Ez 16:48 - Kaqchiquel Bible

⁴⁸ Kan ninjikiba' k'a nutzij pa nubi' yin, chi ri winaqi' aj-Sodoma y ri ek'o pa taq kokoj rutinamit kan man xkiben ta ri itzel achi'el ri xaben rat.

Ez 16:48 ပူးပေါင်းရင်းမြစ်များ

San Mateo 10:15

Roma kan qitzij wi ri ninbij chiwe chi chupan ri q'ij toq xtibanatej ri q'atoj-tzij, ri ruk'ayewal xtiqaqa pa kiwi' ri winaqi' ri man xkixkik'ul ta. Kan xtik'o k'a ruwi' más ke chuwech ri xqaqa pa kiwi' ri winaqi' aj-Sodoma y ri aj-Gomorra.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

San Lucas 10:12

Toq ri Dios xtuya-pe ri ruk'ayewal pa ruwi' ri ruwach'ulew, ri winaqi' kichin ri tinamit ri', más k'a ri ruk'ayewal ri xtuya' pa kiwi' rije' ke chuwech ri ruk'ayewal ri xuya' pa kiwi' ri aj-Sodoma, xcha'.

Marcos 6:11

Jak'a wi ek'o k'a ri kan man yixkik'ul ta, y man nikajo' ta chuqa' nikak'axaj ri nibij, kan kixel k'a el chiri' kik'in pa kachoch o ja ri pa kitinamit. Y titotala' kan ri poqolaj ri k'o pa taq iwaqen, retal chi rix xe'imalij kan ri winaqi' ri'. [Roma kan ninbij-wi chiwe, chi chupan ri q'ij toq xtibanatej ri q'atoj-tzij, ri ruk'ayewal ri xtiqaqa pa kiwi' ri winaqi' richin ri tinamit ri', xa kan xtik'o ruwi' chuwech ri ruk'ayewal ri xqaqa pa kiwi' ri tinamit ri Sodoma y Gomorra], xcha' el chike.*f7*

Ez 5:6

Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Ez 16:46

Ri animal pa xaman k'o-wi y ri' ja ri Samaria y ri e kokoj taq rutinamit. Y ri achaq' pa xokon k'o-wi y rija' ja ri Sodoma y ri e kokoj taq rutinamit.

Ez 16:47

Y kan xatzeqelibej ri itzel kibanobal y xaben ri man niqa' ta chinuwech yin. Y pa ruwi' ri', kan más itzel xaben chikiwech rije'.

Ez 16:52

Rat k'o chi nakoch' ri qasanri'il, roma más xamakun chikiwech ri e ka'i' awach'alal. Xaben chike rije' chi man jun kimak y roma ri' kan k'o chi xtawejqalej ri k'ix.