Ez 16:15 - Kaqchiquel Bible

¹⁵ Jak'a roma kan at jebejoj ok y eleneq atzijol, kan xakuquba' ak'u'x rik'in ri' y xachop rubanik itzel k'aslen y kan xajech-awi' chike konojel ri xeq'ax-el chi'anaqaj.

Ez 16:15 ပူးပေါင်းရင်းမြစ်များ

Ez 16:25

Y chiri' pa taq krusin-bey xaya' kiq'ij ri wachibel. Man xaya' ta rejqalen chi rat at jebel ok, xa kan xasuj k'a ri ach'akul chikiwech xabachike ri yeq'ax keri'. Y kan jantape' k'a xamakun rik'in ri banobel ri'.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Isaías 57:8

Chirij k'a ri okibel richin ri iwachoch, ye'iya-wi kiwachibel dios ri kan man e ruk'amon ta. Y yin kan xinimalij kan. Rix kan xipek ri iq'u' richin xixok-apo chupan ri ich'at. Chuqa' xipek chik ruchi' ri iq'u' ri k'o juk'an chik ruchi' ri ich'at, richin xijikiba-itzij kik'in winaqi' achoq kik'in xiwajo' xixk'oje-wi.

Ez 23:3

Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Wuj Richin ri Jeremías 7:4

Man nikuquba' ik'u'x rik'in ri tz'ukun-tzij ri nikibij: Jare' ri rachoch ri Jehová, jare' ri rachoch ri Jehová, yecha'.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Wuj Richin ri Isaías 1:21

Rix aj-Jerusalem rubanon kan, kan in itzeqeliben, jak'a re wakami ix achi'el jun ixoq itzel ruk'aslen ri xuya' kan ri rachijil. Ri ojer kan chi'iwonojel rix kan ronojel pa ruchojmilal ri xiben. Jak'a re wakami xa chi'iwonojel rix ix kamisanela'.

Apocalipsis 17:5

Y nik'aj ruwech tz'ibatel-wi ri rubi'. Y man kan ta q'alaj achike nik'ulun chi tzij, y kere' ri nubij: Ri nimalej tinamit Babilonia, kite' ri ixoqi' ri itzel kik'aslen y kite' chuqa' ri winaqi' ri yebanon etzelal chuwech ri ruwach'ulew, nicha'.

San Mateo 3:9

Man k'a tich'ob-qa rix chi kan xaxe roma ix riy-rumam kan ri Abraham, xkixkolotej. Roma kan ta ri Dios nrajo' xa kan nuben ta chuqa' chike re abej re' chi ye'ok rijatzul ri Abraham.

Wuj Richin ri Sofonías 3:11

Chupan k'a ri q'ij ri', rix nuwinaq kan man xkixk'ixbitej ta chik roma ri imak ri e ibanalon chinuwech yin. Roma kan xkenwelesaj-el chi'ikojol konojel ri kinimirisan-ki'. Y rix kan man jun bey chik k'a xtinimirisaj-iwi' wawe' pa Jerusalem.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Os 4:10

Roma xa xkimestaj chi k'o chi yinkisamajij, xkewa' k'a, jak'a xa man xtinoj ta kipan. Xkemakun kik'in ixoqi', jak'a xa man xkewinaqir ta. Ronojel re' xtipe pa kiwi' roma xa xinkimalij kan.

Ez 33:13

Wi ta yin ninjikiba' chi xtik'ase' jun wineq ri choj ruk'aslen, jak'a wi ri wineq ri' nuchop itzel banobel, man nitikir ta nukuquba' ruk'u'x rik'in ri utz rubanobal richin nik'ase'. Kan man xtiya'ox ta rejqalen ronojel ri utz rubanon-pe y xa xtiken k'a roma ri itzel rubanobal.

Ez 27:3

Ri tinamit Tiro k'o chuchi' ri palou. Rija' banoy k'ayij y loq'oj kik'in konojel ruwach'ulew ri ek'o chuchi' ri palou. Ri Dios nubij chi rija' nuch'ob chi jebel ok,

Ez 20:8

Jak'a rije' xa xeyakatej chuwij y man xkinimaj ta nutzij. Chikijujunal k'a rije' xa man xkiya' ta kan ri itzel taq kibanobal xa xekiya' kiq'ij ri wachibel kichin ri winaqi' aj chiri'. Roma ri' xinbij k'a chike chi kan xtinwelesaj ronojel woyowal chikij chiri' pan Egipto.

Wuj Richin ri Jeremías 3:1

Ri Jehová xch'on chik wik'in y xubij chuwe: Wi k'o ta jun achin nujech-ri' rik'in ri rixjayil y ri ixoq ri' nik'ule' ta rik'in jun chik achin, ¿nitikir kami ri nabey rachijil nitzolin rik'in re ixoq re'? ¿Roma ta kami ri' ri ruwach'ulew xtok man ch'ajch'oj ta? Rix xa xitzeqelibej ch'aqa' chik dios, achi'el nuben jun ixoq itzel ruk'aslen. Jak'a yin Jehová ninbij chi kixtzolin chik pe wik'in.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Wuj Richin Bix Chire ri Dios 106:35

Pa ruk'exel chi xekik'is, xa xkitun-ki' kik'in. Xa xekibanala' k'a ri kibanobal ri winaqi' ri',

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

2 Rey 17:7

Ronojel re' xbanatej roma ri israelita kan xemakun chuwech ri Jehová ri ki-Dios, ri xelesan-pe kichin pan Egipto toq xkitej poqon. Kan xkisamajij ch'aqa' chik dios y

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

1 Rey 11:5

roma ri Salomón xa xuya' ruq'ij ri dios ixoq rubini'an Astarté ri ki-dios ri aj-Sidón y ri itzel wachibel richin Milcom, ri ki-dios ri aj-Amón.

Wuj Kichin ri To'onela' 10:6

Jak'a ri israelita xa xkichop chik rubanik itzel taq banobel chuwech ri Jehová, y xekisamajij ri dios Baal y ri Astarté, y chuqa' ri ki-dios ri aj-Siria, ri aj-Sidón, ri aj-Moab, ri aj-Amón y ri aj-Filistea. Rije' xa xkimalij kan ri Jehová y man xkisamajij ta chik.

Wuj Kichin ri To'onela' 3:6

Y ri kimi'al-kik'ajol ri israelita xek'ule-qa kik'in ri kalk'ual ri winaqi' ri', y xekisamajij ri ki-dios.

Wuj Kichin ri To'onela' 2:12

Xkiya' k'a kan ri Jehová ri ki-Dios ri kati't-kimama' ri xelesan-pe kichin pa ruwach'ulew Egipto, y xa xekitzeqelibej ri ch'aqa' chik dios, ri ek'o pa taq tinamit chikinaqaj rije', y kan xkiya' kiq'ij; y rik'in ri' xkiyek royowal ri Jehová.

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

Ez 16:16

Ri atziaq ri xinya', rik'in ri' xe'abanala' taq jay pa taq ruwi-q'anej juyu' y chiri' xe'abanala' itzel taq banobel, achi'el nuben jun ixoq itzel ruk'aslen.

Os 4:18

Ri vino ri nikiqum xa kan xeruq'abarisaj, kan janila k'a chi mak yekiben. Ri e tata'al kan ruyon chik k'a ruk'ixbilal ri yekibanala'.

Os 9:1

Rix aj-Israel man kixkikot, man kixtzopiyaj roma kikoten achi'el nikiben ch'aqa' chik tinamit. Rix xa kan ix makuwineq chuqa', xa kan xich'er kan iwi' chire ri qa-Dios. Xa kan xqa' k'a chiwech ri rutojbalil ri itzel taq ibanobal ri xiben ri akuchi nich'ay-wi ri trigo.