Ez 18:6 - Kaqchiquel Bible

⁶ Rija' man xtiwa' ta kik'in winaqi' ri yenimaq'ijun pa ruwi' taq juyu' richin nikiya' kiq'ij wachibel, ni man xtukuquba' ta ruk'u'x kik'in ri wachibel ri achoq ik'in nikikuquba' kik'u'x ri winaqi', ni man xtik'oje' ta rik'in rixjayil ri rachpochel, ni man xtik'oje' ta qa rik'in ri rixjayil rija' toq k'o yabil richin chi ik' chire.

Ez 18:6 ပူးပေါင်းရင်းမြစ်များ

Wuj Richin Bix Chire ri Dios 121:1

Kan xkitzu'un k'a q'anej pa ruwi' chijun la juyu'; ninbij k'a ¿Akuchi ta k'a xtipe-wi ri to'onik wichin yin?

Ex 34:15

Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Wuj Richin Etamabel-Tzij 6:29

Y keri' ri nuk'uluwachij jun achin ri nuju' ri' rik'in jun k'ulan ixoq; ri achin ri' kan xtrejqalej-wi k'a ri mak ri'.

Ez 18:15

Man xtiwa' ta kik'in winaqi' ri yenimaq'ijun pa ruwi' taq juyu' richin nikiya' kiq'ij wachibel, ni man xtukuquba' ta ruk'u'x kik'in ri wachibel ri achoq ik'in nikikuquba' kik'u'x ri winaqi', ni man xtik'oje' ta rik'in ri rixjayil ri rachpochel.

Ez 18:5

Rik'in juba' k'o ta jun wineq choj ruk'aslen y kan ronojel pa ruchojmilal ri nuben.

Ez 20:24

roma man xkiben ta ri achike nubij ri nupixa', man xkiyek ta pa taq kánima y man xkiya' ta rejqalen ri q'ij richin uxlanen. Xa xbe kan kik'u'x kik'in ri wachibel y kan nikiya' kiq'ij ri dios ri xkiya' kiq'ij ri kite-kitata'.

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Ez 6:13

Xtiketamaj chi ja yin ri' ri in Jehová, toq xtikitz'et ri kaminaqi' ri e li'an chikiwech ri wachibel y chuchi' ri porobel y toq xkek'oje' kaminaqi' ri akuchi nikiya' kiq'ij ri wachibel y xkisuj-wi ri jubulej taq aq'om ri chiri' pa ruwi' taq juyu', pa taq'aj, chikixe' che' ri e jebel rex-rex.

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Wuj Richin ri Chojmirisabelri'il 20:18

Wi k'o ta jun achin nik'oje' rik'in ri rixjayil ri k'o yabil richin chi ik' chire, ri achin ri' nuben chire chi man jun rejqalen ri jun ixoq, y ri ixoq ri' nuben qa chi maneq rejqalen, y roma ri' chi e ka'i' k'a xke'elesex-el chi'ikojol rix.

Wuj Richin ri Q'axanri'il 25:2

roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in.

San Mateo 5:28

Jak'a yin ninbij chi xabachike wineq ri nuya' ruwech chirij jun chik, ri nibanon keri', pa ránima xa kan xmakun yan.

1 Corintios 10:20

Ri winaqi' ri nikisuj ri ti'ij ri', xa man chire ta ri Dios nikisuj-wi; xa chike ri itzel taq espíritu nikisuj-wi toq nikiya' chikiwech ri wachibel. Y yin man ninwajo' ta k'a chi niben keri', chi junan iwech niben kik'in ri itzel taq espíritu.

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.