Ez 18:31 - Kaqchiquel Bible

³¹ Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

Ez 18:31 ပူးပေါင်းရင်းမြစ်များ

2 Rey 17:13

K'ari' rija' xeruteq k'a q'alajirisey ruch'abel y achi'a' ri kan yetikir nikitz'et ri chikiwech-apo, y xerukusaj richin tikiq'alajirisaj chikiwech ri israelita richin chi titzolej-pe kik'u'x y tikiya' kan ri itzel bey ri kik'uan, y kan tikibana' achi'el nubij ri pixa' ri xuk'ut chikiwech ri kite-kitata'.

Wuj Richin Bix Chire ri Dios 34:14

Tijech'ej-iwi' nej chire ri etzelal, y tibana' ri utz. Tikanoj ri uxlanibel-k'u'x y jari' ri titzeqelibej.

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin Etamabel-Tzij 8:36

Jak'a ri wineq ri xa man yirukanoj ta y xa yirujech'ej kan, nroyoj k'a ruk'ayewal pa ruwi', roma ri wineq ri man najowan ta wichin, xa kan nrajo' wi ri kamik, keri' k'a ri ch'abel ri nubij ri na'oj.

Wuj Richin ri Isaías 30:22

Kan xke'iwetzelaj k'a konojel wachibel ri e banon rik'in saqipueq y q'anapueq. Ronojel re' kan xke'ik'eq kan achi'el jun tz'il laj tzieq ri man ch'ajch'oj ta.

Wuj Richin ri Isaías 31:6

Roma ri', rix nuwinaq titzolej-pe ik'u'x rik'in ri qa-Dios, stape' ix yakatajineq chirij rija'.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Wuj Richin ri Isaías 59:20

Chupan ri q'ij ri' ri kolonel xtipe k'a pa tinamit Sión, y konojel ri nuwinaq israelita xtikitzolij-ki' chikij. Ri Jehová kan keri' ri xusuj.

Wuj Richin ri Jeremías 21:8

Ri Jehová chuqa' xubij chuwe chi tinya' re jun rutzijol re' chike ri winaqi' y xubij: Ninya' chiwech richin nicha' ri bey richin k'aslen o ri bey richin kamik.

Wuj Richin ri Jeremías 27:13

¿Achike ta k'a roma niya' ri ik'aslen pa kamik roma ri oyowal, ri wayjal y ri nima-yabil? Roma ri Jehová xubij chi jare' ri nikik'uluwachij ri tzobaj winaqi' ri man xkek'oje' ta chuxe' rutzij ri rey richin Babilonia.

Wuj Richin ri Jeremías 27:15

Ri Jehová kan nujikiba' chi rija' maneq e rutaqon y pa rubi' rija' nikitz'uk-tzij. Y keri' rija' xkixrutaluj-el iwonojel rix y ri q'alajirisey ri xkibij ronojel re' chiwe, xicha' chike.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin ri Jeremías 44:4

Y beneq k'a ruwech xenteq ri nusamajela' ri e q'alajirisey nuch'abel, richin chi nikibij chiwe chi man ye'iben banobel ri kan man niqa' ta chinuwech y ri kan yenwixowaj yin.

Ez 11:19

Y chupan ri q'ij ri', xtinjel k'a ri ibanik y kan xtinya' k'a jun k'ak'a' iwánima. Ri iwánima ri kan achi'el abej rubanon-pe, xtinwelesaj k'a el y xtinya' chik jun chiwe ri kan jebel ch'uch'uj.

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Ez 36:26

Kan xtinwelesaj-el ri kow iwánima ri achi'el abej rubanon y xtinya' jun iwánima ri kan k'es, richin nimey-tzij. Kan keri' k'a xtinya' jun k'ak'a' iwánima ri más ch'uch'uj.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.

San Mateo 12:33

Wi natik-qa jun che' utz, kan utz k'a ri ruwech ri xtuya-pe; jak'a wi man utz ta ri che', kan man utz ta chuqa' ri ruwech ri xtuya-pe. Rik'in k'a ri ruwech ri yeruya', netamex ruwech jun che'.

San Mateo 23:26

Rix fariseo ri ix moyi', tich'ajch'ojirisaj k'a nabey rupan ri leq, k'ari' xtich'ajch'ojir kan ri rij.

Hechos 13:46

Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Romanos 8:13

Roma wi xqojkik'uaj ri itzel taq rayibel ri', xa kamik nikik'en-pe chiqe. Jak'a wi yojuk'uex roma ri Loq'olej Espíritu richin nukamisaj ri itzel taq rayibel ri'; xtiqil k'aslen.

Deut 30:15

Titz'eta', wakami kan ninya' chiwech ri k'aslen o kamik, ri utz o ri ruk'ayewal.

Deut 30:19

Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Santiago 1:21

Roma ri' tiya' kan ronojel ri man ch'ajch'oj ta y ronojel ri etzelal. Y k'o chi nich'utinirisaj-iwi' chuwech ri Dios, y titaqej chi utzil ri ruch'abel ri k'o pa taq iwánima. Roma ja ch'abel ri' ri nikolon iwichin.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

1 Pedro 1:14

Y roma ix ralk'ual chik ri Dios, kan tinimaj k'a ri rutzij. Man k'a tiben ri itzel taq rayibel achi'el xiben toq k'a man jani tiwetamaj ruwech rija'.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

1 Pedro 2:1

Roma ri' kan tiya' k'a kan ronojel ruwech etzelal, ri q'oloj, ri ka'i' ipalej, ri ch'upun-k'u'x y ronojel kamulun taq tzij,