Ez 16:46 - Kaqchiquel Bible

⁴⁶ Ri animal pa xaman k'o-wi y ri' ja ri Samaria y ri e kokoj taq rutinamit. Y ri achaq' pa xokon k'o-wi y rija' ja ri Sodoma y ri e kokoj taq rutinamit.

Ez 16:46 ပူးပေါင်းရင်းမြစ်များ

Ez 23:4

Ri nimalaxel rubini'an Oholá,*f6* y re' nuk'exewachuj ri tinamit Samaria. Y ri chaq'laxel rubini'an Oholibá,*f7* y re' nuk'exewachuj ri tinamit Jerusalem. Rije' e achi'el xa ta e wixjayil y xekalaj numi'al-nuk'ajol.

Ez 16:61

Chupan ri q'ij ri', kan xkenyek chik q'anej ri Sodoma y ri Samaria ri e awach'alal. Jak'a rat man xkatok ta chik achi'el kach'alal. Rat xa kan xkatok achi'el jun te'ej achi'el nubij ri jikibel-tzij. Y roma ri' xtik'oje' ak'ix roma ri itzel ri xe'aben.

Ez 16:51

Ri rumak ri awach'alal Samaria, ni man napon ta nik'aj chire ri amak rat. Rat kan xik'o chik ruwi' ri amak ri xaben y roma ri' achi'el xa ta man jun kimak nik'ulun chinuwech ri e ka'i' awach'alal ri'.

Apocalipsis 11:8

Y ri kich'akul xkek'oje' kan ri pa nima-bey richin ri nimalej tinamit Jerusalem, ri akuchi xkamisex-wi ri ajaw ri banon chire chi achi'el chik Sodoma o Egipto.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

2 Pedro 2:6

Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.

Wuj Richin ri Miqueas 1:5

Ronojel re' xtibanatej roma rix nuwinaq xixyakatej chirij ri Dios. Rix ri ix rijatzul kan ri Jacob xixmakun chuwech rija'. ¿Achike ta k'a k'o rumak chire ri yakatajinenri'il richin ri Israel? ¿Man ja ta kami ri Samaria? ¿Achike ta k'a yeya'on kiq'ij ri wachibel chiri' pa Judá? ¿Man ja ta kami ri Jerusalem?

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Ez 26:6

Y ri tinamit ri ek'o chunaqaj rija' ri kan kuqul kik'u'x rik'in xa xkeken k'a chi espada. K'ari' xtiketamaj chi ja yin Jehová ri ink'o pa ruwi' ronojel.

Ez 23:11

Jak'a stape' ri Oholibá, ri chaq'laxel, xutz'et ronojel re', rija' chuqa' kan más itzel k'aslen xuben chuwech ri runimal.

Ez 16:27

Roma ri', yin xiyakatej richin xinya' rutojbalil-mak pan awi' y kan xinwelesaj juba' awulew richin xinjech pa kiq'a' ri aj-Filistea, ri kan itzel chuqa' xkina' roma ri itzel taq abanobal.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Wuj Richin ri Jeremías 23:14

Chuqa' chikikojol ri nikibananej chi e q'alajirisey nuch'abel ri ek'o pa Jerusalem, nutz'eton ri itzel banobel ri nikiben chi xkijech-ki' kik'in ri kixjayilal y xekikanoj ch'aqa' chik ixoqi'. Xaxe tz'ukun taq tzij nikiben y kan yekito-apo ri e banoy taq etzelal richin man jun nuch'er kan ri' chubanik ri etzelal. Chinuwech yin konojel rije' e achi'el ri winaqi' richin ri tinamit Sodoma y Gomorra.

Deut 32:32

Rije' ruyon etzelal xekiben achi'el xekiben ri tinamit Sodoma y Gomorra. Y ri' xa nuk'eyurisaj ri kik'aslen.

Deut 29:23

Y xtikitz'et k'a chi ri chiri' kan xtok kan tz'iran ruwach'ulew, xa kan xaxe chik ri chuwilej-abej, atz'an y k'atineq ulew k'o y man niwachin ta chik y ni ta q'ayis man nik'ase' ta chik chuwech, roma kan xtibanatej rik'in achi'el ri xbanatej kik'in ri tinamit Sodoma, Gomorra, Admá y Zeboím, roma ri Jehová xyakatej janila royowal chikij y xeruk'is.

Wuj Richin ri Rutikeribel 19:29

Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.

Wuj Richin ri Rutikeribel 14:8

Jari' k'a toq ri rey richin ri Sodoma, richin ri Gomorra, richin ri Admá, richin ri Seboím y richin ri Bela, ri nibix chuqa' Zoar chire; xebe chuwa-taq'aj ri rubini'an Sidim e kachibilan-el ri aj-labal y xbekichapa' oyowal.

Wuj Kichin ri To'onela' 19:22

Y toq janila yekikot ek'o chiri', jari' toq e k'iy achi'a' richin ri tinamit ri' xkisutij-rij ri jay, y nikitarila-apo ri ruchi' ri jay y xech'on apo chire ri ti achin y xkibij: Tawelesaj-pe ri achin ri xok apo pan awachoch, richin yojk'oje' rik'in, xecha'. Keri' xkibij roma re achi'a' re' kan e banoy etzelal.

Ez 23:2

Rat Ezequiel, tatzijoj k'a jun k'ambel-tzij chikij ri e ka'i' ixoqi' ri junan kite'.

Wuj Richin ri Isaías 10:11

Achi'el xinben rik'in ri tinamit Samaria y rik'in ri ki-dios, kan keri' chuqa' xtinben rik'in ri tinamit Jerusalem y ri ruwachibel ri ki-dios, nicha' ri rey richin Asiria.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.