Ez 17:16 - Kaqchiquel Bible

¹⁶ Yin Jehová ninya' nutzij chi kan xtiken ri rey ri' ri chiri' pa Babilonia, roma xuben chire ri rutzij ri xuya' chi man jun rejqalen y man xutaqej ta ri jikibel-tzij ri xuben rik'in ri rey ri xya'on kan ri q'atbel-tzij pa ruq'a'.

Ez 17:16 ပူးပေါင်းရင်းမြစ်များ

2 Sam 21:2

Ri gabaonita man e israelita ta. Xa jun tinamit ri xek'oje' kan chike ri amorreo, ri achoq ik'in xkiya' kitzij ri israelita richin man yekikamisaj ta. Jak'a ri Saúl xa xuchop kikamisaxik, roma man nrajo' ta chi ri winaqi' ri' yek'oje' chikikojol ri israelita. Roma ri' ri rey David xeroyoj ri gabaonita, richin xch'on kik'in.

2 Rey 24:17

K'ari' ri rey richin Babilonia xuben rey chire ri Matanías ri ruch'utitata' ri Joaquín, y xujel kan ri rubi' y xubij Sedequías chire.

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

Wuj Richin Bix Chire ri Dios 15:4

ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

Ex 20:7

Man chaq tinatala' ri nubi' yin Jehová ri i-Dios chaq keri'. Yin kan man xtinben ta chiwe chi maneq imak wi chaq ninatala' ri nubi' y man niya' ta wejqalen.

Ex 8:2

Roma wi man xtaya' ta q'ij richin ye'el-el, yin xtinya' ruk'ayewal pan awi' y xkenteq-pe xkalet pa ruwi' chijun ri aruwach'ulew.

Wuj Richin ri Jeremías 34:21

Wakami ri aj-labal e richin ri rey Babilonia kitanaban kan juba' ri oyowal. Jak'a rat Sedequías y rix aj-raqen, xkixinjech pa kiq'a' rije'

Wuj Richin ri Jeremías 39:7

Y xuteq rubixik chi telesex runaq' taq ruwech ri Sedequías. Xuxim-el rik'in cadena ri banon rik'in q'enq'oj-pueq y xuk'uaj-el pa Babilonia.

Wuj Richin ri Jeremías 52:11

Y chirij ri' ri Sedequías xelesex ri runaq' taq ruwech y xkixim rik'in cadena banon rik'in q'enq'oj-pueq, richin nuk'uex k'a pa Babilonia, ri akuchi xk'oje-wi pa cárcel k'a toq xken na.

Ez 12:13

Jak'a yin Jehová kan xtinben k'a chire ri rey achi'el xa ta xtinrik' jun ya'l chirij y xtiqaqa pa pikbel. Y stape' rija' xtik'amer-pe pa Babilonia, man xtutz'et ta kan ri ruwach'ulew y wawe' k'a xtiken-wi.

Ez 16:59

Y roma ronojel re', yin Jehová ninbij chi kan xtinya' k'a janila rutojbalil-mak pan awi' roma ri itzel abanobal y man xataqej ta ri atzij ri abin chuwe toq xqaben ri ya'on-tzij.

Ez 17:10

Stape' xtitik chik qa, man xtibejotayin ta chik pe. Y toq xtipe ri kaq'iq' re kere' pa relebel-q'ij, xa xtichaqi'j-qa ri ruxe', xcha'.

Ez 17:13

Xeri' xpe chik jun bey ri rey richin Babilonia y xuchop jun chike ri rijatzul kan ri rey y xuben k'a jun jikibel-tzij rik'in, richin nuq'et-tzij ri chiri'. K'ari' rija' xeruk'uaj-el ri ch'aqa' chik winaqi' ri k'o más kejqalen,

Ez 21:23

Jak'a ri winaqi' ri ek'o chupan ri tinamit man xtikinimaj ta, roma rije' xjunamatej-kiwech roma kibanon jun jikibel-tzij kik'in ri aj-Babilonia. Jak'a ri rey nunataj chike ri kimak ri kibanon y chirij ri' k'ari' xke'uk'uex-el.

Os 10:4

Rije' kan xaxe k'a ri wololinik nikiben, nikibanala' jikibel-tzij ri xa man qitzij ta. Roma ri' ri xkitik-qa rije' xa kan xtibek'ulun k'a pe achi'el jun k'ayilej q'os chukojol ri boloj.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Q'axanri'il 30:2

Toq k'o jun achin ri nujikiba' rutzij chuwech ri Jehová k'o chi nuben y man tujel ri ruch'obonik.

Romanos 1:31

Man niq'axon ta kánima nikiben itzel. Nikiq'ej ri kitzij, man jun joyowanik k'o kik'in.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

2 Timoteo 3:3

man xtikijoyowaj ta kiwech ri ch'aqa' chik winaqi', ni man xkekuyun ta, xketz'uku tzij, xtik'o ruwi' ri itzel ri xtikiben chire xabachike wineq, jantape' xke'oyower, kan xtiketzelaj ri utz

Wuj Richin ri Josúe 9:20

Jare' k'a ri xtiqaben kik'in: Xtiqaya' k'a q'ij chike richin yek'ase', richin chi man nipe ta k'a ruk'ayewal pa qawi' roj roma ri ya'on-tzij ri xqaben, xecha'.