Ez 17:23 - Kaqchiquel Bible

²³ Pa ruwi' ri juyu' ri más nej jotol ri k'o pa ruwach'ulew Israel, chiri' k'a xtintik-wi kan. Xtik'oje' ruq'a' y xtiwachin k'a y xtok chuqa' jun jebelej tiox-che'. Y jalajoj kiwech aj-xik' taq chikopi' ri xtibekibana' kisok pa taq ruq'a' y chiri' xkebek'ase-wi.

Ez 17:23 ပူးပေါင်းရင်းမြစ်များ

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin Bix Chire ri Dios 80:8

Rat xe'awelesaj-pe ri qati't-qamama' pan Egipto y xe'ak'en-pe wawe'; K'ari' xe'awelesaj-el ri winaqi' ri kan ek'o wawe', richin xe'ajikiba' kan.

Wuj Richin ri Nimalej Bix 5:15

Ri raqen kan k'o janila kuchuq'a' achi'el ri pilar ri e banon rik'in mármol, ri ek'o pa ruwi' ri ch'okolibel ri e banon rik'in q'anapueq. Ri rupalen kan achi'el rujotolen ri juyu' Líbano, kan nim rupalen achi'el rujotolen jun tiox-che'.

Wuj Richin ri Isaías 2:2

Chupan ri ruk'isibel taq q'ij, xtijikibex k'a ri juyu' Sión, ri akuchi k'o-wi ri rachoch ri Jehová. Y jak'a juyu' ri' ri más nej jotol chikaj, kan janila nim chikiwech ri ch'aqa' chik juyu' ri ek'o chunaqaj. Y konojel k'a ri winaqi' richin ri ruwach'ulew xtikinojisaj ri ruwech.

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Wuj Richin ri Isaías 49:18

Kixtzu'un k'a nej, roma konojel ri iwinaq xtikimol-pe-ki' richin xkepe iwik'in. Yin Jehová kan ninya' nutzij chi konojel rije' kan janila e jebel ok xketz'et, achi'el jun wiqobel ri niya'ox chire jun xten ri nik'ule'. Kan keri' xtokibana' iwik'in rix.

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 31:6

Y jalajoj k'a kiwech aj-xik' taq chikopi' ri xkiben kisok pa taq ruq'a'; y jalajoj kiwech chikopi' ri ek'o pa k'echelaj ri xe'alan chuxe' ri che' ri', y chuxe' ri rumujal kan e k'iy k'a tzobaj winaqi' xek'oje'.

Ez 36:8

Jak'a ri juyu' richin ri ruwach'ulew Israel kan xkenoj chi che' ri yewachin. Y ri winaqi' israelita kan xtikitej ri ruwech toq xketzolin-pe pa ximonri'il.

Ez 40:2

Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin.

Dn 4:8

K'a ja toq xpe na ri Daniel ri chuqa' rubini'an Beltsasar, achi'el rubi' ri jun chike ri dios. Ri kan ya'on nojibel chire roma ri k'aslik Dios, kere' k'a ri xinbij chire:

Dn 4:9

Beltsasar, ri at aj-raqen pa kiwi' ri etamanela'; yin kan q'axineq k'a chinuwech chi ri Dios kan ruya'on ri nojibel chawe, y kan man jun k'a ri ewatel ri man ta natz'et rat. Wakami k'a taq'alajirisaj chinuwech ri xintz'et pa wachik', y ri nel chi tzij.

Os 14:7

Ri tinamit Israel kan xtik'oje' chik k'a chuxe' ri wutzil yin. Kan xkek'iy chik k'a achi'el ri trigo, kan xkesijan chik k'a achi'el nisijan ri juwi-uva. Kan xtel chik k'a kitzijol chi rije' kan e achi'el ri jebelej vino ri nipe pa Líbano.

Os 14:8

Ri tinamit Israel kan xtubij chik k'a: Wakami xa kan man yek'atzin ta chik chuwe ronojel ri wachibel, xticha'. Yin Jehová kan xkenwak'axaj k'a y xtinchajij chik ri nutinamit. Yin kan xkinok k'a chike rije' achi'el jun che' chej ri kan rex-rex rubanon, ri nutinamit kan jantape' k'a xtikil ri kiway wik'in yin, nicha' ri Jehová.

Wuj Richin ri Miqueas 4:1

Xtibek'uluwachitej chupan ri ruk'isibel taq q'ij, chi ri juyu' ri akuchi k'o-wi ri rachoch ri Jehová kan xtiya'ox chik k'a ruq'ij jun bey. Ri juyu' ri' más nim rujotolen chikiwech ri ch'aqa' chik juyu', y konojel k'a winaqi' richin ri ch'aqa' chik ruwach'ulew, xke'apon-el chiri'.

San Mateo 13:32

Roma stape' ja ija'tz ri' ri más ti ko'ol ok, jak'a toq nel-pe, janila nik'iy y ja rija' ri más nim nel chikiwech ri ch'aqa' chik ichaj. Ri mostaza xa kan achi'el che' nuben toq nik'iy. Roma ri' ri aj-xik' taq chikopi' ye'apon chiri' y nikiben kisok ri pa taq ruq'a', xcha' ri Jesús.

Marcos 4:32

Y toq tikon chik kan y nik'iy-q'anej, xa jari' k'a ri más nim nel chikiwech xabachike ichaj, y yek'oje' ruq'a' e nima'q. Roma ri' ri aj-xik' taq chikopi' nikibanala' kisok pa taq ruq'a', richin chiri' yemujan-wi, xcha'.

San Lucas 13:19

Yin ninbij k'a chi junan rik'in ri ija'tz ri richin ri mostaza, ri xutik-qa jun achin ri pa rulew. Toq xk'iy-q'anej kan achi'el jun che' xuben, kan janila xnimer. Roma ri' ri aj-xik' taq chikopi', ye'apon chupan richin nikiben kisok ri pa taq ruq'a', xcha'.

San Juan 12:24

Y tiwak'axaj k'a re xtinbij chiwe re wakami, chi kan qitzij wi: Jun ti ruwech-trigo wi man nitik ta, jantape' xtuben xaxe jun ti ruwech-trigo. Jak'a wi nitik-qa y xtiq'ey-qa, pa ruk'iyal xtuya' ri ruwech.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.