Ez 18:28 - Kaqchiquel Bible

²⁸ Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Ez 18:28 ပူးပေါင်းရင်းမြစ်များ

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Ez 33:12

Roma ri' rat Ezequiel, taya' chike ri awinaq re jun rutzijol re': Wi k'o ta jun wineq ri utz ruk'aslen y niyakatej chuwij, ronojel ri utz rubanon-pe man jun rejqalen y man xtikolotej ta kan chire ri rutojbalil. Y wi ta jun wineq ri k'o ta jun rumak y nuya' kan ri itzel rubanobal, man rik'in ta k'a ri itzel ruk'aslen rubanon-pe, man jari' ta ri xtikamisan richin. Y wi ta ri utz ruk'aslen nimakun, ri utz ri xuben ojer kan, man jun chik xtuq'ajuj richin chi roma ta ri' man ta xtiken.

Ez 18:31

Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

Ez 18:21

Y wi ta ri banoy etzelal nuchojmirisaj ruk'aslen y man nuben ta chik ri achi'el rubanon-pe y nutaqej ronojel ruwech pixa' y nuben ronojel pa ruchojmilal, kan xtik'ase' k'a kan y man xtinwelesaj ta ri ruk'aslen.

Ez 18:14

Rik'in juba' re itzel alk'ualaxel re' k'o ta jun ruk'ajol y re' nutz'et ta ronojel ri rumak ri rutata', man rik'in ri' man xtuben ta achi'el nuben ri rutata'.

Ez 12:3

Roma ri' tachojmirisaj k'a juba' ri nik'atzin chawe, achi'el xa ta at beneq pa ximonri'il. Katel-el ri tiqaq'ij y yabe-kela' yabe-kela' xtaben. Toq ri awinaq xkatkitz'et rik'in juba' xtiq'ax chikiwech chi rije' e jun tinamit richin yakatajinenri'il. Y toq xkatane' katzolin-pe pan awachoch.

Wuj Richin Bix Chire ri Dios 119:59

Yin kan xinquqa' k'a rij ri bey ri in beneq-wi; kan xitzolin k'a richin ninnimaj atzij.

Wuj Richin Bix Chire ri Dios 119:6

Wi keri' kan man xkik'ixbitej ta k'a roma nintaqej ronojel ri apixa'.

Wuj Richin Bix Chire ri Dios 119:1

Jebel ruwa-kiq'ij ri kan e tz'aqet yebiyin chupan ri kik'aslen, ri kan ja ri rupixa' ri Jehová ri kitzeqeliben.

Ez 18:27

Y wi ta jun wineq ri banoy etzelal nuchojmirisaj ta ri ruk'aslen y kan xtik'ase' pa ruchojmilal, man xtinwelesaj ta ri ruk'aslen.

Ez 18:29

Jak'a rix nibij chi yin xa man pa ruchojmilal ta yinajin chubanik. Jak'a yin ninbij chi xa ja rix ri tinamit Israel ri man pa ruchojmilal ta ri niben.