Ez 16:3 - Kaqchiquel Bible

³ Y jare' k'a ri rutzijol ri ninya' yin Jehová chike: Pa nabey rat Jerusalem, xa pa ruwach'ulew Canaán xatz'ukutej-pe. Y ri atata' jun amorreo y ri ate' jun hitita.

Ez 16:3 ပူးပေါင်းရင်းမြစ်များ

Ez 16:45

Y rat at achi'el jun ixjayilonel ri nrixowaj ri rachijil y yerixowaj chuqa' ri taq ral. Rat at achi'el chuqa' jun jay winaqi' ri xaxe ixoqi' ek'o. Y konojel rije' nikixowaj ri kachijil y chuqa' ri taq kal. Ri ate' jun hitita y ri atata' jun amorreo.

Deut 20:17

Konojel k'a re winaqi' re' xa kan ke'ikamisaj kan jumul: Ri hitita, ri amorreo, ri cananeo, ri ferezeo, ri heveo y ri jebuseo, y tibana' chike achi'el ri rubin ri Jehová ri qa-Dios,

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Wuj Richin ri Nehemías 9:7

Rat Jehová ri qa-Dios, xacha' ri Abram, y rat xatelesan-pe pa tinamit Ur, richin ri ruwach'ulew Caldea, y xabij Abraham chire.

San Lucas 3:7

Keri' ri Juan, toq ye'apon ri winaqi' rik'in richin nuqasaj ya' pa kiwi', rija' nubij k'a chike: Rix xa ix kijatzul ri q'olonela' taq winaqi'. ¿Achike xbin chiwe chi k'o chi yixanimej chuwech ri ruk'ayewal ri peteneq?

Ez 21:30

Tiyaka-qa pa ruk'ojelibal ri i-espada, roma yin xtinq'et-tzij pan wi' chiri' ri akuchi xixalex-wi.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

1 Rey 21:26

Ri Acab kan janila k'a itzel ri rubanobal chuwech ri Jehová, roma kan xuya' kiq'ij ri kiwachibel ri ch'aqa' chik dios, achi'el xkiben konojel ri winaqi' amorreo, ri xe'elesex-el chikiwech ri israelita roma ri Jehová.

Wuj Richin ri Rutikeribel 15:16

Y ri rukaj sol chire ri awijatzul xketzolin chik pe chupan re ruwach'ulew re', roma man jani tik'o ruwi' ri kimak ri rijatzul ri Hamor richin ninwelesaj ri ruwach'ulew chike, xcha' ri Dios.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

Wuj Richin ri Esdras 9:1

Toq k'achojineq chik k'a ronojel re', ri tata'al xepe wik'in y xkibij chuwe: Ri e sacerdote, ri e levita y ri ch'aqa' chik qawinaq man kich'aron ta k'a ki' kik'in ri winaqi' aj-Canaán, ri hitita, ri ferezeo, ri jebuseo, ri amonita, ri moabita, ri egipcio y ri winaqi' amorreo. Y chuqa' kan nikiben ri itzel kibanobal rije'.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin ri Rutikeribel 11:29

Y ri Abram xk'ule' rik'in ri xten rubini'an Sarai, y chuqa' ri Nacor xk'ule' rik'in ri xten rubini'an Milcá, rumi'al kan ri Harán, rana' ri Iscá.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

San Mateo 11:24

Roma ri' ninbij chi toq xtapon ri q'ij chi nibanatej ri q'atoj-tzij, kan más k'a xtik'o ruwi' ri ruk'ayewal ri xtiqaqa pan iwi' rix ke chuwech ri ruk'ayewal ri xtiqaqa pa kiwi' ri aj-Sodoma, xcha'.

San Mateo 3:7

Y toq rija' xutz'et chi kan e k'iy k'a chike ri achi'a' fariseo y saduceo ri xe'apon chuqa' rik'in, xubij k'a chike: Rix xa ix kijatzul ri q'olonela' taq winaqi'. ¿Achike k'a xbin chiwe richin k'o chi yixaminej chuwech ri ruk'ayewal ri peteneq?

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

Wuj Richin ri Rutikeribel 11:25

Chirij ri ralaxik rija', ri Nacor xk'ase' na chik 119 juna', y xek'oje' ch'aqa' chik ralk'ual.

Wuj Richin ri Josúe 13:4

ri k'o pa xokon chire ri kiruwach'ulew ri aj-Canaán; nitiker-el rik'in ri tinamit Mehara ri kichin ri aj-Sidón, y napon k'a pa tinamit Afec, ri akuchi k'o-wi ri ruk'ulba't ri ruwach'ulew kichin ri amorreo.

Wuj Richin ri Isaías 43:27

Ri nabey itata' ri xk'oje' ojer kan, kan xmakun chinuwech. Chuqa' ri e aj-raqen pan iwi' xa xeyakatej chuwij.

Ez 16:2

Rat Ezequiel, kach'on kik'in ri awinaq ri ek'o pa Jerusalem pa ruwi' ri itzel taq kibanobal ri kan man yeqa' ta chinuwech.

Ez 16:4

Toq xatalex man xqupix ta k'a ri amuxu'x, ni man jun xatinsan awichin, ni man xkimel ta juba' ruya'al atz'an chawij, ni man xatkibolqotij ta pa jun tzieq.