Ez 18:2 - Kaqchiquel Bible

² ¿Achike roma iwik'in rix israelita jantape' nibix ri jun k'ambel-tzij ri nubij: Ri te'ej-tata'aj nikitej ri uva ch'om y ja ri alk'ualaxela' ri nijuch'uch' key roma ri ruch'amil ri uva ri'?

Ez 18:2 ပူးပေါင်းရင်းမြစ်များ

Wuj Richin ri Achin Job 21:19

Rix kan niq'ax k'a chiwech chi ri rutojbalil ri kimak rije', yakon-apo roma ri Dios chi pa kiwi' ri ralk'ual niqaqa-wi. Man keri' ta. Ri Dios xa kan pa kiwi' ri aj-maki' xtuya-wi ri rutojbalil, richin chi kan tiketamaj na.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Isaías 3:15

Y nuk'utuj chuqa' chike ri achike roma nikiben chi nikitej poqon ri rutinamit, y achike roma toq nikikich kipalej pa poqolaj ri man jun k'o kik'in. Keri' nuk'utuj ri Jehová ri k'iytisanel richin ronojel.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Wuj Richin ri K'uxla'anik 5:7

Ri qate-qatata' kan xemakun-wi, y xa xeken yan el. Kan ja roj k'a ri xojejqalen kan ri kimak.

Ez 12:22

Rat Ezequiel, chikikojol ri e awinaq israelita, k'o jun k'ambel-tzij ri nubij: Niq'ax k'a ri q'ij y ri nik'utumej chuwech ri q'alajirisey ruch'abel ri Dios xa man nibanatej ta, yecha'.

Ez 16:44

Konojel k'a ri winaqi' ri nikibij etamabel taq tzij, xtikibij k'a pan awi': Achi'el ri te'ej, keri' ri ral.

Ez 17:12

kich'on kik'in ri nuwinaq ri man e nimey ta tzij y tinbij chike: ¿Xq'ax kami chiwech rix ronojel re'? Nel chi tzij chi ri rey ri k'o pa ruwi' ri ruwach'ulew Babilonia xapon pa Jerusalem y xuk'uaj-el ri rey richin Judá y keri' chuqa' xeruk'uaj-el ri aj-raqen y xeberuya' pa Babilonia.

Ez 18:1

Ri Jehová xch'on chik wik'in y kere' k'a ri xubij chuwe:

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Ez 18:3

Jak'a yin Jehová ninbij chi man jun bey chik xtikamulux re jun k'ambel-tzij re' chupan ri iruwach'ulew.

Ez 25:3

Y jare' ri rutzijol ri xuya' chike ri aj-Amón: Tiwak'axaj ri nuch'abel yin Jehová. Rix kan xixkikot k'a xitz'et chi ri wachoch man xya'ox ta rejqalen y chuqa' toq ri ruwach'ulew Judá xa xwuluwu-qa y ri winaqi' aj chiri' xe'uk'uex-el pa ximonri'il.

Ez 37:11

K'ari' ri Jehová xubij chuwe: Ri tinamit Israel xa achi'el k'a re baq re', roma rije' nikibila' chi ri kibaqil xa e chaqi'j chik, xa kan man jun chik oyobenri'il ri k'o kik'in y xa konojel rije' yek'is yan.

Ez 37:19

jari' toq rat xtabij chike re rutzijol re'. Yin Jehová xtinchop k'a el ri cetro richin ri José ri k'o pa ruq'a' ri Efraín, y xtintun rik'in ri cetro richin ri Judá, richin keri' xa jun k'a ri xtinben chike, xkacha'.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Ez 7:2

Rat Ezequiel, taya' k'a re jun rutzijol re' chike ri awinaq: Ri ruk'isibel q'ij naqaj chik k'o-wi.

San Mateo 23:36

Kan qitzij k'a ninbij chi ri ruk'ayewal roma ronojel ri kamik ri' kan xtiqaqa pan iwi' rix ri ixk'o chupan re q'ij re', xcha' ri Jesús.

Romanos 9:20

Jak'a man yojtikir ta niqabij chire ri Dios*f22* chi man utz ta ri nuben chiqe. Jun bojo'y man nubij ta chire ri banoy richin: ¿Achike roma ja nubanikil re' ri naben chuwe? Man nicha' ta chire.