Ez 16:13 - Kaqchiquel Bible

¹³ Keri' xatinwiq rik'in q'anapueq y saqipueq y ri atziaq kan e banon rik'in jebelej lino ri kan jebel e tz'ison y kan jebejoj ok ri yetzu'un. Y keri' jebel ok xaben. Xatinwilij rik'in jebelej kaxlan-wey, rik'in kab ri nikiya' ri taq chikopi' y ri aceite banon rik'in olivo. Kan janila jebel ok xaben-q'anej y kan janila xk'oje' awejqalen, achi'el jun reina.

Ez 16:13 ပူးပေါင်းရင်းမြစ်များ

Wuj Richin Bix Chire ri Dios 50:2

Ri Dios, rik'in ri rusaqil nuk'ut chi rija' kan k'o chiri' pa tinamit Sión, chupan ri tinamit ri kan jebel nitzu'un.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Richin Bix Chire ri Dios 48:2

Ri juyu' Sión kan k'a pa jotol k'o-wi-el y jebel ok rubanon ri chiri' pa xaman. Ja rija' ri rukikoten ri ruwach'ulew, re tinamit re' kan richin ri nimalej rey,

Os 2:5

Ri te'ej xa xutz'ilobisaj ri ruk'aslen, xa ruyon rija' xuqasaj ruq'ij roma xubij-qa: Kentzeqelibej na ri ye'ajowan wichin. Rije' kan xtikiya' k'a ri nukaxlan-way y ri nuya'. Kan xtikiya' k'a nutziaq ri e banon rik'in lana y lino. Kan xtikiya' k'a ri nu-aceite y ronojel ri xtinqum, xcha-qa.

Ez 16:19

Y keri' chuqa' xak'en-el ri kaxlan-wey ri banon rik'in jebelej k'ej, ri aceite y ri kab ri nikiya' ri taq chikopi', achoq ik'in atintzuqun-wi y xa xasuj chikiwech ri wachibel richin jun sipanik ri nijubulin chikiwech rije'. Y re' kan qitzij, yin Jehová ri yibin.

Wuj Richin ri K'uxla'anik 2:15

Konojel ri winaqi' ri yeq'ax keri' qik'in, kan yojkitze'ej kan. Chuqa' yexuban y nikisiloj ri kijolon chiqij. Ri e etzelanel qichin yetze'en y nikibij: Jak'a tinamit re' ri nikibij chi kan janila jebel, Kan jare' ri ruwaq'ijaj richin chijun ruwach'ulew, yecha'.

Wuj Richin ri Jeremías 13:20

Kixtzu'un-q'anej kere' pa xaman y titz'eta' jebel ri achike ri e peteneq. Rix ri ix aj-raqen, ¿akuchi ek'o-wi ri tzobaj winaqi' ri xinya' pan iq'a' ri kan roma ri' inimirisan-iwi'?

Wuj Richin ri Isaías 64:11

Roj y ri qati't-qamama' xqaya' aq'ij chupan ri awachoch akuchi k'o-wi ri ak'ojlen. Jak'a re wakami xa kan xk'is yan roma ri q'aq'. Ronojel ri ek'o qik'in ri taq e jebel ok, kan xek'is.

Wuj Richin Bix Chire ri Dios 147:14

Ja rija' ri niya'on ri uxlanen chupan ri iruwach'ulew. Rija' nuya' pa ruk'iyal ri trigo richin yixnoj jebel.

Wuj Richin Bix Chire ri Dios 81:16

Jak'a ri nutinamit yin, kan ta xinya' ri jebelej trigo chike; kan ta rik'in kab ri nikiya' ri taq chikopi' xink'owisaj ri chaqi'j kichi', xcha'.

Wuj Richin ri Esdras 5:11

Y ri aj-Judá xkibij chiqe chi rije' e samajela' richin ri Dios rajaw ri kaj y ri ruwach'ulew. Y nikipaba' chik q'anej ri rachoch rija', ri k'iy yan juna' paban-q'anej roma jun nimalej rey richin Israel.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

2 Sam 8:15

Ri David xq'aton-tzij pa ruwi' chijun ruwach'ulew Israel. Y kan ronojel k'a utz y pa ruchojmilal ri xeruben rik'in ri tinamit.

1 Sam 12:12

Jak'a toq xitz'et chi ri Nahas ri rey kichin ri amonita xyakatej-pe richin nuben labal iwik'in, jari' toq xibij rix chi niwajo' jun i-rey richin nuq'et-tzij pan iwi', stape' ri rubanon-pe kan ja ri Jehová ri qa-Dios, jari' ri qa-rey roj.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

Deut 8:8

Jun ruwach'ulew ri akuchi niwachin ri trigo, ri cebada, ri uva, ri wíkix, ri granada, ri olivo y ri kab ri nikiya' taq chikopi'.

Wuj Richin ri Rutikeribel 17:6

Y xtinben chi xkewinaqir ri awijatzul y kik'in rije' xtinben nima'q taq tzobaj winaqi' y xke'el k'a el rey chikikojol ri awijatzul.

Ez 16:10

xinya' atziaq ri banon jebel retz'aba'l, xinya' axajab ri banon rik'in jebelej taq tz'um, jun ximibel-apan ri banon rik'in lino y chuqa' xinya' jun atziaq ri banon rik'in seda.

Ez 16:17

Ri wiqobel ri e banon rik'in q'anapueq y saqipueq ri xensipaj chawe, xa xe'aya'erisaj pa q'aq' richin xaben kiwachibel achi'a' chire. Y xeri' xak'oje' kik'in, achi'el nuben jun ixoq itzel ruk'aslen.

Ez 23:40

Y rix ix achi'el jun ixoq itzel ruk'aslen y xiteq rutzijol richin xebek'amer-pe achi'a' ri ek'o nej richin chi ye'oqaqa iwik'in. Rokik ye'oqaqa rije', rix xixatin y xiyala' aq'om chuchi' runaq' taq iwech y kan jebel xiwiq-iwi'.

Ez 27:16

Ri winaqi' aj-Edom ye'oloq'on chuqa' rik'in, roma kan janila k'iy k'o rik'in. Y rije' nikitojbej kan chire rik'in jalajoj y jebelej taq abej, tzieq keq, tzieq ri e tz'ison ruwech y tzieq banon rik'in lino.

Wuj Richin ri Achin Job 29:6

Ri q'ij ri' ri waqen kan yech'eqe' rik'in ri janila chi leche ri nikiya' ri nuwákix y ri nuk'arnel. Chuqa' kan janila chi aceite richin olivo nibiyin-pe chikikojol ri abej ri akuchi niyitz'-wi.