Ez 16:36 - Kaqchiquel Bible

³⁶ Yin Jehová kan ninjikiba' nutzij chi kan xtinya' ruk'ayewal pan awi'. Rat kan xaben chi xach'anaba-awi' jumul chikiwech ri ye'ajowan awichin y kan man jun k'a k'ix chawech. Chuqa' xajech-awi' chikiwech y chuqa' xajech-awi' richin xaya' kiq'ij ri wachibel ri kan yenwixowaj yin. Y pa ruwi' ri' kan xaben richin xtix kikik'el ri awal richin chi xasuj kamelabel chikiwech ri wachibel ri'.

Ez 16:36 ပူးပေါင်းရင်းမြစ်များ

Ez 23:10

Y rije' kan xkik'uaj-el ronojel chuwech, kan jumul xkich'anaba' kan. Y man xaxe ta ri', xa kan xekik'uaj chuqa-el ri ral chi alaboni' chi xtani' y rija' xkikamisaj kan chi espada. Y ri xuk'uluwachij re ixoq re' kan xok k'a jun k'ambel-na'oj chikiwech ri ch'aqa' ixoqi'.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

Wuj Richin ri Sofonías 3:1

¡Kan toq'ex k'a iwech rix aj-Jerusalem roma kan janila ipaban-iwi'! Itz'ilobisan ri ik'aslen, y kan ye'itz'ila' ri iwinaq.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Ez 24:13

Kan nutijon-pe nuq'ij iwik'in rix aj-Jerusalem richin nich'ajch'ojirisaj-iwi' chire ronojel ri imak, jak'a rix man iya'on ta q'ij. Jak'a toq xtiqaqa ri woyowal pa ruwi' ri itinamit, k'ari' xkixch'ajch'ojir.

Ez 23:29

Y roma ri' rije' kan yatkixowaj y kan niyakatej janila koyowal chawij. Keri' xtok kan kichin ri ach'akoj ri abanon rik'in ri asamaj y kan man jun chik xtikiya' kan chawe. Xa kan xkatkich'anaba' kan jumul y xa kan man nikiya' ta chik atziaq y xtitz'etetej k'a ri itzel ak'aslen ri xaben.

Ez 23:18

Y keri' xuk'ayij ri' chubanik ri itzel k'aslen y xuk'utula' ri ruch'akul. Roma ri' yin Jehová kan rik'in ronojel wánima itzel k'a xintz'et achi'el xinben chuqa' rik'in ri rach'alal.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Ez 22:15

Kan xkixintaluj k'a el pa taq ruwach'ulew y kan xkixkiratej k'a el chikikojol ri winaqi' richin chijun ruwach'ulew. Y chirij ri' xtinben chi xtik'is ri itzel taq ibanobal.

Wuj Richin ri K'uxla'anik 1:9

Ri kitziaq kan xtz'ilobitej roma ri mak ri', rije' kan man xkich'ob ta k'a ri nuk'en-pe pa kiwi'. Kan nak'en rukiy toq xechapatej chupan ri kimak. Y re wakami kan man jun k'a achike ta nikuquban kik'u'x. Nikik'utuj k'a chire ri Jehová chi tutzu' ri kiq'axo'n. roma ri e etzelanel kichin kan xkinimirisaj-ki'.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Wuj Richin ri Rutikeribel 3:7

K'ari' xjaqatej kiwech chi e ka'i' y xketamaj chi e ch'anel, k'ari' xkitz'is ruxaq ri wíkix richin xkikuch ri kik'ix.

Ez 16:35

Rat Jerusalem abanon achi'el jun ixoq itzel ruk'aslen y roma ri' k'o chi xtawak'axaj ri nuq'atbel-tzij ri xtinya' pan awi'.

Ez 16:57

toq rat man jani tiqaqa-pe ri ruk'ayewal pan awi' roma ri itzel taq abanobal. Achi'el k'a rat xawixowaj ri Sodoma; re wakami ri winaqi' edomita, ri aj-Filistea y konojel ri tinamit ri ek'o chi'anaqaj xkatkixowaj chuqa' rat.

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Ez 23:37

roma rije' xekitzeqelibej ch'aqa' chik dios achi'el nuben jun ixoq nutzeqelibej jun chik achin ri man rachijil ta. Chuqa' kan xe'ok kamisanela' roma xekisuj ri kal chikiwech ri wachibel. Re ak'uala' re' kan e wichin yin, jak'a xa xe'ok kiway ri wachibel.

Ez 36:18

Chuqa' kan janila chi kamik ri xekibanala' y xekiya' kiq'ij wachibel. Roma ri' xtinwelesaj woyowal chikij rije'.