Ez 16:33 - Kaqchiquel Bible

³³ Konojel k'a ixoqi' ri itzel kik'aslen, rije' k'o chi yetoj kan, jak'a rat xa man keri' ta naben. Xa ja rat ri yatojon-el kichin konojel ri ye'ajowan awichin. Ye'ayala' k'a sipanik chike ri achi'a' ri yepe pa taq jalajoj ruwach'ulew richin chi yemakun awik'in.

Ez 16:33 ပူးပေါင်းရင်းမြစ်များ

Wuj Richin ri Isaías 57:9

Rix kan xiya-el aceite y jebelej aq'om chiwij, y k'ari' xixbe rik'in ri dios Mélec richin xiya' ruq'ij. Xe'iteq-el nej ri itaqonela' richin nikikanoj pixabanik; y jujun chike rije' xe'apon k'a akuchi e muqun-wi ri kaminaqi'.

San Lucas 15:30

Wakami rat xakamisaj-qa ri ti wákix ti'oj, xaxe roma xtzolin-pe re jun ak'ajol re', ri xa xberuk'isa' yan kan ronojel ri abeyomel kik'in ixoqi' ri itzel kik'aslen, xcha'.

Wuj Richin ri Miqueas 1:7

Ri jebelej taq wachibel xkewulex y ri sipanik ri xtikich'ek ri ixoqi' ri yewer kik'in achi'a' ri ye'apon pa kachoch ri ki-dios xa xtiporox. Ri wachibel ri' xa xke'ok q'ayis. Ri Samaria xril k'a ronojel re' richin ninimaq'ijun richin nik'iyer ri rutiko'n. Jak'a ri e etzelanel kichin xa xtikik'uaj richin nibekiya' chike ri ixoqi', chupan ch'aqa' chik kachoch ri ki-dios richin nikiya' kiq'ij.

Joel 3:3

Y kan xekiya' pan etz'anen ri nuwinaq richin xekik'uaj; chuqa' kan xekik'ayij-el ri taq ak'uala' chi alaboni' chi xtani'. Y ri méro xkikusaj richin xek'oje' kik'in ixoqi' ri man utz ta kik'aslen, richin chuqa' xkiloq' vino chire richin xkiqum.

Os 2:12

Xtinben k'a chi xkechoy ronojel ri juwi-uva y ri ruche'el wíkix, ri achoq pa ruwi' xubij-wi chi kan jari' ri ruch'akoj kik'in ri achi'a' ri xe'ajowan richin. Ronojel ri ulew richin tiko'n kan xtinben k'a chire chi xtok kan jun soq'olbel; chiri' k'a xkewa-wi ri chikopi' ri e richin pa juyu'.

Ez 16:41

Xtikiporoj kan ri awachoch y xtikiq'et-tzij pan awi'. Y re' kan chikiwech ch'aqa' chik tinamit xtibanatej-wi. Y keri' xtinben chawe richin xtaya' kan ri itzel k'aslen y man chik xke'atoj ta ri ye'ajowan awichin.

Wuj Richin ri Isaías 30:3

Jak'a pa ruk'exel ri ruto'onik, rija' xa xkixruk'ixbisaj. Roma kan nito-iwi' rik'in ri ruwach'ulew Egipto, xa kan xtuqasaj iq'ij.

Ez 16:32

Jak'a rat naben achi'el jun ixoq ri k'ulan y ye'akusaj chik apo ch'aqa' chik achi'a' pan awachoch.

Ez 16:34

Ri ixoq itzel ruk'aslen kan nikanox koma achi'a' y re achi'a' re' nikitoj kan chire. Jak'a rat man yakanox ta y roma ri' ja rat yatojon-el kichin y xa man jun nak'ul.

Wuj Richin ri Jeremías 2:24

Chuqa' ix achi'el jun juyubel ixoq bur, ri ruk'ulun chire k'o pa tz'iran ruwach'ulew y nixupupula' pa rutza'n roma k'o rayibel chire richin netz'an. Toq k'o rayibel rik'in, kan man jun k'a nitikir niq'aton richin. Y wi jun achij kiej nikanon richin, kan chi'anin xtril y man xtikos ta na chukanoxik, roma ri ixoq bur ri' kan chaq jantape' k'o rayibel rik'in.