Ez 18:7 - Kaqchiquel Bible

⁷ Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Ez 18:7 ပူးပေါင်းရင်းမြစ်များ

Ez 18:16

Man xkeruya' ta pa tijoj-poqonal ri ch'aqa' chik, toq xtuya' méro pa qajik man xtuk'utuj ta retal chire ri qajonel. Man xteleq' ta; pa ruk'exel ri' xa kan xtuya' kiway ri yewayjan y xtuya' kitziaq ri maneq kitziaq.

Ez 18:12

xa kan nuben chike richin nikitej poqon ri man jun k'o kik'in. Xa kan neleq' y toq nuya' méro pa qajik man nutzolij ta chik el ri retal ri xya'ox kan chire roma ri qajonel. Kan nukuquba' ruk'u'x rik'in ri wachibel y yeruben banobel ri kan man utz ta nintz'et.

Ex 22:26

Wi nik'en kan ri tzieq ri nuq'uj ri iwachpochel, richin qajbel richin ri méro, kan titzolij k'a chire toq niqaqa ri q'ij,

Ez 33:15

re wineq re' kan xtik'ase'. Nel chi tzij chi wi rija' xuya' méro pa qajik y xuk'ul jun retal, k'o chi nutzolij ri retal ri'. Wi rija' k'o releq'an, k'o chi nutzolij ri releq'. Chuqa' k'o chi nuben achi'el nubij chupan ri pixa' y man nuben ta chik itzel taq banobel.

San Lucas 3:11

Ri Juan xubij k'a chike: Achike k'a chiwe rix ri k'o ka'i' rutziaq, tuya' jun chire ri maneq rutziaq. Xabachike k'a chuqa' chiwe rix ri k'o ta wey rik'in, tuya' k'a chuqa' chire ri maneq ruway, xcha' chike.

Am 3:10

Rije' man ketaman ta yek'ase' choj. Kan xebeyomer-q'anej roma ye'eleq' y yekamisan.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

Ez 18:18

Jak'a ri rutata' kan xtiken roma ri rumak roma xeruya' pa tijoj-poqonal ri winaqi', xeleq' y xuben itzel chikikojol ri ruwinaq. Xa kan xaxe k'a rija' ri xtejqalen ri rumak ri xerubanala'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Sofonías 1:9

Xtinya' rutojbalil-mak pa kiwi' ri winaqi' ri nikiya' kiq'ij ch'aqa' chik dios; Chuqa' pa kiwi' ri winaqi' ri nikinojisaj rachoch ri kajaw rik'in ri keleq' y q'oloj.

Wuj Richin ri Miqueas 3:2

Jak'a rix xa niwetzelaj ri utz, y ri man utz ta, xa jari' ri niwajo'. Rix niwelesaj ronojel chike ri nuwinaq, achi'el xa ta niwelesaj ri kitz'umal y ri kitiojil chirij ri kibaqil.

Wuj Richin ri Miqueas 2:1

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Am 6:3

Rix man niwajo' ta nich'ob rij ri q'ij richin ruk'ayewal, jak'a xa peteneq q'ij richin ikamik.

Ez 7:23

Ke'inaba' k'a cadena richin yixxime', roma chupan ronojel ri ruwach'ulew y ri pa tinamit janila kamik ri yebanatej.

Wuj Richin ri Jeremías 22:3

Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.

Wuj Richin ri Isaías 33:15

¿Achike kami wineq ri nibiyin pa ruchojmilal? Ri nibin ri qitzij; ri man nibeyomer ta rik'in ri man ruch'akon ta; ri man nuya' ta q'ij chi nipuaqix; ri man nrajo' ta nrak'axaj toq niban ch'owen chirij jun kamik; y ri man nuch'ob ta nuben ri itzel taq banobel.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Wuj Richin ri Isaías 1:17

Tiwetamaj niben ri utz. Kan titija' iq'ij richin nikanoj ri ruchojmilal. Kan ke'ito' ri yetz'ilox. Kan tibana' pa ruchojmilal kik'in ri meba'i'. Y kan ke'ito' ri malkani' toq ek'o chuwech ri q'atbel-tzij.

Wuj Richin Etamabel-Tzij 28:27

Kan man jun k'a ri xtibek'atzin-pe chire ri wineq, toq kan k'o ri nuya' chike ri winaqi' ri man jun k'o kik'in; jak'a ri wineq ri nim nuna-ri' y xa man yeruto' ta, k'iy ruk'ayewal ri xtiqaqa pa ruwi'.

Wuj Richin Etamabel-Tzij 28:8

Ri kan nuben-q'anej rubeyomel, roma ri ral ri ruméro y roma ri nik'o ruwi' nuk'utuj chike ri yeqajo rik'in; rija' kan man retaman ta chi ri beyomel ri' xa pa ruq'a' jun chik ri kan nujoyowaj kiwech ri meba'i' ri nibek'oje-wi kan.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin Etamabel-Tzij 3:31

Man tipe rayibel iwik'in chi yixok ta achi'el jun wineq banoy oyowal, ni man tirayij nitzeqelibej ri rubey ri wineq ri'.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Wuj Richin Bix Chire ri Dios 112:4

Nisaqirisan k'a pe jun q'aq' pa q'equ'm chikiwech ri winaqi' choj kik'aslen, chikiwech ri kan e joyowanel, e koch'onel y kan choj ri kik'aslen.

Wuj Richin Bix Chire ri Dios 41:1

Jebel ruwa-ruq'ij ri wineq ri yeruto' ri ek'o pa meba'il. Toq xtipe ri q'ij richin ruk'ayewal, kan xtito'ox roma ri Jehová.

Wuj Richin ri Achin Job 24:9

Y kan ek'o k'a chike ri itzel taq achi'a' ri kan yekimajila-el ri taq ak'uala' maneq chik kitata', chikiwech ri teja', stape' k'a yetz'uman na. kan ja ri ak'uala' yekik'en chuwech ri kik'as ri winaqi' ri man jun k'o kik'in.

Wuj Richin ri Achin Job 24:3

Yekeleq'aj-el ri taq kibur ri meba'i', y kan yekimej ri kibóyix ri malkani', ri e yuqul kan roma k'as.

Wuj Richin ri Achin Job 22:6

Roma toq ri awach'alal xkiben jun kiqajo'n awik'in, kan k'o na chi k'o xkiyuquba' kan awik'in y xa maneq achike roma xaben keri', kan xawelesaj kan ri kitziaq ri nikiq'uj, kan xaben k'a chike chi tew xkina'.

Deut 24:17

Kan tibana' pa ruchojmilal kik'in ri man e iwinaq ta y ri meba'i'. Y chuqa' man tik'utuj jun rutziaq ri malka'n richin qajbel richin ri ruk'as.

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Ex 23:9

Man ke'iya' pa bis ri man e iwinaq ta ri ek'o chi'ikojol. Rix iwetaman ri nuna' ri kánima rije' roma ri man e iwinaq ta, roma xa kan xina' yan toq xixk'oje' pan Egipto.

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

Wuj Richin ri Chojmirisabelri'il 25:14

Roma ri' toq jun wineq nuk'ayij o nuloq' ulew chire jun chik wineq, man k'a tuq'ol ri ruwinaq richin nich'akon chirij.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Ez 16:49

Jare' k'a ri rumak ri xuben ri awach'alal Sodoma y ri kokoj taq rutinamit: Rije' kan xkinimirisaj k'a ki'. Chuqa' kan pa ruk'iyal ri xk'oje' kik'in, jak'a man xekito' ta ri e poqonatajineq y ri e molonel.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Ex 22:25

Toq niya' méro pa qajik chire jun iwinaq, ri kan man jun k'o rik'in, man tik'utuj ral chire.

Wuj Richin ri Nehemías 5:10

Roma yin, ri e wach'alal y ri nusamajela' kan qaya'on méro pa qajik y jalajoj ruwech ixin pa jalik chike ri qawinaq xaxe richin yeqato', man richin ta yojch'akon. ¡Wakami k'a rix kan tikuyu' ri kik'as ri qawinaq!