Ez 17:18 - Kaqchiquel Bible

¹⁸ Rija' xujikiba' rutzij, jak'a xa man xuya' ta rejqalen y man xutaqej ta y roma ri' man xtitikir ta k'a xtanimej-el.

Ez 17:18 ပူးပေါင်းရင်းမြစ်များ

2 Rey 10:15

Y toq ri Jehú xel-el chiri', xuk'ul-ri' rik'in ri Jonadab ruk'ajol ri Recab. Y toq xuq'ejela' yan, ri Jehú xubij chire: ¿Kan choj ri awánima wik'in, achi'el ri wánima yin awik'in?, xcha'. Y ri Jonadab xubij chi kan keri'. K'ari' ri Jehú xubij chi tuya' ri ruq'a' chire. Y ri Jonadab kan xuya' k'a ri ruq'a' chire ri Jehú richin xbe rik'in pa ru-carruaje.

1 Crón 29:24

Konojel k'a ri e tata'al y ri achi'a' ri k'o janila kiq'ij y konojel ri e ruk'ajol ri rey David xkiya-ki' chuxe' rutzij ri rey Salomón.

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

Wuj Richin ri Molojri'il 8:2

Kan tabana' k'a ronojel ri nubij ri rey chi k'o chi niban, roma kan aya'on chik atzij chuwech ri Dios.

Wuj Richin ri K'uxla'anik 5:6

Xojk'oje' k'a chuxe' kitzij ri aj-Egipto y ri aj-Asiria, richin chi xkiya' ta juba' qaway.

Ez 17:15

Jak'a re rey re' kan xyakatej chirij ri rey richin Babilonia y ek'o xeruteq pa ruwach'ulew Egipto richin xuteq kik'amik kiej y chuqa' richin xuteq kik'amik pa ruk'iyal achi'a'. ¿Ninimaj kami rix ronojel re'? ¿Kan utz kami xtel chuwech ri xtitikir xtanimej-el y xtukol-el ri ruk'aslen? ¿Nitikir kami nanimej-el jun ri man xutaqej ta ri jikibel-tzij ri xuben?

Ez 17:16

Yin Jehová ninya' nutzij chi kan xtiken ri rey ri' ri chiri' pa Babilonia, roma xuben chire ri rutzij ri xuya' chi man jun rejqalen y man xutaqej ta ri jikibel-tzij ri xuben rik'in ri rey ri xya'on kan ri q'atbel-tzij pa ruq'a'.

Ez 17:19

Y roma ri' yin Jehová ninbij chi xtinya' rutojbalil-mak pa ruwi' roma xa man xuya' ta rejqalen y man xutaqej ta ri jikibel-tzij ri xuben wik'in.

Ez 21:23

Jak'a ri winaqi' ri ek'o chupan ri tinamit man xtikinimaj ta, roma rije' xjunamatej-kiwech roma kibanon jun jikibel-tzij kik'in ri aj-Babilonia. Jak'a ri rey nunataj chike ri kimak ri kibanon y chirij ri' k'ari' xke'uk'uex-el.