Ez 18:20 - Kaqchiquel Bible

²⁰ Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

Ez 18:20 ပူးပေါင်းရင်းမြစ်များ

1 Rey 14:13

Y konojel k'a ri winaqi' richin Israel xtikibisoj y xtikimuq rik'in oq'ej roma xa kan xaxe rija' ri xtimuq chire ri rijatzul ri Jeroboam. Y re' roma chikikojol ri e aj pa rachoch ri Jeroboam, kan xaxe k'a ri Abías ri utz juba' rubanon chuwech ri Jehová Dios richin Israel.

1 Rey 8:32

rat Ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij, rat xtaq'et-tzij pa kiwi'.

2 Rey 14:6

Jak'a man xerukamisaj ta k'a ri e kik'ajol rije'. Kan xuben achi'el ri tz'ibatel kan chupan ri pixa' ri xuya' ri Jehová chire ri Moisés, toq xubij chi man kekamisex ri te'ej-tata'aj koma ri alk'ualaxela', ni ri alk'ualaxela' koma ri te'ej-tata'aj. Xa kan chikijujunal xkeken chutojik ri kimak.

2 Crón 25:4

Jak'a man xerukamisaj ta k'a ri kalk'ual rije'; xa kan xuben achi'el ri tz'ibatel kan chupan ri wuj richin ri pixa' ri ruya'on kan ri Moisés, akuchi nubij-wi ri Jehová, chi man yeken ta ri te'ej-tata'aj roma ri kimak ri alk'ualaxela', ni ri alk'ualaxela' roma ri kimak ri te'ej-tata'aj; xa kan chikijujunal k'a xkeken roma ri kimak.

2 Crón 6:23

rat ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij rat xtaq'et-tzij pa kiwi'.

2 Crón 6:30

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

Ex 32:33

Xeri' ri Jehová xubij chire: Yin xaxe k'a ri nimakun chinuwech ri xtinyoj ri rubi' chupan ri nuwuj.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Ez 14:14

Y stape' chupan ri ruwach'ulew ri' e k'es ta na ri Noé, ri Daniel y ri Job, xa kan xaxe ta rije' ri xkekolotej kan, roma xaxe rije' ri choj kik'aslen.

Ez 14:16

Y wi k'a ek'o ta ri e oxi' achi'a' ri', yin Jehová kan ninbij k'a chi rije' man xketikir ta xkekikol ri kimi'al, ni man xketikir ta xkekikol ri kik'ajol. Xa kan xaxe ri e oxi' ri' ri xkekolotej y ri ruwach'ulew xa kan xtik'oje' kan tz'iran.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Ez 33:10

Rat Ezequiel, ri awinaq israelita nikibij chi janila k'iy ri kimak kejqalen y roma k'a ri kimak ri' xa kichapon yek'is-qa. Y nikik'utuj ri achike k'a yetikir nikiben richin yek'ase'.

Ez 33:6

Jak'a wi ri chajinel nutz'et chi peteneq ri oyowal y man xuxupuj ta ri trompeta richin chi xuya' rutzijol chike ri winaqi' y xtikamisex jun rik'in espada, re wineq re' xken, jak'a ri chajinel ri' kan xtrejqalej ri rukamik ri xken, xkacha' chike.

Ez 4:4

Y chirij re', kakotz'e' y katzale' pan awajxokon 390 q'ij. Y re tijoj-poqonal re naq'axaj rat wakami, re' nuk'exewachuj ri 390 juna' ruk'ayewal ri xtikiq'axaj ri awinaq ri ek'o pa xaman roma ri kimak.

Wuj Richin ri Chojmirisabelri'il 10:17

¿Achike roma xa xiporoj ronojel ri ruch'akul ri chikop richin ri kamelabel ri richin kuyubel-mak y man xitej ta ri akuchi ri kan cha'on-wi? Re kamelabel re' kan richin ri Jehová, y rija' ruya'on chi kan nok iwichin rix, richin chi nitej y utz yixrutz'et.

Wuj Richin ri Chojmirisabelri'il 16:22

Chiri' k'a xtiberisq'opej kan y ja ri tzuntzun k'a ri xtuk'uan-el ronojel ri kimak ri winaqi' k'a pa taq tz'iran ruwach'ulew ri akuchi man jun chik wineq k'o.

Wuj Richin ri Chojmirisabelri'il 19:8

Xabachike k'a ri xtitijo ri ti'ij ri' pa rox q'ij, kan ja rija' nejqalen ri rumak. Y re wineq re' kan xtelesex-el chi'ikojol, roma xuben chire chi maneq rejqalen ri jachon chuwe yin.

Wuj Richin ri Chojmirisabelri'il 5:1

Ja mak re' ri nik'atzin chi nisuj jun chikop richin nikuyutej rumak ri wineq: Wi jun ri nimakun ta roma noyox richin nubij ronojel ri xutz'et, richin nuq'alajirisaj ri achike xutz'et o xretamaj y man nrajo' ta nubij;

Wuj Richin ri Chojmirisabelri'il 5:17

Wi k'o jun chiwe rix nuq'ej ruwi' jun chike ri nupixa', stape' man retaman ta chi xa man utz ta ri banobel ri', rija' kan nimakun y kan nrejqalej-wi ri rumak.

Wuj Richin ri Q'axanri'il 15:31

Roma ri wineq ri' xa xrixowaj ri nuch'abel yin Jehová y xuq'ej ruwi' ri nupixa', roma ri' rija' kan man xtikolotej ta chuwech ri kamik; y ja ri rumak ri xtuk'uan-el richin, xcha'.

Wuj Richin ri Q'axanri'il 18:1

Y ri Jehová xch'on chik rik'in ri Aarón y xubij chire: Tataqa' kik'amik ri ch'aqa' chik levita y ja rije' ri xketo'on awichin, rokik rat y ri e ak'ajol yixsamej-apo chupan ri wachoch. Kan ja rat, ri e ak'ajol y ri ch'aqa' chik levita ri xkixejqalen ronojel ri man utz ta nibanatej chupan ri wachoch. Jak'a ronojel ri man utz ta ri xtikiben ri sacerdote, kan xaxe k'a rat y ri e ak'ajol ri xkixejqalen.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.

Deut 24:16

Ri te'ej-tata'aj man yekamisex ta roma kimak ri alk'ualaxela', y ni ta ri alk'ualaxela' man yeken ta roma ri kimak ri kite-kitata', xa kan chikijujunal k'o chi yekamisex roma ri kimak.

Hebreos 9:28

keri' chuqa' ri Cristo, xaxe jun bey k'o chi xken richin xrejqalej ri qamak qonojel. Y xtapon k'a ri q'ij toq rija' xtipe chik jun bey, jak'a man roma ta chik ri qamak, xa kan richin yojrukol-el roj, ri qoyoben-apo rija'.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.