Ez 18:19 - Kaqchiquel Bible

¹⁹ Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Ez 18:19 ပူးပေါင်းရင်းမြစ်များ

2 Rey 23:26

Man rik'in ri', ri Jehová man xqaqa ta ruwi' ri royowal, roma kan k'a royowal na chike ri aj-Judá roma ronojel itzel ri xuben ri Manasés ri xuben chi xuyek royowal ri Jehová.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Wuj Richin ri K'uxla'anik 5:7

Ri qate-qatata' kan xemakun-wi, y xa xeken yan el. Kan ja roj k'a ri xojejqalen kan ri kimak.

Ez 18:18

Jak'a ri rutata' kan xtiken roma ri rumak roma xeruya' pa tijoj-poqonal ri winaqi', xeleq' y xuben itzel chikikojol ri ruwinaq. Xa kan xaxe k'a rija' ri xtejqalen ri rumak ri xerubanala'.

Ez 18:2

¿Achike roma iwik'in rix israelita jantape' nibix ri jun k'ambel-tzij ri nubij: Ri te'ej-tata'aj nikitej ri uva ch'om y ja ri alk'ualaxela' ri nijuch'uch' key roma ri ruch'amil ri uva ri'?

Ez 18:9

Rija' nuben ri nubij chupan ronojel ri nupixa' y kan man jun bey xtuch'er-ri' chire. Re wineq re' kan choj wi y rija' kan xtik'ase' k'a chi utzil. Ja yin Jehová ri yibin.

Ez 20:24

roma man xkiben ta ri achike nubij ri nupixa', man xkiyek ta pa taq kánima y man xkiya' ta rejqalen ri q'ij richin uxlanen. Xa xbe kan kik'u'x kik'in ri wachibel y kan nikiya' kiq'ij ri dios ri xkiya' kiq'ij ri kite-kitata'.

Ez 20:30

Tabij k'a chike ri awinaq re rutzijol re'. ¿Achike roma rix xixok man ch'ajch'oj ta, achi'el k'a xkiben ri iwati't-imama'? ¿Achike roma xa iya'on kiq'ij ri wachibel ri yenwixowaj yin?

Ez 33:10

Rat Ezequiel, ri awinaq israelita nikibij chi janila k'iy ri kimak kejqalen y roma k'a ri kimak ri' xa kichapon yek'is-qa. Y nikik'utuj ri achike k'a yetikir nikiben richin yek'ase'.

Deut 5:9

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.