Ez 14:23 - Kaqchiquel Bible

²³ Toq xtatz'et ri itzel kibanobal y ri itzel taq bey ri xkik'uaj, jari' toq xtikuqer ak'u'x roma xtiq'ax k'a chawech achike roma keri' xinben kik'in y man chaq k'ate' ta keri' xinben, xcha'.

Ez 14:23 ပူးပေါင်းရင်းမြစ်များ

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Dn 9:14

Roma ri', rat Jehová xaya' q'ij chi xpe re jun ruk'ayewal re' pa qawi'; ronojel ri samaj ri naben rat kan pa ruchojmilal-wi. Jak'a roj xa man xqanimaj ta ri atzij.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Wuj Richin Etamabel-Tzij 26:2

Kan achi'el k'a ri ti tz'unun ri nirumum pa kaq'iq', o ri ti buqul-sib ri nisumum niq'ax, xa keri' nuben ri ruk'ayewal, ri xa wineq noyon pa ruwi' jun chik ri xa maneq rumak.

Wuj Richin ri Nehemías 9:33

Ri abanon rat kan pa ruchojmilal-wi chupan ronojel ri qak'uluwachin. Roj xa xatqamalij kan y xojmakun chawech, jak'a rat man jun bey oj aya'on kan y kan abanon-pe qik'in achi'el ri asujun-pe chiqe.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Ez 15:1

Ri Jehová xch'on chik wik'in y xubij chuwe:

Ez 16:54

Keri' xtakoch' ri k'ix roma ri xaben chike ri e ka'i' awach'alal y kan xkatok jun kuqubabel-k'u'x chike.

Ez 31:16

Toq yin xtink'is ri ruwach'ulew ri', ri ch'aqa' chik ruwach'ulew kan xkesilon roma xibinri'il. Y toq xtitorix ri che' ri' k'ari' xkekikot ri ch'aqa' chik che', ri xek'is ojer ri xek'oje' pa qejoj ri kan nik'ases y ri ek'o chiri' pa juyu' Líbano.

Wuj Richin ri Chojmirisabelri'il 26:40

Stape' ri iwijatzul, xtikiya' chikij ri itzel taq kibanobal rije' y chuqa' ri kichin ri kite-kitata', roma konojel rije' man xkinimaj ta nutzij; y xa xkipaba-ki' chinuwech.

Wuj Richin ri Chojmirisabelri'il 26:41

Roma ri' yin xtinpaba-wi' chikiwech rije', y xkenteq chuqa' el pa kiruwach'ulew ri etzelanel kichin. Y chiri' xtiqasex k'a kiq'ij y xtikejqalej ri kimak.

Wuj Richin ri Achin Job 33:27

K'ari' rija' xtapon kik'in ri ch'aqa' chik winaqi' y xtubij chike: Yin kan man pa ruchojmilal ta xinben, xa xinyoj rubanik ri choj, jak'a ri Dios man xuya' ta ruk'ayewal pa nuwi', achi'el ri ruk'amon.

Ez 7:27

Ri rey kan xtukusaj k'a tzieq richin bis y ri e tata'al kan xkebison janila. Y rix kan janila xkixbaybot. Kan achi'el rubanik ri imak kan keri' ri rutojbalil ri xtinya' pan iwi'; richin keri' xtiwetamaj chi ja yin Jehová, xcha'.