Ez 14:13 - Kaqchiquel Bible

¹³ Rat Ezequiel, ninbij k'a chawe chi wi ri winaqi' richin jun ruwach'ulew yeyakatej chuwij y man nikiben ta ri ninbij chike, yin kan xkiyakatej k'a chikij y xtinya' ri rutojbalil-mak pa kiwi'. Yin man xtinya' ta chik pe ri achike nikitej, richin xtipe jun nimalej wayjal pa kiwi'. Y keri' xkeken k'a rije' y ri kawej.

Ez 14:13 ပူးပေါင်းရင်းမြစ်များ

Ez 4:16

Yin xtinben chi man xtik'oje' ta chik wey ri chiri' pa Jerusalem y ri winaqi' kan xtikitej k'a ri juba' ti kiway, jak'a man jun bey xtik'oje' uxlanibel-k'u'x kik'in. Y kan xtikiqum k'a ri juba' ti kiya' y man jun oyobenri'il kik'in.

Wuj Richin ri Chojmirisabelri'il 26:26

Chupan ri q'ij ri' jari' toq man xtinya' ta chik pe iway, jari' toq juba' ok xtik'oje' y roma ri' lajuj ixoqi' xkek'oje' chuchi' jun q'aq' richin nikiben iway. Y toq nikijech, jutaqba' ok nikiya' chiwe y kan man xtinoj ta ipan rik'in.

Ez 15:8

Y kan xtinben k'a chire ri ruwach'ulew chi xtibetole' kan, roma rije' man xkiben ta ri xinbij chike. Ja yin Jehová ri yibin, xcha'.

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Ez 14:19

Wi ta xtinteq-pe yabil chupan ri ruwach'ulew ri' y rik'in ta janila woyowal xtipe ta kamik pa kiwi' y xtinben chi xkeken ri winaqi' y ri awej;

Ez 14:17

Rik'in juba' xtinteq ta pe jun labal pa ruwi' ri ruwach'ulew richin xkeken k'a ri winaqi' y ri awej,

Ez 5:16

Xtinben k'a chi xtipe jun nima-wayjal pan iwi', kan achi'el jun ch'ab ri nuwulaj ronojel. Y kan xtinimer ri wayjal, achi'el toq yek'aq k'iy ch'ab. Man jun k'a wineq ri xtik'oje' pa ruk'iyal q'utun rik'in richin chi ja ta ri' xtiloq' rik'in.

Wuj Richin ri Jeremías 32:43

Re wakami nibij chi xa tolan kan, man jun chik wineq k'o chuwech y ni ta ri chikop, roma re ruwach'ulew re' xa jachon pa kiq'a' ri aj-Babilonia. Jak'a chupan ri q'ij ri' xtikiloq' chik qasanbel-ulew chupan re ruwach'ulew re'.

Wuj Richin ri Isaías 24:20

Ri ruwach'ulew kan xtisilon achi'el nuben jun q'abarel nibe-kela' nibe-kela' nuben. Chuqa' xtisilon achi'el jun ti mo'k chupan jun nimalej kaq'iq'. Ronojel ralal ri kimak ri winaqi' qajineq chuwech ri ruwach'ulew, y roma ri' xtitzaq. Y kan man jun bey chik xtitikir xtiyakatej.

Wuj Richin ri Isaías 3:1

Titz'eta' k'a wakami chi ri Jehová k'iytisanel richin ronojel xtiberuya' wayjal pa kiwi' ri tinamit Jerusalem y ri Judá; ronojel ri yetij y ri yequm xtrelesaj-el.

Dn 9:5

Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

Ez 25:13

Roma ri' yin Jehová xkiyakatej k'a chikij rije' y kan xkenk'is k'a ri winaqi' y ri chikopi'. Kan xtitole' k'a kan, nitiker k'a el pa tinamit Temán y napon k'a pa tinamit Dedán. Y keri' konojel k'a winaqi' xkeken chi espada.

Ez 20:27

Rat Ezequiel tabij chike ri awinaq chi yin kere' ninbij: Ri kite-kitata' chuqa' xkiyoq' ri nubi', roma man xkiben ta achi'el ri nubin chike.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Wuj Richin ri K'uxla'anik 1:8

Ri aj-Jerusalem kan janila nim ri kimak ri kibanon. Roma ri' xa xe'ok man ch'ajch'oj ta. Konojel ri xeya'on kiq'ij, wakami xa xeketzelaj kan, roma xkitz'et chi xa xqasex kiq'ij. Rije' kan yejiq'ijo'x, y kan xkewaj-ki' roma ri kik'ix.

Wuj Richin ri Jeremías 36:29

Y chuqa' tabij chire chi kere' nubij ri Jehová: Rat xak'et re jun re' y xabij: ¿Achike roma xatz'ibaj chupan ri wuj ri' ri nubij chi xtipe ri rey richin Babilonia y xtiberuk'isa' re ruwach'ulew re' y xtuben chi man jun chik xtik'oje' kan chupan, ni winaqi', ni ri chikopi'?, xacha'.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin ri Esdras 9:6

Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.

Wuj Richin ri Rutikeribel 6:7

Y xubij k'a rija': Xkenmes k'a el chuwech re ruwach'ulew ri winaqi' ri xenben y chuqa' ronojel kiwech chikopi' ri ek'o chuwech re ruwach'ulew y ri aj-xik' taq chikopi'; roma kan janila niq'axon ri wánima achike roma xenben, xcha'.

Wuj Richin ri K'uxla'anik 1:20

Nimalej Jehová, tabana' utzil qojatzu-pe chi janila oj k'ayewatajineq; kan janila k'a rukiy ri qaq'axo'n. Kan nich'ujer ri qánima, roma kan janila xojmakun chawech. Ri qawinaq ri e eleneq-el chuchi' re tinamit kan xekamisex, y ri ek'o kan chupan, chuqa' kan xoqaqa k'a ri kamik kik'in.

Wuj Richin ri Jeremías 52:6

Chupan ri q'ij beleje' chire ri ik' kaji' chupan ri juna' julajuj chire ri q'atbel-tzij richin ri Sedequías, kan xnimer k'a ri wayjal chiri' pa tinamit y kan man jun chik k'o richin nikitej ri winaqi'.

Ez 6:14

Chupan ri q'ij ri', xtintzeqej k'a nuq'a' pa kiwi' ri awinaq israelita richin ninya' rutojbalil-mak pa kiwi'. Y kan k'a kela' pa xokon chire ri tz'iran ruwach'ulew, k'a kela' pa xaman chire ri tinamit Riblá, kan xtinben k'a tz'iran chire chijun ri ruwach'ulew. Y kan xtiketamaj chi ja yin Jehová, xcha' chuwe.

Ez 14:12

Ri Jehová xch'on chik wik'in y xubij chuwe: