Ez 18:17 - Kaqchiquel Bible

¹⁷ Chuqa' man xtuben ta itzel. Y toq xtuya' méro pa qajik chire jun ruwinaq xa man xtuk'utuj ta ral y toq xtuya' pa qajik chire jun ri man ruwinaq ta man xtuk'utuj ta k'iy ral. Rija' kan xtuben k'a ri nubij chupan ronojel ri nupixa' y man xtuch'er ta ri' chire. Re alk'ualaxel re' kan man xtiken ta k'a roma ri rumak ri rutata', xa kan xtik'ase' k'a.

Ez 18:17 ပူးပေါင်းရင်းမြစ်များ

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Ez 33:13

Wi ta yin ninjikiba' chi xtik'ase' jun wineq ri choj ruk'aslen, jak'a wi ri wineq ri' nuchop itzel banobel, man nitikir ta nukuquba' ruk'u'x rik'in ri utz rubanobal richin nik'ase'. Kan man xtiya'ox ta rejqalen ronojel ri utz rubanon-pe y xa xtiken k'a roma ri itzel rubanobal.

Ez 20:30

Tabij k'a chike ri awinaq re rutzijol re'. ¿Achike roma rix xixok man ch'ajch'oj ta, achi'el k'a xkiben ri iwati't-imama'? ¿Achike roma xa iya'on kiq'ij ri wachibel ri yenwixowaj yin?

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Ez 18:28

Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Ez 3:21

Jak'a wi ta rat xtabij chire chi man chik timakun y rija' xq'ax chuwech chi man utz ta ri xuben, rija' man xtiken ta k'a, roma kan xunimaj ri xabij chire y rat chuqa' xkakolotej, xcha'.

Wuj Richin ri Jeremías 22:16

Kan xeruto' k'a ri man jun k'o kik'in; chuqa' xeruto' ri yetz'ilox y roma ri' kan ronojel utz xel chuwech. Re' nel chi tzij chi kan retaman nuwech.

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

Wuj Richin Etamabel-Tzij 29:14

Ri rey ri nuq'et-tzij rik'in ronojel ruch'ajch'ojil, pa kiwi' ri winaqi' ri maneq ok k'o kik'in, kan man jun xtisilon-el richin, ri chiri' pa ruk'ojlen.

Wuj Richin Etamabel-Tzij 29:7

Ri wineq ri kan utz runa'oj, kan k'o rayibel rik'in chi yeruto' ri winaqi' ri man jun ok k'o kik'in; jak'a ri wineq ri xa itzel, man retaman ta wi ri winaqi' k'o nik'atzin chike.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin ri Achin Job 29:16

Kan xinok k'a achi'el jun tata'aj pa kiwi' ri winaqi' ri man jun k'o kik'in. Kan xinok k'a chojmirisey richin ri k'o nikik'uluwachij ri winaqi' ri xa man e nuwinaq ta.

Wuj Richin ri Chojmirisabelri'il 18:30

Roma ri' kan tibana' k'a achi'el ri nubij ri pixa' ri nuya'on chiwe, y man tiben ri itzel taq banobel, roma yin kan ninwixowaj ri xekibanala' ri winaqi' ri ek'o nabey chiwech rix. Roma ri' kan man k'a tiben rix ri keri', richin keri' kan jantape' ix ch'ajch'oj chinuwech. Ja yin Jehová ri i-Dios ri yibin chiwe, xcha'.

Wuj Richin ri Chojmirisabelri'il 18:26

Jak'a rix y ri man e iwinaq ta ri ek'o chi'ikojol, kan tibana' k'a achi'el nubij ri pixa' ri nuya'on chiwe y ri pixa' richin chojmirisabel, y man k'a tiben ri itzel taq banobel ri xkiben rije'.

Wuj Richin ri Chojmirisabelri'il 18:4

Jak'a ri pixa' richin chojmirisabel ri ninbij chiwe yin, jari' k'a ri titaqej, y kan tibana' k'a achi'el ri nubij ri pixa' ri nuya'on chiwe. Ja yin Jehová ri i-Dios ri yibin.

San Lucas 19:8

Y ri chiri', ri Zaqueo pa'el k'a toq xch'on rik'in ri Jesús y xubij: Wajaw, wakami nik'aj chire ri nubeyomel nintaluj chike ri winaqi' ri man jun k'o kik'in. Wi k'o ta weleq'an chire jun wineq, kan xtintzolij kaji' mul más chuwech ri xinwelesaj kan chire, xcha'.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Wuj Richin Bix Chire ri Dios 119:1

Jebel ruwa-kiq'ij ri kan e tz'aqet yebiyin chupan ri kik'aslen, ri kan ja ri rupixa' ri Jehová ri kitzeqeliben.

Ez 18:18

Jak'a ri rutata' kan xtiken roma ri rumak roma xeruya' pa tijoj-poqonal ri winaqi', xeleq' y xuben itzel chikikojol ri ruwinaq. Xa kan xaxe k'a rija' ri xtejqalen ri rumak ri xerubanala'.

Wuj Richin Bix Chire ri Dios 119:3

Kan man jun etzelal nikiben, roma kan yebiyin chupan ri bey ri niqa' chuwech ri Dios.