Ez 14:19 - Kaqchiquel Bible

¹⁹ Wi ta xtinteq-pe yabil chupan ri ruwach'ulew ri' y rik'in ta janila woyowal xtipe ta kamik pa kiwi' y xtinben chi xkeken ri winaqi' y ri awej;

Ez 14:19 ပူးပေါင်းရင်းမြစ်များ

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Ez 7:8

Kan ja yan re wakami xtinwelesaj woyowal chiwij. Kan k'a xkitane' na chire ri q'atoj-tzij pan iwi', k'ari' xtich'uch'u' ri wánima chiwij. Kan xtinben k'a keri' chiwe, roma ri itzel taq banobel ri ye'iben, kan man niqa' ta chinuwech y kan man utz ta nintz'et yin.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.

2 Sam 24:15

Y kan chupan k'a ri nimaq'a' ri' ri Jehová xuteq-pe jun nimalej yabil pa ruwi' ri Israel. Xuchop k'a pe pa Dan y xapon k'a pa Beerseba y xeken e 70,000 winaqi'.

San Mateo 24:7

Roma jun ajawaren xtiyakatej k'a el chirij jun chik ajawaren. Ek'o chuqa' rey xkeyakatej-el chikij ch'aqa' chik rey. Xkepe k'a yabilal, wayjal y chuqa' xtuben silonel xabakuchi chire re ruwach'ulew.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Ez 36:18

Chuqa' kan janila chi kamik ri xekibanala' y xekiya' kiq'ij wachibel. Roma ri' xtinwelesaj woyowal chikij rije'.

Wuj Richin ri Jeremías 24:10

Kan xtiben k'a richin xkekamisex chi espada, xkeken roma wayjal y xkeken roma yabil. Kan xkek'is k'a konojel pa ruwi' re ruwach'ulew re', ri xinya' chike rije' y chike ri kati't-kimama', xcha' ri Dios.

Wuj Richin ri Jeremías 21:9

Ri xtik'oje' kan chupan ri tinamit xtiken chi espada o roma wayjal o roma ri nima-yabil. Jak'a ri xtujech-ri' pa kiq'a' ri aj-Caldea ri kisutin-rij ri tinamit xtitikir xtukol ri ruk'aslen y man xtiken ta.

Wuj Richin ri Jeremías 21:6

Kan xkixinkamisaj k'a chi'iwonojel rix ri ixk'o chupan ri tinamit Jerusalem. Rix y ri chikopi' ri ek'o iwik'in xkixinkamisaj rik'in jun nima-yabil.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin Bix Chire ri Dios 91:6

Ni man xtiqaxibij ta qi' chire ri nima-yabil ri nuk'en-pe ri q'equ'm, ni chire ri kamik ri kan chuwa-saqil yebanatej.

Wuj Richin Bix Chire ri Dios 91:3

Ja rija' xtijech'en qichin chuwech ri pikbel ri nuya' ri kamisanel. Xqojrukol chuwech ri nima-yabil ri kan yojruk'is.

2 Crón 20:9

Y xkibij k'a chi wi k'o ta jun ruk'ayewal xtipe pa qawi' roma ri qamak; stape' labal rik'in espada, o yabil o rik'in juba' jun nimalej wayjal, xqojpe k'a re wawe' chawech chupan re awachoch richin yojch'on awik'in, y xqojawak'axaj k'a y kan xqojakol.

2 Crón 7:13

Toq rix ri ix nutinamit xkixmakun chinuwech, yin xtintz'apej ri kaj richin man nuben ta chik job, o xkenteq-pe sak' pa taq tzobaj richin nikik'is ri tiko'n o xtinteq-pe jun nima-yabil pan iwi'.

2 Crón 6:28

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri e etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

2 Sam 24:13

Y ri Gad xapon rik'in ri David richin xberubij chire ri xubij ri Jehová. Y xubij k'a chire chi tucha' jun chike ri oxi' ruk'ayewal ri xtuya' ri Jehová: Oxi' juna' richin wayjal, oxi' ik' ri k'o chi nanimej chikiwech ri e etzelanel richin, o oxi' q'ij richin yabil ri kan ruk'amon-pe kamik pa kiwi' ri winaqi' israelita. Xubij k'a chire chi tuch'obo' jebel ri nrajo', roma rija' k'o chi niberubij chire ri taqayon-el.

Wuj Richin ri Q'axanri'il 14:12

Y yin xtinben chi man xke'ok ta chupan ri ruwach'ulew, roma kan xtinya-pe jun nimalej yabil pa kiwi' rije', richin yeken y yek'is. Jak'a rat xkatikeriban jun chik k'ak'a' tinamit ri más nim y janila ruchuq'a' chikiwech ri ek'o wakami, xcha'.

Wuj Richin ri Isaías 34:3

Ri kaminaqi' kan xkepunupuxin kan xabakuchi, y kan xkechuwir k'a pe. Ri kikik'el kan xtuch'eqeba' chijun k'echelaj.

Ez 14:18

y wi k'a ek'o ta na ri e oxi' achi'a' ri', yin Jehová kan ninbij k'a chi rije' man xketikir ta xkekikol ri kimi'al, ni man xketikir ta xkekikol ri kik'ajol. Xa kan xaxe rije' ri xkekolotej.

Ez 14:20

y wi ta k'a e k'es ri Noé, ri Daniel y ri Job, rije' kan man xketikir ta xtikikol jun kimi'al ni jun kik'ajol. Xa kan xaxe rije' xkekolotej roma kan choj ri kik'aslen.

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.