Ez 16:7 - Kaqchiquel Bible

⁷ Y xinben chawe chi xawinaqir achi'el ri q'ayis toq kan pa ruk'iyal nibek'iy-pe. Y toq xanimer-q'anej xatok achi'el jun xten, xebenimer-pe ri ruwa taq ak'u'x y xek'iy-qa ri rusumal taq awi'. Kan xatok k'a el jun xten, xaxe k'a man jani k'o atziaq.

Ez 16:7 ပူးပေါင်းရင်းမြစ်များ

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Ex 1:7

Y ri e rijatzul kan ri Israel kan xe'alk'ualan-wi, kan janila k'a xek'iyer. Kan janila k'a xewinaqir, kan janila xk'oje' kuchuq'a' y xkinojisaj chijun ri ruwach'ulew Egipto.

Wuj Richin ri Isaías 62:3

Ri tinamit ri' xtok achi'el jun corona ri k'o janila rejqalen pa ruq'a' ri Jehová ri qa-Dios

Hechos 7:17

Ri q'ij k'a richin nibanatej ri rusujun ri Dios chire ri Abraham, ri kan xuya' rutzij chire chi kan nuben-wi, xa kan naqaj chik k'o-wi. Y ri tinamit Israel chuqa' kan ruchapon k'a ninimer y nik'iyer ri chiri' pan Egipto.

Os 2:3

Roma man xa tinwelesaj ronojel chire, man xa tinben chire achi'el rubanikil toq xalex, y xtinben chire chi xtok kan achi'el tz'iran ruwach'ulew; kan achi'el ri ruwach'ulew ri chaqi'j-chaqi'j y xa xtinkamisaj roma chaqi'j-chi'ij.

Ez 16:22

Rik'in ri itzel ak'aslen kan man niqaqa ta chik chi'ak'u'x toq k'a at ti ko'ol na, toq man jani k'o atziaq y nabolqotila-awi' chupan ri akik'el.

Ez 16:16

Ri atziaq ri xinya', rik'in ri' xe'abanala' taq jay pa taq ruwi-q'anej juyu' y chiri' xe'abanala' itzel taq banobel, achi'el nuben jun ixoq itzel ruk'aslen.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Nimalej Bix 4:5

Ri ruwa-ak'u'x kan e buyul, achi'el ri taq seq kij kua'ch masat, ri yeyuq'ux chukojol ri kotz'i'j lirio.

Wuj Richin Bix Chire ri Dios 148:14

Rija' kan ruya'on k'a nimalej uchuq'a' chire ri rutinamit, konojel ri israelita kan tikiya' ruq'ij, roma ja rije' ri ek'o más naqaj chire rija'. ¡Kan tinimirisex k'a ruq'ij ri Jehová!

Wuj Richin Bix Chire ri Dios 147:20

Y re' kan man rubanon ta kik'in ri man nikitzeqelibej ta rija'. Ri man ketaman ta ri rupixa'. Kan tinimirisex k'a ruq'ij ri Jehová.

Wuj Richin Bix Chire ri Dios 135:4

roma rija' kan ja ri e rijatzul kan ri Jacob ri xerucha'. Xucha' k'a ri tinamit Israel richin xok richin.

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

Deut 4:8

¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Ex 12:37

Ri israelita xe'el-el chupan ri tinamit Ramsés y xe'apon pa tinamit Sucot, y ri kajlabal ri xe'el-el e 600,000 achi'a' ri k'a k'o jebel kuchuq'a'. Y ri ixoqi' y ri ak'uala' man k'a xe'ajlex ta.

Ex 3:22

Roma ri' toq chikijujunal ri ixoqi' israelita xtikik'utuj-el chike ri ixoqi' e kachk'uljay aj-Egipto, o chike xabachike ixoqi' ri akuchi ek'o-wi, rije' kan xkekiyala' k'a el chiwe ronojel ri k'o kejqalen ri e banon rik'in saqipueq y q'anapueq. Chuqa' kan xkekiyala-el jebelej taq tzieq, richin chi jari' xkekikusala' ri imi'al-ik'ajol. Y keri' xtimej-el ri kibeyomel ri aj-Egipto, xcha' ri Dios chire ri Moisés.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin ri Nimalej Bix 8:8

K'o jun ti qana' ri k'a ti ko'ol na, y k'a man jani tik'iy-q'anej. ¿Achike k'a xtiqaben rik'in wi xtik'utux?

Wuj Richin ri Nimalej Bix 8:10

Yin kan in achi'el jun tz'aq chire ri wajowanel, y ri ruwa taq nuk'u'x achi'el ri torre kichin ri chajinela'. Y kan xaxe yirutz'et, kan janila yiqa' chuwech.

Ez 16:6

Y yin Jehová xiq'ax k'a chiri' y jari' toq xintz'et chi nabolqotila-awi' chupan ri akik'el. Jari' toq yin xinch'ob richin xatinto' richin xak'ase-q'anej.

Deut 1:11

Ri Jehová ri qa-Dios, ri kichin kan ri qati't-qamama', xtuben ta chiqe chi yojk'iyer pa 1,000 más chuwech ri ojk'o wakami, y kan ta xqojrurtisaj achi'el ri rusujun kan.