Ez 16:26 - Kaqchiquel Bible

²⁶ Chuqa' xasuj-awi' chikiwech ri aj-Egipto, winaqi' ri kan k'o-wi janila kuchuq'a' y kan jebel nikina' yemakun. Roma ri' xaben chuwe richin xyakatej janila woyowal.

Ez 16:26 ပူးပေါင်းရင်းမြစ်များ

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Ez 23:3

Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Ez 8:14

Y xiruk'uaj-el pan okibel ri k'o pa xaman chire ri rachoch y xentz'et k'a ixoqi' ri e tz'uyul chiri' y nikoq'ej ruwech ri dios Tamuz.

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Wuj Richin ri Jeremías 3:1

Ri Jehová xch'on chik wik'in y xubij chuwe: Wi k'o ta jun achin nujech-ri' rik'in ri rixjayil y ri ixoq ri' nik'ule' ta rik'in jun chik achin, ¿nitikir kami ri nabey rachijil nitzolin rik'in re ixoq re'? ¿Roma ta kami ri' ri ruwach'ulew xtok man ch'ajch'oj ta? Rix xa xitzeqelibej ch'aqa' chik dios, achi'el nuben jun ixoq itzel ruk'aslen. Jak'a yin Jehová ninbij chi kixtzolin chik pe wik'in.

Wuj Richin ri Chojmirisabelri'il 15:3

Ri achin kan man ch'ajch'oj ta k'a roma ri achi'el ya' ri chaq k'ate' nel-pe chupan ri rukowil o ri man nel ta pe.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.