Ez 16:63 - Kaqchiquel Bible

⁶³ Y chupan k'a ri q'ij ri' yin kan utz chik xkatintz'et rat Jerusalem. Y kan xtoqaqa chi'ak'u'x ri xaben y xtik'oje' ak'ix. Y kan man jun bey chik xtikijeq pa kichi' chawij. Ja yin Jehová ri yibin, xcha'.

Ez 16:63 ပူးပေါင်းရင်းမြစ်များ

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

Romanos 3:27

¿K'o ta k'a roma niqanimirisaj-qi'?, man jun achike roma. ¿Ojkolotajineq kami roma xqanimaj ri pixa'? man keri' ta. Roj ojkolotajineq xaxe roma xqakuquba' qak'u'x rik'in ri Cristo.

Romanos 2:1

Roma ri' kan man yixtikir ta nibij chi maneq imak, roma xa yixch'on chikij ch'aqa' chik winaqi' y nibij chi man utz ta ri kibanobal ri yebanon mak ri keri'. Jak'a rix xa kan keri' chuqa' niben, y roma ri' xa iyon niya-iwi' pa k'ayew.

Ez 16:61

Chupan ri q'ij ri', kan xkenyek chik q'anej ri Sodoma y ri Samaria ri e awach'alal. Jak'a rat man xkatok ta chik achi'el kach'alal. Rat xa kan xkatok achi'el jun te'ej achi'el nubij ri jikibel-tzij. Y roma ri' xtik'oje' ak'ix roma ri itzel ri xe'aben.

Wuj Richin ri Esdras 9:6

Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

Wuj Richin ri K'uxla'anik 3:39

¿Achike k'a roma roj chaq yojwolol y ri Dios kan k'a ruya'on na qak'aslen stape' xa oj aj-maki'?

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin Bix Chire ri Dios 65:3

Ri itzel taq qabanobal kan yojruch'ek, jak'a rat kan nakuy ronojel ri yakatajinenri'il ri yeqaben.

Romanos 6:21

¿Y achike k'a xuk'en-pe chiwe ri itzel k'aslen ri xik'uaj? Roma wakami xa yixk'ix toq noqaqa chi'ik'u'x ri itzel k'aslen ri'. Y re itzel banobel re' xa kamik nuk'en-pe.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Ez 17:1

Ri Jehová xch'on chik k'a jun bey wik'in y xubij chuwe:

Ez 20:43

Chiri' k'a toq xtoqaqa chi'ik'u'x ronojel ri itzel taq banobel ri xe'iben, toq xitz'ilobisaj-iwi' rik'in ri mak. Y k'ari' k'a xa itzel xtina-qa roma ri itzel taq banobel ri'.

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.

Ez 43:10

Rat Ezequiel, tatzijoj chike ri awinaq chi xatz'et ri wachoch, keri' xkek'ixbitej roma ri kimak.

Ez 44:13

Re winaqi' re' kan man e utz ta richin yesamej richin ye'ok sacerdote y chuqa' man e utz ta richin yekichop ri samajibel; k'atala' chik yekichop ri kan ch'aron chuwe yin. Kan k'o chi xtikejqalej ri ruk'ixbilal ri itzel taq kibanobal ri xekibanala'.

Deut 32:43

Rix ch'aqa' chik tinamit kixkikot k'a qik'in, roma ri Jehová xtuya' rutojbalil ri kimak ri e etzelanel qichin, roma rije' xekikamisaj jujun chiqe roj ri rusamajela'. Ri Jehová ri Dios kan xtuya' k'a ruk'exel chike ri e etzelanel richin, y roj xtijunamatej chik qawech rik'in, y rija' chuqa' utz chik xtutz'et ri qaruwach'ulew, xcha' ri Moisés.

Wuj Richin Bix Chire ri Dios 85:3

Kan xch'uch'u' k'a qa ri awoyowal; y xatane' k'a chi relesaxik ri awoyowal chiqij.

Wuj Richin ri Isaías 33:24

Chupan ri q'ij ri', man jun chike ri qawinaq ri xtiyawej ta. Y ri Dios kan xtukuy kimak ri winaqi' ri ek'o pa tinamit Sión.

Wuj Richin ri Isaías 44:22

Yin kan xinyoj yan k'a ronojel imak, kan xinben yan chire achi'el toq nik'is-el ri sutz' richin nimaq'a'. Roma ri' kan titzolin k'a pe ik'u'x wik'in, roma yin kan xixinkol yan.