Ez 16:41 - Kaqchiquel Bible

⁴¹ Xtikiporoj kan ri awachoch y xtikiq'et-tzij pan awi'. Y re' kan chikiwech ch'aqa' chik tinamit xtibanatej-wi. Y keri' xtinben chawe richin xtaya' kan ri itzel k'aslen y man chik xke'atoj ta ri ye'ajowan awichin.

Ez 16:41 ပူးပေါင်းရင်းမြစ်များ

2 Rey 25:9

Y rija' xuya' k'a ruq'aq'al ri rachoch ri Jehová, ri rachoch ri rey, ronojel jay ri kichin ri e tata'al y ronojel ri jay ri k'o pa Jerusalem.

Wuj Richin ri Achin Job 34:26

Rija' kan nuya' k'a ruk'ayewal pa kiwi' ri itzel taq kibanobal ri akuchi kan yetz'etetej koma konojel winaqi'.

Wuj Richin ri Isaías 2:18

Y kan xkeruk'is k'a el ronojel kiwech taq wachibel ri yekiya' kiq'ij.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

Wuj Richin ri Jeremías 39:8

Y ri ch'aqa' chik aj-Babilonia xkiya' kan ruq'aq'al ri rachoch ri rey chiri' pa Jerusalem y chuqa' ri ch'aqa' chik jay ri ek'o pa tinamit y xkiwulaj ri tz'aq richin ri tinamit ri'.

Wuj Richin ri Jeremías 52:13

Y toq xapon chiri', xuporoj ri rachoch ri Dios, ri rachoch ri rey y ronojel ri jay richin ri tinamit ri'. Y ri xeporox más ja ri jay ri k'o kejqalen.

Ez 11:9

Roma ri' yin kan xkixinwelesaj k'a el chupan re tinamit re', y xkixinjech-el pa kiq'a' winaqi' ri man e iwinaq ta, richin xtinya' rutojbalil pan iwi'.

Ez 16:33

Konojel k'a ixoqi' ri itzel kik'aslen, rije' k'o chi yetoj kan, jak'a rat xa man keri' ta naben. Xa ja rat ri yatojon-el kichin konojel ri ye'ajowan awichin. Ye'ayala' k'a sipanik chike ri achi'a' ri yepe pa taq jalajoj ruwach'ulew richin chi yemakun awik'in.

Ez 23:10

Y rije' kan xkik'uaj-el ronojel chuwech, kan jumul xkich'anaba' kan. Y man xaxe ta ri', xa kan xekik'uaj chuqa-el ri ral chi alaboni' chi xtani' y rija' xkikamisaj kan chi espada. Y ri xuk'uluwachij re ixoq re' kan xok k'a jun k'ambel-na'oj chikiwech ri ch'aqa' ixoqi'.

Ez 23:27

Y rik'in k'a ri' yatane' chubanik ri itzel abanobal y xtamestaj ri itzel ak'aslen ri xatikeriba' rubanik chiri' pan Egipto. Richin keri' kan man jun bey chik xtarayij ri banobel ri' y man jun bey chik xke'oqaqa chi'ak'u'x.

Ez 23:48

Keri' k'a xtinben richin xtik'is ri itzel rutzijol ri eleneq chiwij, richin keri' ri ch'aqa' chik ruwach'ulew xtiketamaj chi man ruk'amon ta ri xiben y keri' man xtikiben ta ri mak ri achi'el ri xiben rix.

Ez 37:23

Y chuqa' man xke'ok ta chik man ch'ajch'oj ta richin nikiya' kiq'ij wachibel ri kan yenwixowaj yin, ni man xkeyakatej ta chik chuwij. Yin kan xkenkol k'a pe ri akuchi ek'o-wi y xtinch'ajch'ojirisaj ri kimak. Y keri' rije' xke'ok nutinamit y yin xkinok ki-Dios.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.

Deut 13:11

Richin keri' chijun tinamit Israel xtikak'axaj y xtik'oje' xibinri'il kik'in, richin man jun chik tibanon jun etzelal keri'.

Deut 13:16

Nimol ruchi' ronojel ri kibeyomel y nimontonij pa nima-ruwech bey richin molojri'il, y niya' ruq'aq'al ri tinamit y ronojel ri k'o kik'in y re' xtok achi'el jun poron chikop chuwech ri Jehová ri qa-Dios. Y kan xtok k'a kan wuluwik abej y man jun bey chik xtipabex-q'anej.

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

Deut 22:24

jari' xke'uk'uex-el chi e ka'i' chuchi' ri tinamit akuchi xkek'aq chi abej y xkeken chi e ka'i'; ri xten roma man xuraqaqej ta ruchi' richin ta xto'ox, y ri achin roma xuqasaj ruq'ij ri xten ri xok ta rixjayil ri rachpochel; keri' xtik'is-el re etzelal re' chi'ikojol rix.

1 Timoteo 5:20

Wi k'o ta jun ri man nuya' ta kan richin nimakun, tabij k'a chire chikiwech ri qach'alal chi man utz ta ri najin chubanik, richin keri' ri ch'aqa' chik qach'alal nikixibij-ki' yemakun.