Ez 17:15 - Kaqchiquel Bible

¹⁵ Jak'a re rey re' kan xyakatej chirij ri rey richin Babilonia y ek'o xeruteq pa ruwach'ulew Egipto richin xuteq kik'amik kiej y chuqa' richin xuteq kik'amik pa ruk'iyal achi'a'. ¿Ninimaj kami rix ronojel re'? ¿Kan utz kami xtel chuwech ri xtitikir xtanimej-el y xtukol-el ri ruk'aslen? ¿Nitikir kami nanimej-el jun ri man xutaqej ta ri jikibel-tzij ri xuben?

Ez 17:15 ပူးပေါင်းရင်းမြစ်များ

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Wuj Richin Bix Chire ri Dios 56:7

Nu-Dios yin, tabana' utzil taya' rutojbalil-mak chike. Taqasaj k'a ruq'ij ri kitinamit rik'in ri awoyowal.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin ri Isaías 36:5

Ri Ezequías nubij chi k'o ruch'obon y rix k'o iwuchuq'a' richin niben labal, jak'a ronojel re' kan xaxe ok ri ruchi' ri nibin. Y jak'a re wakami, ¿achoq ik'in ikuquban-wi ik'u'x richin niwajo' yixyakatej chuwij?

Wuj Richin ri Jeremías 32:4

Y chuqa' xabij chi yin man xkitikir ta xkinanimej kan pa kiq'a' ri aj-Babilonia, xa kan xkijach k'a pa ruq'a' ri Nabucodonosor y chi xkinapon rik'in rija'.

Wuj Richin ri Jeremías 34:3

Jak'a rat Sedequías, man xkakolotej ta kan pa ruq'a'. Xa kan xkatkichop-el y xkatkik'uaj-el pa ruq'a' ri Nabucodonosor. Y kan xtich'on awik'in y k'ari' xkaruk'uaj-el pa Babilonia.

Wuj Richin ri Jeremías 38:18

Jak'a wi man najech ta awi', re tinamit re' xtijach pa kiq'a' rije' y xtikiporoj y rat man xkakolotej ta kan pa kiq'a', xicha' chire.

Wuj Richin ri Jeremías 38:23

Chuqa' ri awixjayilal y ri awalk'ual xkejach pa kiq'a' ri aj-Babilonia.Y rat man xtakol ta kan awi', xa kan xkatzaq k'a pa ruq'a' ri Nabucodonosor. Y re tinamit re' kan xtiya'ox ruq'aq'al, xicha' chire.

Wuj Richin ri Jeremías 52:3

Roma ri' ri Jehová xyakatej janila royowal chikij ri aj-Judá y ri aj-Jerusalem y kan xrelesaj-el ri kik'aslen. Chirij ri' ri Sedequías xyakatej chirij ri rey Babilonia.

Ez 17:18

Rija' xujikiba' rutzij, jak'a xa man xuya' ta rejqalen y man xutaqej ta y roma ri' man xtitikir ta k'a xtanimej-el.

Ez 17:7

Y xbek'ulun chik k'a pe jun nimalej kot ri nima'q ruxik' y janila pim-pim ri rusumal. Xeri' ri juwi-uva xa xbe-apo ri ruxe' y ri ruq'a' rik'in. Y xe'apon k'a rik'in ri ruka'n kot richin chi niya'ox más ruya',

Ez 17:9

Jak'a yin Jehová ninbij chi re juwi-uva re' kan man utz ta xuben. Y roma ri' ri nabey kot xtuk'uq-el ri ruxe' y chuqa' xtuwux-el ri ruwech, richin xtichaqi'j-qa. Y re' man xtrajo' ta janila uchuq'a' ni k'iy winaqi' richin xtik'uqutej-el ri ruxe'.

Ez 21:25

Chuqa' tabij chire ri rey richin Judá chi rija' jun banoy etzelal y kan man nuya' ta nuq'ij y chi kan ninaqajub yan k'a ri ramaj richin xtuk'ul ri rutojbalil rumak.

Ez 21:28

Rat Ezequiel, taq'alajirisaj ri nuch'abel yin Jehová pa kiwi' ri aj-Amón ri xetze'en chikij ri awinaq aj-Israel y tabij chike: Ri espada kan eleneq chik pa ruk'ojelibal richin niberubana' kamik. Kan jebel chik banon rey richin nikamisan. Xjosq'ix yan y kan nirepelun chik.

Ez 23:20

Kan janila k'a xuben kik'in ri aj-Egipto ri ye'ajowan richin y ri rayibel ri k'o kik'in ri achi'a' ri' xa kan achi'el rurayibel ri bur. Y ri achi'el ya' ri richin ye'alk'ualan kan achi'el kichin ri kiej.

Ez 29:16

Y ri tinamit Israel kan man jun bey chik xtukuquba' ruk'u'x rik'in, xa k'ari' xtiq'ax chuwech chi kan man utz ta ri xuben toq xberuk'utuj to'onik iwik'in. Keri' ri awinaq aj-Egipto kan xtiketamaj chi ja yin Jehová.

Ez 29:7

Y toq rije' xixkimajij rik'in ri kiq'a', rix xa xixq'aj y xiteq'uj ri ruwi' taq kitele'n rije'. Chuqa' toq rije' xkajo' chi rix xe'itemej ta, rix xa xixlawalo-qa roma ri kalal y roma ri' xiben chike chi xujalk'atij-ri' ri rij kacheq.

San Mateo 23:33

Rix ix q'olonela', y chuqa' ix kijatzul kan ri q'olonela'. ¿Kan k'o ta kami k'a jun rubanik richin man ta yixbe pa q'aq'?

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

Hebreos 2:3

¿achike k'a rubanik xtiqato-qi' roj chuwech ri royowal ri Dios wi xa xtiqamalij ri nimalej kolotajik? Roma re kolotajik re' kan ja ri ajaw Jesús ri xtzijon nabey. Y ri xe'ak'axan-pe rik'in rija', jari' ri xeq'alajirisan chiqawech roj.

Wuj Richin ri Josúe 9:20

Jare' k'a ri xtiqaben kik'in: Xtiqaya' k'a q'ij chike richin yek'ase', richin chi man nipe ta k'a ruk'ayewal pa qawi' roj roma ri ya'on-tzij ri xqaben, xecha'.