Ez 18:9 - Kaqchiquel Bible

⁹ Rija' nuben ri nubij chupan ronojel ri nupixa' y kan man jun bey xtuch'er-ri' chire. Re wineq re' kan choj wi y rija' kan xtik'ase' k'a chi utzil. Ja yin Jehová ri yibin.

Ez 18:9 ပူးပေါင်းရင်းမြစ်များ

1 Rey 9:4

Y wi rat xkabiyin chinuwech rik'in chojmilal y rik'in ronojel awánima achi'el xuben ri David ri atata' y kan naben ri nubin chawe yin y nataqej ronojel nupixa',

Wuj Richin Etamabel-Tzij 12:28

Chupan k'a ri rubey ri wineq ri choj, kan nilitej-wi k'aslen; jak'a chupan ri rubey ri wineq ri nuben xaxe ri nrajo' rija', nilitej kamik.

Ez 11:12

Rix xa xitzeqelibej ri kibanobal ri winaqi' kichin ri tinamit ri ek'o chi'inaqaj, xa man ibanon ta y man itaqen ta ri nubij ri jalajoj ruwech pixa' ri nuya'on chiwe. Jak'a re wakami kan xtiwetamaj k'a chi ja yin Jehová, xcha'.

Ez 18:10

Jak'a wi re wineq re' ri choj ruk'aslen k'o ta jun ruk'ajol eleq'om, kamisanel o nuben ch'aqa' chik banobel ri man e utz ta;

Ez 18:17

Chuqa' man xtuben ta itzel. Y toq xtuya' méro pa qajik chire jun ruwinaq xa man xtuk'utuj ta ral y toq xtuya' pa qajik chire jun ri man ruwinaq ta man xtuk'utuj ta k'iy ral. Rija' kan xtuben k'a ri nubij chupan ronojel ri nupixa' y man xtuch'er ta ri' chire. Re alk'ualaxel re' kan man xtiken ta k'a roma ri rumak ri rutata', xa kan xtik'ase' k'a.

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Ez 20:11

Y chiri' xinya-wi chike ri ruchojmilal y ri pixa', roma ri' ri wineq ri xtutaqej kan xtik'ase' k'iy juna'.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Ez 33:15

re wineq re' kan xtik'ase'. Nel chi tzij chi wi rija' xuya' méro pa qajik y xuk'ul jun retal, k'o chi nutzolij ri retal ri'. Wi rija' k'o releq'an, k'o chi nutzolij ri releq'. Chuqa' k'o chi nuben achi'el nubij chupan ri pixa' y man nuben ta chik itzel taq banobel.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Wuj Richin ri Chojmirisabelri'il 18:5

Roma ri' kan tiyaka' pan iwánima ri pixa' ri nuya'on chiwe rix ri ix nutinamit. Roma achike k'a ri xtitaqen, kan xtik'ase'. Ja yin Jehová ri yibin.

Am 5:14

Rix nibij chi yin Jehová ink'o iwik'in. Roma ri' tikanoj ri utz y man tiben ri itzel, richin keri' xkixk'ase' chi utzil. K'ari' kan qitzij chi xkik'oje' iwik'in, yin Jehová, ri Dios ri k'o ronojel uchuq'a' wik'in.

Am 5:24

Yin ninwajo' chi man kixtane' chubanik ri ruchojmilal, achi'el jun raqen-ya' ri chaq palik nibiyin, y man jun bey nipa'e-qa. Kan ta palik utz niben achi'el ri raqen-ya' ri man jun bey nichaqi'j-qa.

Am 5:4

Yin Jehová kere' ninbij chiwe rix israelita: Titzolej-pe ik'u'x wik'in yin y xkixk'ase' chi utzil.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

San Juan 14:21

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

Romanos 1:17

Ri ch'abel richin kolotajik nuq'alajirisaj chiqawech ri rubanon ri Dios richin chi man jun qamak yojk'ulun chuwech. Toq niqakuquba' qak'u'x rik'in, jari' toq man jun qamak yojk'ulun chuwech, achi'el ri nubij chupan ri ruch'abel,*f1* chi ri winaqi' ri nikitzeqelibej ri Dios, kan xtik'oje' kik'aslen roma kikuquban kik'u'x rik'in.

Romanos 8:1

Wakami k'a kan man xtiqaqa ta ri nimalej ruk'ayewal pa qawi', roj ri jun chik qabanon rik'in ri Cristo Jesús.

Deut 11:1

Kan tiwajo' k'a ri Jehová ri qa-Dios ronojel q'ij chire ri ik'aslen, y kan titaqej k'a ronojel re pixa' re'.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 6:25

Wi roj niqataqej rik'in ronojel qánima ronojel ri pixa' ri ya'on chiqe, rija' kan xtikikot qik'in, xkixcha' chike.

1 Juan 2:29

Rix iwetaman chi ri Jesucristo kan choj wi, roma ri' k'atzinel niwetamaj chi xabachike wineq ri ruk'uan jun k'aslen choj, kan ralk'ual chik ri Dios.

1 Juan 3:7

Rix walk'ual, man k'a kixq'olotej. Wi nik'uaj jun k'aslen choj, kan ixchoj chuqa' achi'el ri Jesucristo, kan choj wi.