Ez 18:14 - Kaqchiquel Bible

¹⁴ Rik'in juba' re itzel alk'ualaxel re' k'o ta jun ruk'ajol y re' nutz'et ta ronojel ri rumak ri rutata', man rik'in ri' man xtuben ta achi'el nuben ri rutata'.

Ez 18:14 ပူးပေါင်းရင်းမြစ်များ

2 Rey 22:1

Ri Josías k'o k'a waqxaqi' rujuna' toq xok kan rey, y juwineq julajuj juna' xuq'et-tzij pa ruwi' ri Judá chiri' pa Jerusalem. Ri rute' rubini'an Jedidá y rumi'al ri Adaías aj-Boscat.

2 Rey 22:2

Ri Josías kan xuben k'a ri utz chuwech ri Dios. Kan man xuya' ta k'a kan ri Jehová, achi'el xuben ri rey David.

2 Crón 34:21

Kixbiyin; ja tibek'ulubej ri Jehová pa nuwi' yin y pa kiwi' ri winaqi' ri k'a ek'o kan pa ruwach'ulew Israel y pa ruwach'ulew Judá. Tik'utuj chire achike nel chitzij re nubij re wuj re xinwil, roma ri royowal ri Jehová kan nim wi ri xqaqa pa qawi'. Ronojel re' xa roma k'a ri qati't-qamama' man xkitaqej ta ri xubij ri Jehová, y kan man xkiben ta achi'el ri tz'ibatajineq kan chupan re wuj, xcha'.

Wuj Richin Etamabel-Tzij 17:21

Ri wineq ri nalk'ualan jun ak'ual ri xa maneq runa'oj, kan junan rik'in nralk'ualaj ta ri q'axo'n; man jun tata'aj ri nikikot ta roma k'o jun ralk'ual ri xa man nrajo' ta chi nitijox.

Wuj Richin Etamabel-Tzij 23:24

Roma kan janila wi xtikikot ri rutata' jun alk'ualaxel, ri kan choj ri ruk'aslen; roma kan xralk'ualaj jun aj-na'oj; y jare' ri nibanon chire ri tata'aj chi nikuqer-qa ruk'u'x.

Wuj Richin ri Isaías 44:19

Man nuch'ob ta qa y nubij ta: Ri nik'aj chire re che' re' xa xinya' pa q'aq', y pa ruwi' ri racheq-q'aq', xinchaq'irisaj-wi nuway, xinsa' ti'ij y xintej. Y ri juba' chik che' ri xk'oje' kan chire ri che' ri', xinben jun relik wachibel chire. Y re ninya' ruq'ij xa jun ti juba' che', man nicha' ta.

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

Wuj Richin ri Jeremías 8:6

Kan jebel nuya'on nuxikin y kan xinwak'axaj, chi chi'iwonojel man nitzolej ta pe ik'u'x chupan ri imak. Jak'a rix nik'utuj chi achike ri xiben. Xa chi'iwonojel k'a itzeqeliben junan ri ibey achi'el nikiben ri kiej junanin e beneq pan oyowal.

Wuj Richin ri Jeremías 9:14

Xa xkiben k'a ri itzel rurayibel ri kánima y pa ruwi' ri' xkiya' k'a kiq'ij ch'aqa' chik dios achi'el xkiben ri kati't-kimama'.

Ez 18:10

Jak'a wi re wineq re' ri choj ruk'aslen k'o ta jun ruk'ajol eleq'om, kamisanel o nuben ch'aqa' chik banobel ri man e utz ta;

Ez 18:15

Man xtiwa' ta kik'in winaqi' ri yenimaq'ijun pa ruwi' taq juyu' richin nikiya' kiq'ij wachibel, ni man xtukuquba' ta ruk'u'x kik'in ri wachibel ri achoq ik'in nikikuquba' kik'u'x ri winaqi', ni man xtik'oje' ta rik'in ri rixjayil ri rachpochel.

Ez 18:28

Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

Wuj Richin ri Hageo 1:5

Roma ri' yin Jehová ri k'o ronojel uchuq'a' wik'in ninbij: Tich'obo' jebel wi utz ri yixajin chubanik.

Wuj Richin ri Hageo 1:7

Yin Jehová ri k'o ronojel uchuq'a' wik'in ninbij chiwe chi tich'obo' k'a wi utz ri yixajin chubanik.

Wuj Richin ri Hageo 2:18

Kixch'obon k'a utz chupan re q'ij re', q'ij juwineq kaji' chire ri ik' beleje', roma ja q'ij re' toq xiben-qa ruxe' ri rachoch ri Jehová.

San Mateo 23:32

Kixbiyin k'a rix richin nibek'isa' rubanik ri xkitikeriba' kan rubanik rije'.

1 Pedro 1:18

Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,