Ez 18:4 - Kaqchiquel Bible

⁴ Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Ez 18:4 ပူးပေါင်းရင်းမြစ်များ

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Wuj Richin ri Zacarías 12:1

Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Wuj Richin ri Isaías 42:5

Kere' nubij ri Jehová chire ri ya'ol rutzijol: Yin xibanon ri kaj, y kan xinrik'. Chuqa' xinben ri ruwach'ulew y ronojel ri yewachin chuwech, y kan nuya'on kik'aslen konojel ri ek'o chuwech.

Wuj Richin ri Q'axanri'il 27:16

Rat Jehová Dios, ri at rajaw ronojel k'aslen kichin ri winaqi': Tacha' k'a jun achin richin naya' pa kiwi' re winaqi' re',

2 Rey 14:6

Jak'a man xerukamisaj ta k'a ri e kik'ajol rije'. Kan xuben achi'el ri tz'ibatel kan chupan ri pixa' ri xuya' ri Jehová chire ri Moisés, toq xubij chi man kekamisex ri te'ej-tata'aj koma ri alk'ualaxela', ni ri alk'ualaxela' koma ri te'ej-tata'aj. Xa kan chikijujunal xkeken chutojik ri kimak.

Wuj Richin ri Achin Job 21:20

Ri aj-mak kan tutz'eta' na ri ruk'ayewal ri xtipe pa ruwi', kan tuqumu' na ri royowal ri Dios ri k'o ronojel uchuq'a' pa ruq'a'.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Wuj Richin ri Jeremías 31:30

roma ri winaqi' ri xketijo ri ch'om taq uva, ja rije' ri xtijuch'uch' ri key. Nel k'a chi tzij chi kan chikijujunal k'a ri winaqi' xkeken roma ri kimak.

Ez 18:3

Jak'a yin Jehová ninbij chi man jun bey chik xtikamulux re jun k'ambel-tzij re' chupan ri iruwach'ulew.

Ez 18:5

Rik'in juba' k'o ta jun wineq choj ruk'aslen y kan ronojel pa ruchojmilal ri nuben.

Ez 33:8

Rik'in juba' yin ninbij chawe chi ri wineq ri rujachon-ri' chubanik etzelal, kan xtiken. Wi rat man jun xabij chire ri wineq ri' richin nuchojmirisaj ta ri ruk'aslen, rija' xtiken k'a y chawe rat xtinch'ojij-wi ri rukik'el.

Deut 24:16

Ri te'ej-tata'aj man yekamisex ta roma kimak ri alk'ualaxela', y ni ta ri alk'ualaxela' man yeken ta roma ri kimak ri kite-kitata', xa kan chikijujunal k'o chi yekamisex roma ri kimak.

Wuj Richin ri Achin Job 8:4

Achi'el ta k'a xkiben ri awalk'ual ri', toq rije' xemakun, rija' kan xuya' ri rutojbalil ri kimak.

Ez 3:18

Toq yin ninwajo' ninbij chire jun awinaq aj-mak chi niqaqa kamik pa ruwi', rat k'o chi xtabij chire. Y wi man xtabij ta chire y rija' man nuya' ta kan ri mak richin chi nik'ase' chik juba', re wineq re' kan xtiken k'a roma ri rumak y yin xtink'utuj k'a ri ruk'aslen chawe rat.