Ez 18:21 - Kaqchiquel Bible

²¹ Y wi ta ri banoy etzelal nuchojmirisaj ruk'aslen y man nuben ta chik ri achi'el rubanon-pe y nutaqej ronojel ruwech pixa' y nuben ronojel pa ruchojmilal, kan xtik'ase' k'a kan y man xtinwelesaj ta ri ruk'aslen.

Ez 18:21 ပူးပေါင်းရင်းမြစ်များ

Ez 33:19

Jak'a wi jun wineq ri itzel ruk'aslen nuya' ta kan ri itzel rubanobal y nuben ri utz, rija' kan xtik'ase'.

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

Romanos 8:13

Roma wi xqojkik'uaj ri itzel taq rayibel ri', xa kamik nikik'en-pe chiqe. Jak'a wi yojuk'uex roma ri Loq'olej Espíritu richin nukamisaj ri itzel taq rayibel ri'; xtiqil k'aslen.

San Lucas 24:47

y chi ek'o ri xkebe pa nubi' yin richin xtibekitzijoj ri ruch'abel ri Dios chike ri winaqi', chi titzolin-pe kik'u'x rik'in ri Dios richin nikuyutej kimak. Nitikeribex-el re wawe' pa Jerusalem.

Ez 18:9

Rija' nuben ri nubij chupan ronojel ri nupixa' y kan man jun bey xtuch'er-ri' chire. Re wineq re' kan choj wi y rija' kan xtik'ase' k'a chi utzil. Ja yin Jehová ri yibin.

Santiago 2:26

Achi'el jun ch'akulaj ri man k'o ta chik ri espíritu rik'in xa kamineq chik, keri' chuqa' ri kuqubabel-k'u'x wi man ruk'uan ta utzilej taq banobel.

Ez 18:5

Rik'in juba' k'o ta jun wineq choj ruk'aslen y kan ronojel pa ruchojmilal ri nuben.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Wuj Richin Bix Chire ri Dios 119:112

Kan rik'in k'a ronojel wánima xinbij chi kan nintaqej ri apixa'. Keri' xtinben chijun ri nuk'aslen.

Wuj Richin Bix Chire ri Dios 119:80

Yin kan in tz'aqet ta k'a chupan ri apixa' ri aya'on rat, richin keri' kan man jun bey ta k'a xkik'ixbitej.

Santiago 2:14

Wach'alal, wi k'o jun ri nibin chi kuqul chik ruk'u'x rik'in ri Dios, y xa man nuben ta ri utzilej taq banobel, kan man jun k'a nik'atzin-wi ri nubij keri', roma jun kuqubabel-k'u'x ri keri' xa man xtukol ta ri wineq.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Ez 18:17

Chuqa' man xtuben ta itzel. Y toq xtuya' méro pa qajik chire jun ruwinaq xa man xtuk'utuj ta ral y toq xtuya' pa qajik chire jun ri man ruwinaq ta man xtuk'utuj ta k'iy ral. Rija' kan xtuben k'a ri nubij chupan ronojel ri nupixa' y man xtuch'er ta ri' chire. Re alk'ualaxel re' kan man xtiken ta k'a roma ri rumak ri rutata', xa kan xtik'ase' k'a.

Ez 3:21

Jak'a wi ta rat xtabij chire chi man chik timakun y rija' xq'ax chuwech chi man utz ta ri xuben, rija' man xtiken ta k'a, roma kan xunimaj ri xabij chire y rat chuqa' xkakolotej, xcha'.

Wuj Richin Bix Chire ri Dios 119:1

Jebel ruwa-kiq'ij ri kan e tz'aqet yebiyin chupan ri kik'aslen, ri kan ja ri rupixa' ri Jehová ri kitzeqeliben.

Wuj Richin ri Rutikeribel 26:5

Roma ri Abraham xuben ri xinbij chire: Xunimaj nutzij, xutaqej ri jalajoj ruwech pixa', ronojel re' pa ruchojmilal xuben, xcha' ri Dios chire ri Isaac.

Wuj Richin ri Jeremías 18:8

Jak'a wi rije' xa xtikijel ri kich'obonik y xa xtikiya' kan ri itzel taq kibanobal, yin man xtinteq ta chik pe ri ruk'ayewal pa kiwi'.

Ez 13:22

Rik'in ri tz'ukuj-tzij ri xkiben chike ri winaqi' ri choj kik'aslen richin xmayamo-qa ri kánima, stape' xa man ja ta ri' ri nurayibel yin. Y chuqa' xkiya' kuchuq'a' ri yebanon etzelal richin nikiben más etzelal y keri' man xkekolotej ta.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Wuj Richin ri Jeremías 26:3

Rik'in juba' xtikinimaj atzij y nikiya' kan ri itzel taq kibanobal. Y wi keri', man xtinya' ta rutojbalil-mak pa kiwi'.