Ez 16:27 - Kaqchiquel Bible

²⁷ Roma ri', yin xiyakatej richin xinya' rutojbalil-mak pan awi' y kan xinwelesaj juba' awulew richin xinjech pa kiq'a' ri aj-Filistea, ri kan itzel chuqa' xkina' roma ri itzel taq abanobal.

Ez 16:27 ပူးပေါင်းရင်းမြစ်များ

2 Rey 24:2

Y ri Jehová xeruteq tzobaj aj-labal aj-Babilonia, aj-Siria, aj-Moab y aj-Amón chirij ri Joaquim richin nikik'is ri Judá, kan achi'el xubij ri Jehová roma ri q'alajirisey ruch'abel.

Wuj Richin Bix Chire ri Dios 106:41

Xerujech k'a pa kiq'a' winaqi' ri man nikitzeqelibej ta rija'. Y keri' k'a ri e etzelanel kichin xek'oje' pa kiwi'.

Wuj Richin ri Isaías 3:1

Titz'eta' k'a wakami chi ri Jehová k'iytisanel richin ronojel xtiberuya' wayjal pa kiwi' ri tinamit Jerusalem y ri Judá; ronojel ri yetij y ri yequm xtrelesaj-el.

Wuj Richin ri Isaías 5:25

Roma k'a re banobel re' xyakatej janila royowal ri Jehová chiwij. Y roma ri' kan xtutzeqej k'a ri ruq'a' chiwij richin nuya' ri rutojbalil pan iwi'. Ri juyu' kan xkesilon k'a, y ri kich'akul ri qawinaq ri xkeken, kan xkepunupuxin pa taq bey; xa kan achi'el k'a q'ayis xtikiben. Man rik'in ri' ri royowal ri Jehová man jani tiq'ax, roma ri royowal rija' xa kan k'o k'a pan iwi'.

Wuj Richin ri Isaías 9:12

Ri pa relebel-q'ij xkepe ri aj-Siria, y ri pa qajbel-q'ij ja ri aj-Filistea. Y rije' kan xkekitej chi rex ri israelita. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:17

Xa roma ri' ri Jehová kan man xtujoyowaj ta kiwech; ri alaboni', ri meba'i' y ri malkani'. Roma konojel rije' xa xkimalij kan ri Dios, y kan janila e itzel. Konojel xaxe yoq'onik ri k'o pa kichi'. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Jeremías 34:21

Wakami ri aj-labal e richin ri rey Babilonia kitanaban kan juba' ri oyowal. Jak'a rat Sedequías y rix aj-raqen, xkixinjech pa kiq'a' rije'

Ez 14:9

Wi k'o ta jun q'alajirisanel ri nuya' jun rutzijol ri xa man qitzij ta, re' ja yin Jehová ri xibanon chire chi tiq'olon. Y k'ari' yin xtinya' ri rutojbalil-mak pa ruwi' y kan xtinkamisaj.

Ez 16:37

Roma ri', xkenmol k'a konojel ri ye'ajowan awichin, ri xaben chike richin chi xemakun awik'in. Kan xkenmol k'a pe ri akuchi e peteneq-wi, richin chi xtinwelesaj k'a ri atziaq chikiwech y keri' xtikitz'et chi at ch'anel.

Ez 16:47

Y kan xatzeqelibej ri itzel kibanobal y xaben ri man niqa' ta chinuwech yin. Y pa ruwi' ri', kan más itzel xaben chikiwech rije'.

Ez 16:57

toq rat man jani tiqaqa-pe ri ruk'ayewal pan awi' roma ri itzel taq abanobal. Achi'el k'a rat xawixowaj ri Sodoma; re wakami ri winaqi' edomita, ri aj-Filistea y konojel ri tinamit ri ek'o chi'anaqaj xkatkixowaj chuqa' rat.

Ez 23:22

Rat Oholibá, ri pa nabey xe'awajo', jak'a re wakami xe'amalij kan. Jak'a yin Jehová xtinben k'a chike rije' chi xkeyakatej chawij y xtikiben oyowal awik'in.

Ez 23:25

Yin kan janila yatinwajo', jak'a k'o chi xtinwelesaj woyowal chawij. Roma ri' rije' kan xtik'o chik ruwi' xtikiben chawe. Kan xtikiqupij k'a el ri atza'n y chuqa' ri axikin. Y ri winaqi' ri k'a xkek'oje' na kan chiri' pa Jerusalem xa kan chi espada xkekamisex-wi. Chuqa' xkekik'uaj k'a el ri awal chi xtani', chi alaboni' y pa ruk'isibel xkenk'is rik'in q'aq'.

Wuj Richin ri Sofonías 3:19

Chupan ri q'ij ri' yin xkenk'is konojel ri xetz'ilon iwichin. Kan xkento' ri e kajtajineq kan, y xkenk'en chik pe ri e talutajineq-el. Xtinben chiwe chi xtik'oje' chik iq'ij, y kan utz itzijol xtik'oje' chuwech chijun ruwach'ulew. Y re' pa ruk'exel ri ruk'ixbilal ri xiq'axaj.

Apocalipsis 17:16

Ri lajuj uk'a' ri xatz'et y ri chikop, xa xtiketzelaj k'a ri ixoq ri xa man utz ta ruk'aslen. Xtikelesaj ronojel chire y nikich'anaba' kan. Y ri ruch'akul ri ixoq ri', xtikitej y ri xtikolotej kan xtikiporoj pa q'aq'.