin Egipto xrelesaj-pe chiri' pa Jerusalem pa rutz'uyubal. Y xuben chire ri tinamit chi xesamej rik'in, y k'o chi xkiya' jubama oxk'al lajuj quintal saqipueq, y jubama oxi' arroba q'anapueq.

2 Crón 36:6

Y ri Nabucodonosor rey richin Babilonia xapon rik'in ri Joaquim y xuxim rik'in cadena ri banon rik'in q'enq'oj-pueq y xuk'uaj-el pa Babilonia.

Wuj Richin ri Jeremías 22:28

Ri Jeconías achi'el xa ta jun paxineq bojo'y ri man jun chik nik'atzin-wi. Rija' achi'el jun k'ojelibel ri man jun nipoqonan richin. Keri' xtinben chire rija' y chike ri aj pa rachoch. Y achi'el nik'aq-el jun paxineq bojo'y keri' xtinben yin kik'in rije' pa jun chik ruwach'ulew ri man jun bey kitz'eton.

Wuj Richin ri Jeremías 22:30

Ri Jeconías kan xtitz'ibex k'a kan rubi' chupan ri wuj kichin ri e kijatzul, chi rija' achi'el xa ta man xek'oje' ta ralk'ual, achi'el jun achin ri man jun utz nel chuwech. Roma kan man jun chike ri rijatzul rija' ri xtitikir ta ri xtitz'uye' kan pa rutz'uyubal ri David richin xtiq'aton-tzij pa ruwi' ri tinamit Judá, xcha' ri Dios.

Wuj Richin ri Jeremías 24:1

Toq ri Nabucodonosor rey richin Babilonia xeruk'uaj-el yan-el pa ximonri'il ri rey Jeconías ri ruk'ajol ri Joaquim, ri e q'atoy taq tzij y ri yebanon jalajoj ruwech samaj. Jari' toq ri Jehová xuk'ut chinuwech ka'i' chakech wíkix ri ya'on chiri' chuwech ri rachoch rija'.

Wuj Richin ri Jeremías 24:8

Roma ri Jehová kere' nubij: Achi'el ri wíkix ri janila e itzel, roma kan janila e q'ayineq man yatikir natej, keri' xtinben rik'in ri Sedequías rey richin Judá y kik'in chuqa' ri aj-raqen y ri ch'aqa' chik winaqi' ri xekanej kan pa Jerusalem, ri xek'oje' kan chupan re ruwach'ulew re' y ri ek'o chiri' pa ruwach'ulew Egipto.

Wuj Richin ri Jeremías 9:1

Jebel ta ri' xa ta ri runaq' taq nuwech achi'el ta jun ya' ri nalex-pe chaq k'ate' y nichoxin ta pe ri ruya'al-nuwech richin yinoq' chi paq'ij chi chi'aq'a', koma ri nuwinaq e kaminaqi' richin ri nutinamit.

Wuj Richin ri Jeremías 9:10

Yin yinoq' y yibison roma ri k'echelaj. Yin ninbixaj jun bix richin bis roma ri juyu' richin soq'olbel, roma xa xek'at y man jun chik achike ye'ik'o pa kiwi'. Kan man nak'axex ta chik koq'ej ri awej y keri' chuqa' ri aj-xik' taq chikopi' y ri chikopi' richin k'echelaj. Konojel xa xe'animej yan el.

Wuj Richin ri K'uxla'anik 4:20

Ri ojer, xqakuquba' qak'u'x rik'in ri rey Sedequías, jak'a rija' xa xuya-ri' pa pikbel. Xqach'ob chi rik'in rija' niqato-wi-qi' chikiwech ri ch'aqa' chik winaqi'.

Wuj Richin ri K'uxla'anik 5:12

Ri e aj-raqen kan xetzeqebex k'a chikiq'a'. Ri e tata'al, kan man jun kejqalen xban chike.

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 19:2

Ri tinamit Israel kan janila k'a'el achi'el jun ixoq koj, jari' ri más k'a'el chikikojol ri ch'aqa' chik koj. Y jupul chikikojol ri taq ral, richin xeruk'iytisaj.

Ez 2:10

Y xurik' k'a ri boton wuj ri' chinuwech y xintz'et k'a chi nojineq ruwech rik'in ch'abel y keri' chuqa' ri chirij. Y ri tz'ibatel chuwech nich'on chirij ri q'axo'n y ri bis.

Ez 26:17

Rije' xtikibixaj jun bix ri ruk'amon-pe bis y ri bix kere' nubij: Rat tinamit ri eleneq utz atzijol, xa xach'akatej yan. Rat k'a xaq'aton-tzij pa kiwi' e k'iy ojer kan. Kan chijun k'a ruwach'ulew xkixibij-ki' chawech.

Ez 27:2

Rat Ezequiel, tabixaj k'a re jun bix re' richin bis pa ruwi' ri Tiro:

Ez 27:32

Y xtikiben k'a jun bix richin bis pa ruwi' ri Tiro, y ri xtibanon, kan xtuben rik'in janila q'axo'n. Y jare' k'a ri bix ri xtikibixaj rije': Ri Tiro, ojer kan ja rija' ri más jebel chikiwech ri ch'aqa' chik ruwach'ulew, jak'a re wakami k'o pa runik'ajal ri ya' y man jun nitikir nuben.

Ez 28:12

Rat Ezequiel, tabixaj k'a re jun bix re' ri ruk'amon-pe bis, pa ruwi' ri rey richin Tiro y tabij jare' ri ninbij yin Jehová: Kan qitzij na wi chi rat kan at utz chikiwech ch'aqa' chik, y kan at nojineq rik'in nojibel, y rat xaben chire ri awajawaren chi kan jebel ok.

Ez 32:16

Re jun bix re' richin bis y kan kere' k'a rubixaxik ri xtikibixaj ri ixoqi' richin e k'iy ruwach'ulew. Re jun bix re' richin ri ruwach'ulew Egipto y kichin ri e janila chi winaqi' aj chiri', yin Jehová ri yibin.

Ez 32:18

Rat Ezequiel, katoq' junan kik'in ri ixoqi' richin ch'aqa' chik ruwach'ulew ri kan k'o kiq'ij. Katoq' pa kiwi' ri janila chi winaqi' ri e richin ri ruwach'ulew Egipto ri xkebe pa jul richin muqbel kik'in ri e kaminaqi' chik el.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Am 5:1

Rix nuwinaq israelita, tiwak'axaj re jun bix re' richin bis ri xinben pan ibi'.