Ez 14:8 - Kaqchiquel Bible

⁸ Kan xtinpaba' k'a wi' chuwech re jun wineq re' y kan xtinya' rutojbalil-mak pa ruwi'. Kan xtinwelesaj-el chikikojol ri awinaq y ri xtibanatej kan xtok jun k'ambel-tzij. K'ari' xtiketamaj chi ja yin Jehová.

Ez 14:8 ပူးပေါင်းရင်းမြစ်များ

Wuj Richin Bix Chire ri Dios 34:16

Ri Jehová kan nuteq k'a pe ri royowal pa kiwi' ri man utz ta nikiben. Rija' xtuben chi konojel winaqi' xkekimestaj re winaqi' re'.

Wuj Richin Bix Chire ri Dios 34:17

Ri choj kik'aslen yech'on rik'in ri Jehová y kan yerak'axaj, y kan yerukol chire ronojel ri tijoj-poqonal.

Wuj Richin Bix Chire ri Dios 37:22

Ri e urtisan roma rija' xtikichinaj ri ruwach'ulew. Jak'a ri ruya'on etzelanik pa kiwi', kan xkek'is k'a konojel.

Wuj Richin ri Isaías 65:15

Yin xtinben chiwe chi rix xkixken, y ri nusamajela' kan xtikikusaj ri ibi' rix richin nikoyoj itzel. Jak'a rije' xtinya' jun k'ak'a' kibi'.

Wuj Richin ri Jeremías 21:10

Roma yin xinch'ob yan richin ninya' wululen pa ruwi' re tinamit re' y man ninben ta chik ri utz iwik'in. Xkixinjech k'a el rix pa ruq'a' ri rey richin Babilonia y rija' xtuya' kan ruq'aq'al ri tinamit. Keri' nubij ri Jehová, xicha' chike.

Wuj Richin ri Jeremías 24:9

Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.

Wuj Richin ri Jeremías 29:22

Roma ri xtibanatej kik'in rije' xtel jun k'ambel-tzij chike konojel ri xe'elesex-el pa Judá ri ek'o pa Babilonia y xtikibij: Ri Jehová kan xtuben chiwe achi'el xuben chike ri Sedequías y ri Acab, toq ri Nabucodonosor kan xeruporoj.

Wuj Richin ri Jeremías 44:11

Roma ri' kere' ninbij yin Jehová k'iytisanel richin ronojel: Re wakami, yin ninben chi ninteq-pe ri ruk'ayewal pan iwi' y xkixink'is rix aj-Judá.

Ez 13:23

Roma ri', man jun bey chik xtik'utumej chikiwech ri man e qitzij ta, ni man xtiq'alajirisex ta chik ch'abel ri xa man e qitzij ta. Y yin kan xtinkol k'a el ri nutinamit pa kiq'a' y k'ari' xtiketamaj rije' chi ja yin Jehová, xcha'.

Ez 15:7

Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Ez 6:7

K'a toq xtikitz'et na chi janila winaqi' israelita xkeken, k'ari' xtiketamaj chi ja yin Jehová.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin ri Chojmirisabelri'il 22:3

Chuqa' tabij chike rije': Xabachike chike ri iwijatzul ri ek'o wakami y ri xkepe chiwech-apo, wi xtijel-apo rik'in ri sipanik ri sujun chuwe yin Jehová, koma ri iwinaq, y ri sacerdote ri' xa man ch'ajch'oj ta, kan xtelesex k'a el chinuwech yin; yin Jehová ri yibin.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Q'axanri'il 16:38

Ronojel re porobel-pom re', kan xe'ok k'a kan richin pa nusamaj yin, roma xe'ukusex yan richin xsuj pom chuwe yin. Y chike ri porobel-pom ri' k'o chi xkebajix y niban nima'q ruwech pueq chire. Y rik'in ri' nipis-rij ri porobel-pom ri k'o pa wachoch. Y re' kan xtok k'a jun natabel chike ri awinaq roma ri xbanatej, xcha'.

Wuj Richin ri Q'axanri'il 19:20

Jak'a wi k'o jun wineq ri man ch'ajch'oj ta y kan man nrajo' ta nuch'ajch'ojirisaj-ri' y man xchikex ta chuqa' ri ya' pa ruwi', ri wineq ri', kan xtiwelesaj k'a el chi'ikojol, roma kan nuben chire ri wachoch chi man ch'ajch'oj ta.

Wuj Richin ri Q'axanri'il 26:10

y ri ruwach'ulew xjaqatej y xerubeq' kan, junan rik'in ri Coré. Y re' xbanatej toq xeken chuqa' ri tzobaj ri xeruk'is q'aq' toq xeken e 250 achi'a'. Re jun banobel re' xbanatej richin chi tiketamaj ri ch'aqa' chik chi man tikiben keri'.

Romanos 11:22

Kan tiwetamaj k'a chi ri Dios janila najowan, jak'a chuqa' kan nuya' rutojbalil ri mak. Ri nuwinaq ri e tzaqineq chupan ri kimak, kan xkik'ul ri rutojbalil ri kimak. Y rix kan ix uk'uan k'a chupan ri rutzil ri Dios. Roma ri' kan nik'atzin chi rix kan yixk'oje' chupan ri utzil ri'. Roma wi man xtiben ta keri', rix chuqa' yixelesex-el.

1 Corintios 10:11

Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

Deut 28:37

Kan xkixkimey k'a ri winaqi' roma ri nik'uluwachij y kan xkech'on itzel chiwij y chuqa' xketze'en chiwij konojel ri winaqi' ri ek'o chiri' akuchi xkixuk'uex-wi roma ri Jehová.

Deut 28:46

Ronojel k'a re tijoj-poqonal re' xtik'atzin richin jun retal richin ri royowal ri Dios, chiwe rix y chike ri iwijatzul richin k'iy q'ij.

Deut 29:19

Rik'in juba' toq iwak'axan chik ri ch'abel richin ri ya'on-tzij k'o jun chi'ikojol ri kan janila xtuna-ri' y xtubij-qa: Yin kan man jun xtink'uluwachij stape' xtinben ronojel ri niqa' chinuwech yin, xticha-qa; y jari' ri xtibanon chi xtipe wululen chiqij qonojel.