Ez 16:11 - Kaqchiquel Bible

¹¹ Xatinwiq k'a rik'in jalajoj ruwech wiqobel ri e banon rik'in q'anapueq, xinya' retz'aba'l-aq'a' y awichinaj,

Ez 16:11 ပူးပေါင်းရင်းမြစ်များ

Wuj Richin ri Rutikeribel 24:22

Y toq ri xten xtane' yan k'a richin nuya' kiya' ri camello, jari' toq ri achin xuya' k'a jun retz'aba'l-rutza'n ri banon rik'in q'anapueq y ri ralal jubama nik'aj onza. Y xuya' chuqa' ka'i' retz'aba'l ruq'a' ri e banon rik'in q'anapueq, y chikijujunal kalal jubama oxi' onza rik'in nik'aj.

Wuj Richin ri Rutikeribel 41:42

jari' toq xrelesaj ri retz'aba'l ruwi' ruq'a' ri retal q'atbel-tzij y xuya' chuwi-ruq'a' ri José. K'ari' xubij richin tikijala' ri rutziaq, y tikiya' ri tzieq ri banon rik'in lino ri más utz chire, chuqa' tikiya' jun ichinaj chuqul ri banon rik'in q'anapueq.

Wuj Richin ri Rutikeribel 24:47

K'ari' xink'utuj chire: ¿At achoq mi'al k'a rat?, xicha' chire. Y rija' xubij chuwe: In rumi'al ri Betuel y ri wati't-numama' ja ri Milcá y ri Nacor, xcha' chuwe. K'ari' xinya' jun retz'aba'l-rutza'n, y ka'i' retz'aba'l-ruq'a'.

Wuj Richin Etamabel-Tzij 1:9

Roma re' kan xke'ok jun wiqobel ri nik'oje' pan ijolon, kan xke'ok k'a chuqa' achi'el jun ichinaj ri nikiwiq jebel ri ruwa taq ik'u'x.

Ez 23:42

Kan xak'axatej k'a ri raqoj-chi'ij roma e k'iy winaqi' ri yenimaq'ijun, y chuqa' e peteneq choj relik winaqi' pa tz'iran ruwach'ulew. Y rije' xixkiwiq rik'in retz'aba'l-iq'a' y jebelej taq corona ri xekiya' pan ijolon.

Wuj Richin ri Q'axanri'il 31:50

Wakami k'a jare' qak'amon-pe chiqajujunal jun sipanik chire ri Jehová. Ja ri jalajoj ruwech taq wiqobel e banon rik'in q'anapueq. Y wakami niqasuj chire ri Jehová richin matioxinik, xecha'.

Apocalipsis 4:10

ri e juwineq kaji' achi'a' ri k'o kiq'ij, yexuke' chuwech ri kan k'es tibe-q'ij tibe-seq; nikelesala' ri ki-corona y yekiya-apo chuwech, y nikibij k'a:

Apocalipsis 4:4

Y kan sutin k'a rij rik'in chik juwineq kaji' tz'uyubel. Y ri e tz'uyul ri chiri' e juwineq kaji' achi'a' ri k'o kiq'ij, ri e kikusalon seq taq tzieq, y ri pa kijolon e kikusalon corona ri e banon rik'in q'anapueq.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Dn 5:29

Chirij ri' ri Belsasar xubij chi tiwiq k'a ri Daniel rik'in jun tzieq q'eqq'oj-keq nitzu'un, y tiya'ox jun ichinaj chiruqul ri banon rik'in q'anapueq. Chuqa' xtalux rutzijol chi ja ri Daniel ri xok kan q'atoy-tzij chirij qa rija'.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Ez 23:40

Y rix ix achi'el jun ixoq itzel ruk'aslen y xiteq rutzijol richin xebek'amer-pe achi'a' ri ek'o nej richin chi ye'oqaqa iwik'in. Rokik ye'oqaqa rije', rix xixatin y xiyala' aq'om chuchi' runaq' taq iwech y kan jebel xiwiq-iwi'.

Wuj Richin ri K'uxla'anik 5:16

Ri ruwaq'ijaj ri xk'oje' qik'in xa kan xk'is k'a jumul. Kan toq'ex k'a qawech wakami roma kan xojmakun.

Wuj Richin ri Isaías 28:5

Chupan k'a ri q'ij ri' ri Jehová k'iytisanel richin ronojel xkeruto' ri aj-Samaria ri xkek'oje' kan. Y roma ri' rije' kan xtikiben achi'el jun wiqobel ri banon rik'in kotz'i'j ri kan janila jebel ok yetzu'un.

Wuj Richin ri Nimalej Bix 4:9

Xaxe rik'in jun ti atzubal, kan xaweleq'aj kan ri wánima rat, wajowanel yin. Kan xaweleq'aj ri wánima toq nich'ich'an ri awichinaj.

Wuj Richin ri Nimalej Bix 1:10

Ri apalej kan jebejoj ok nitzu'un chikikojol ri ruwi' taq axikin. Ri aqul kan jebejoj ok niq'alajin rik'in ri awichinaj.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.

Wuj Richin Etamabel-Tzij 4:9

Ri na'oj kan xtiq'alajin k'a achi'el jun wiqobel ri pan ajolon, xa kan achi'el jun corona ri sipanik ri xtuya' chawe, xcha' ri nata' chuwe.

Wuj Richin ri Achin Job 42:11

Xeri' xe'apon k'a rik'in ri Job konojel ri rach'alal, chi achi'a' chi ixoqi', chi ch'uti'q chi nima'q; y kan xe'apon k'a chuqa' konojel ri e etamayon ruwech y kan xkiben k'a jun nima-wa'in rik'in ri chiri' pa rachoch. Kan xkik'ut k'a chuwech chi kan nikijoyowaj ruwech y nikikuqubala' ruk'u'x chire ronojel ri ruk'ayewal ri xuya' ri Jehová pa ruwi'. Y chikijujunal rije' xkiya' juba' méro chire y jujun retz'aba'l rutza'n ri banon rik'in q'anapueq.

Ester 2:17

Ri rey kan xbe k'a ránima chirij ri Ester, y más xrajo' chikiwech ri ch'aqa' chik xtani' ri e q'axineq-el rik'in. Keri' ri Ester xril utzil y ajowabel rik'in ri rey, más chikiwech ri ch'aqa' chik xtani'. Y roma ri' xuya' ri corona pa rujolon ri Ester richin xok reina. Y xuq'alajirisaj chi ja rija' ri nik'oje' kan pa ruk'exel ri reina Vasti.

Wuj Kichin ri To'onela' 8:24

Chuqa' xubij chike: Yin ninwajo' nink'utuj jun nimalej utzil chiwe; chi chi'ijujunal ta niya-pe chuwe ronojel ri ruwi-ixkinaj ri imajon kan chuwi-kiq'a' ri e etzelanel qichin, xcha'. Ri Gedeón xubij keri' roma ri aj-Madián kan nikikusaj k'iy ri ruwi-ixkinaj, ri e banon rik'in q'anapueq, achi'el ri nikikusaj ri winaqi' ismaelita.

Wuj Richin ri Chojmirisabelri'il 8:9

Xeri' xuya' chuqa' ri kuchubel-rujolon retal ri rusamaj y chuwech ri' xuya' ri tz'ajtz'ik q'anapueq, kan achi'el ri rubin ri Jehová chire chi tubana'.

Ex 35:22

Kan chi achi'a' chi ixoqi' k'a xepe y konojel kik'amon-pe sipanik rik'in ronojel kánima. Kik'amon-pe ri wiqobel ri banon rik'in q'anapueq, ri wiqobel ri yetz'arabex chuwech ri tzieq, ri lipq'a', ri retz'aba'l ri kitza'n y ri ichinaj.

Ex 32:2

K'ari' ri Aarón xubij chike: Wakami k'a tiwelesaj ronojel ri ruwi-ixkinaj ri banon rik'in q'anapueq ri k'o chuwi' taq kixikin ri iwixjayilal, ri k'o chuwi' taq kixikin ri imi'al-ik'ajol y ke'ik'ama' k'a pe chuwe, xcha'.

Wuj Richin ri Rutikeribel 35:4

Y keri' xekiyala' k'a apo chire ri Jacob, ri ruwachibel ri ki-dios ri ek'o pa taq kachoch y ri ruwi' taq kixikin; y rija' kan xerumuq chuxe' jun paten-che' ri k'o pa Siquem.

Wuj Richin ri Rutikeribel 24:53

Y ri samajel xuya-apo jalajoj ruwech sipanik ri banon rik'in saqipueq y q'anapueq, y tzieq, richin xusipaj chire ri Rebeca y chuqa' xeruyala' sipanik chire ri ruxibal y ri rute'.

Ez 16:17

Ri wiqobel ri e banon rik'in q'anapueq y saqipueq ri xensipaj chawe, xa xe'aya'erisaj pa q'aq' richin xaben kiwachibel achi'a' chire. Y xeri' xak'oje' kik'in, achi'el nuben jun ixoq itzel ruk'aslen.