Ez 16:38 - Kaqchiquel Bible

³⁸ Kan xtinq'et k'a tzij pan awi', achi'el niq'at-tzij pa ruwi' jun wineq kamisanel y jun ixoq itzel ruk'aslen. Y rik'in k'a janila woyowal xkatinjech pa kamik.

Ez 16:38 ပူးပေါင်းရင်းမြစ်များ

Wuj Richin ri Rutikeribel 38:11

Y jari' toq ri Judá xubij chire ri rali': Tayonij na chik k'a juba' y kabek'oje' pa rachoch ri atata' rokik nik'iy-q'anej ri nuk'ajol Selá, xcha'. Keri' xubij ri Judá roma rik'in juba' niken chuqa-el ri Selá. Y ri Tamar xbek'oje' k'a pa rachoch ri rutata'.

Wuj Richin ri Rutikeribel 38:24

Oxi' yan k'a ik' tiq'ax toq xbanatej ri', jari' toq xapon rutzijol rik'in ri Judá y xbebix chire: Ri awali' Tamar xmakun rik'in achin y wakami royoben jun ak'ual, xuche'ex. Y ri Judá xubij: Tiwelesaj-pe richin tibox pa q'aq', xcha'.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

Ex 21:12

Wi k'o ta jun wineq nuch'ey jun chik wineq y ri xch'ay xa niken, ri xbanon, xtikamisex chuqa'.

Wuj Richin ri Jeremías 18:21

Jak'a re wakami nink'utuj utzil chawe richin xtaben ta chi xkeken ri kalk'ual roma wayjal y roma ri espada. Ri ixoqi' kan xkemalkanej ta kan y xkek'is ta el konojel kal. Ja ta ri nima-yabil xtikamisan kichin ri achi'a', y ri alaboni' xkeken ta pa taq labal.

Ez 16:36

Yin Jehová kan ninjikiba' nutzij chi kan xtinya' ruk'ayewal pan awi'. Rat kan xaben chi xach'anaba-awi' jumul chikiwech ri ye'ajowan awichin y kan man jun k'a k'ix chawech. Chuqa' xajech-awi' chikiwech y chuqa' xajech-awi' richin xaya' kiq'ij ri wachibel ri kan yenwixowaj yin. Y pa ruwi' ri' kan xaben richin xtix kikik'el ri awal richin chi xasuj kamelabel chikiwech ri wachibel ri'.

Ez 16:40

Y xkeyakatej k'a pa ruk'iyal ri winaqi' chawij y xkatkipotz' chi abej, k'ari' xkatkikamisaj rik'in espada.

Ez 23:24

Xkepe k'a rik'in kikamisabal, ki-carruaje y kan janila chi winaqi' rik'in kitobal ruwa-kik'u'x y rutobal-kijolon. Kan xkatinjech k'a pa kiq'a' richin xtikiq'et-tzij pan awi' achi'el nubij ri kipixa' rije'.

Ez 23:25

Yin kan janila yatinwajo', jak'a k'o chi xtinwelesaj woyowal chawij. Roma ri' rije' kan xtik'o chik ruwi' xtikiben chawe. Kan xtikiqupij k'a el ri atza'n y chuqa' ri axikin. Y ri winaqi' ri k'a xkek'oje' na kan chiri' pa Jerusalem xa kan chi espada xkekamisex-wi. Chuqa' xkekik'uaj k'a el ri awal chi xtani', chi alaboni' y pa ruk'isibel xkenk'is rik'in q'aq'.

Ez 35:6

Jak'a yin Jehová, kan ninya' nutzij chi kan xkixinjech pa ruq'a' ri kamik y ri kamik kan xkixrutzeqelibej. Roma rix kan xe'iwetzelaj ri iwach'alal, ri kamik kan xkixrutzeqelibej.

Ez 36:18

Chuqa' kan janila chi kamik ri xekibanala' y xekiya' kiq'ij wachibel. Roma ri' xtinwelesaj woyowal chikij rije'.

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Wuj Richin ri Nahum 1:2

Ri Jehová kan jun Dios ri kan man niqa' ta chuwech chi niban itzel chike ri ruwinaq. Kan nuya' k'a rutojbalil-mak pa kiwi' rije'. Rija' kan nuya' k'a ruk'exel chike ri nikipaba-ki' chuwech. Kan noyower k'a kik'in ri e itzel taq winaqi'.

Wuj Richin ri Sofonías 1:17

Ri Jehová xkeruya' janila pa k'ayew ri winaqi', y xtuben chike chi xke'ok moy roma ri kiq'axo'n, roma kan xemakun chuwech rija'. Ri kikik'el rije' kan xtibebiyin achi'el nibiyin ri ya', y ri kixkolob kan xtel-pe jumul.

Wuj Richin ri Q'axanri'il 35:16

Xabachike ta wineq ri nisokon rik'in jun ch'ich', o rik'in jun abej o rik'in jun che' y ri wineq xsokotej y xtiken, ri xbanon keri' kan jun k'a kamisanel ri' y xtikamisex.

Wuj Richin ri Q'axanri'il 35:21

o wi xa k'o etzelanik chikikojol y xuya' q'a' chire, y wi re wineq re' kan xken, ri kamisanel ri' chuqa' xtikamisex, roma jun ach'alalri'il.

Wuj Richin ri Q'axanri'il 35:31

Chuqa' man jun bey tik'ul méro chuwi-ruq'a' ri kamisanel richin nukol ruk'aslen, roma rija' k'o chi xtelesex-el ri ruk'aslen.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.