Ez 15:7 - Kaqchiquel Bible

⁷ Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

Ez 15:7 ပူးပေါင်းရင်းမြစ်များ

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

Wuj Richin Bix Chire ri Dios 34:16

Ri Jehová kan nuteq k'a pe ri royowal pa kiwi' ri man utz ta nikiben. Rija' xtuben chi konojel winaqi' xkekimestaj re winaqi' re'.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Wuj Richin ri Isaías 24:18

Y ri xtanimej roma xibinri'il xa kan xtitzaq chupan ri jul. Y ri xtikolotej kan chupan ri jul xa kan xtuya-ri' chupan ri pajk'ibel. Ri ruchi' ri kaj kan xkejaqatej richin xtipe jun nimalej job, y ri ruxe' ri ruwach'ulew kan xkesilon.

Wuj Richin ri Jeremías 21:10

Roma yin xinch'ob yan richin ninya' wululen pa ruwi' re tinamit re' y man ninben ta chik ri utz iwik'in. Xkixinjech k'a el rix pa ruq'a' ri rey richin Babilonia y rija' xtuya' kan ruq'aq'al ri tinamit. Keri' nubij ri Jehová, xicha' chike.

Ez 11:10

Kan xkixkamisex k'a chi espada chupan ri iruwach'ulew. Jak'a nabey k'o chi xtiwetamaj nuwech yin.

Ez 14:8

Kan xtinpaba' k'a wi' chuwech re jun wineq re' y kan xtinya' rutojbalil-mak pa ruwi'. Kan xtinwelesaj-el chikikojol ri awinaq y ri xtibanatej kan xtok jun k'ambel-tzij. K'ari' xtiketamaj chi ja yin Jehová.

Ez 15:6

Roma ri' ninbij chi achi'el k'a ri ruche'el-uva ri xya'ox yan pa q'aq', keri' chuqa' xkenya' pa q'aq' ri awinaq chiri' pa Jerusalem.

Ez 19:12

Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Ez 20:42

Rix kan xtiwetamaj k'a in achike yin Jehová, ri rubanik ri nuna'oj, toq kan xkixink'en-pe chupan re ruwach'ulew richin Israel, ri ruwach'ulew ri kan nubin chi kan ninya-wi chike ri iwati't-imama'.

Ez 20:44

Rix kan ruk'amon ta ninya' rutojbalil-mak pan iwi', jak'a richin chi nel utz nutzijol, kan xtinjoyowaj k'a iwech. Y jari' toq xtiwetamaj chi ja yin Jehová ri ink'o pa ruwi' ronojel, xcha'.

Ez 33:29

Toq yin xtinwulaj ri ruwach'ulew y xtinben kan tz'iran chire roma ri imak ri kan yenwixowaj, jari' toq xtiwetamaj k'a chi ja yin Jehová, xkacha' chike.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Ez 6:7

K'a toq xtikitz'et na chi janila winaqi' israelita xkeken, k'ari' xtiketamaj chi ja yin Jehová.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Am 5:19

Re' achi'el toq jun wineq animajineq chuwech jun koj, jak'a xa xtupojij chik ri' rik'in jun oso. Chuqa' achi'el toq jun wineq nok-apo pa rachoch, y nraq'e-apo chuwech ri tz'aq richin ri jay y xa nuti' jun kumetz.