Ez 16:24 - Kaqchiquel Bible

²⁴ Kan xe'abanala' k'a porobel richin kamelabel pa taq nima'q ruwech bey.

Ez 16:24 ပူးပေါင်းရင်းမြစ်များ

Ez 16:39

Y kan xkatinjech pa kiq'a' ri e etzelanel awichin, richin xtikiwulaj ri akuchi naya' kiq'ij ri wachibel y chuqa' ri porobel ri ek'o pa taq bey. Xtink'uaj-el ronojel atziaq y ri jalajoj ruwech wiqobel ri k'o awik'in. Y kan man jun k'a xtik'oje' kan awik'in y kan xkach'ane' kan jumul.

Ez 16:31

Xe'abanala' k'a porobel kichin ri wachibel ri chiri' pa nima'q ruwech bey y pa taq krusin-bey. Jak'a man naben ta achi'el nuben jun ixoq ri itzel ruk'aslen, roma ri ixoq ri' xa kan nimakun roma ri méro.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Isaías 57:7

Kan k'a pa ruwi' ri juyu' ri k'o más pa jotol, yixbe-wi richin nibesuju' kamelabel, y richin yixk'oje' kik'in ixoqi' ri man iwixjayil ta.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Wuj Richin ri Jeremías 3:2

Titzu' k'a jebel la ruwi' taq juyu' ri akuchi xiya' kiq'ij ch'aqa' chik dios. Kan pan ewel k'a yixtz'uye' pa taq bey richin ye'iwoyobej achi'a', achi'el nikiben ri winaqi' ri ek'o pa tz'iran ruwach'ulew richin ye'eleq'. Kan xitz'ilobisaj re ruwach'ulew rik'in ri itzel taq imak.

Wuj Richin ri Jeremías 17:3

Xtinben chi xteleq'ex-el ri ibeyomel ri k'o iwik'in roma ri imak y xkewulex ri chiri' pa ruwi' taq juyu' ri akuchi ich'aron-wi.

Wuj Richin ri Isaías 57:5

Rix ri yixk'oje' kik'in ixoqi' ri man iwixjayil ta, y keri' niben chuxe' xabachike nima'q taq che'. Chuqa' rix ri ye'isuj iwalk'ual chiri' pa taq taq'aj, y chukojol ri nima'q taq abej.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

1 Rey 14:23

Rije' xekipaba-q'anej ri akuchi nikiya-wi ruq'ij ri wachibel ri pa ruwi' taq juyu', y chuqa' xekipaba-q'anej abej y che' richin nikiya' kiq'ij ri ki-dios. Re' xeban pa ronojel ruwi' taq juyu' y chuxe' taq che' ri jebel kimujal.

Wuj Richin ri Jeremías 11:13

Kan e janila k'a i-dios ek'o, kan achi'el ri rajlabal ri itinamit. Y kan e janila k'a porobel-pom ri xe'ipabala-q'anej richin chi niporoj pom chire ri Baal, achi'el ri rajlabal ri bey ri ek'o chiri' pa Jerusalem.

Ez 16:23

Roma ri', yin Jehová ninbij chi kan toq'ex k'a awech, roma ronojel itzel ri xe'abanala'.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

2 Crón 28:25

Chuqa' xuben ri akuchi nikiya-wi kiq'ij ri wachibel ri pa ruwi' taq juyu' chiri' chupan ronojel ri tinamit richin Judá, akuchi yeporox-wi pom chikiwech ri ch'aqa' chik dios, y re' kan xuben richin xuyek royowal ri Jehová ri ki-Dios ri rati't-rumama'.