Ez 14:1 - Kaqchiquel Bible

¹ Y k'o k'a jun q'ij xepe wik'in jujun achi'a' ri k'o kiq'ij chikikojol ri nuwinaq, rije' xepe richin nikik'ulubej ri Jehová y xetz'uye-qa chinunaqaj.

Ez 14:1 ပူးပေါင်းရင်းမြစ်များ

2 Rey 6:32

Rokik ri', ri Eliseo tz'uyul pa rachoch, y e rachibilan ri achi'a' ri k'o kiq'ij richin ri tinamit. Y ri rey xuteq jun achin nabey rik'in ri Eliseo y rija' xambey kan. Y man jani k'a tapon ri achin ri' rik'in, jari' toq ri Eliseo xubij chike ri achi'a' ri k'o kiq'ij ri ek'o rik'in: ¿Iwetaman chik chi ri rey, ri achin kamisanel, wakami rutaqon-pe rutzak'ixik ri nujolon? Tiwak'axaj na pe; jari' xpe ri achin ri taqon-pe. Wakami k'a titz'apej ri ruchi-jay chuwech, y man tiya' q'ij chire richin nok-pe. Roma chirij rija' peteneq ri rajaw, xcha'.

Wuj Richin ri Isaías 21:12

Y yin xinbij chi niseqer yan pe, jak'a ri aq'a' xa peteneq chik chirij ri'. Y wi nrajo' nuk'utuj chik chuwe, tuk'utuj jun bey chik chuwe ri chua'q.

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

Ez 14:2

Jari' toq ri Jehová xch'on wik'in y xubij chuwe:

Ez 20:1

Toq xtz'aqet yan wuqu' juna' chi xojk'amer-pe pa Babilonia, jari' toq xe'oqaqa wik'in ka'i-oxi' achi'a' ri k'o kiq'ij aj-Judá richin nokik'ulubej ri Jehová. Y re' xk'uluwachitej chupan ri q'ij lajuj chire ri ro' ik' chire ri juna' ri'. Y rije' xetz'uye-qa wik'in.

Ez 20:3

Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Ez 33:32

Rije' nikiben chawe chi at achi'el xa ta at jun bixanel richin ajowabel ri jebel ok nibixan y naq'ojomaj arpa. Y roma ri', stape' xtikak'axaj k'a ri ach'abel, xa man jun xtuk'en-pe chike.

Ez 8:1

Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.

San Lucas 10:39

Ri Marta k'o k'a jun rach'alal rubini'an María. Y re María re' xtz'uye' k'a chiraqen-qa ri Jesús, richin keri' nrak'axaj ri ruch'abel ri Dios ri nutzijoj.

Hechos 22:3

Yin kan in jun judío. Xaxe k'a yin xinalex ri pa tinamit Tarso ri k'o pa ruwach'ulew Cilicia, jak'a kan ja re wawe' pa Jerusalem xik'iy-wi. Ja ri nimalej achin ri rubini'an Gamaliel ri xtijon wichin. Xirutijoj k'a rik'in ronojel ri nubij chupan ri pixa' ri ya'on kan chike ri ojer qati't-qamama'. Roma kan rurayibel k'a ri wánima, richin ninben rusamaj ri Dios, achi'el chuqa' ri irayibel chi'iwonojel rix chupan re q'ij re'.

Hechos 4:5

Chupan k'a ri ruka'n q'ij, xkimol-ki' ri chiri' pa Jerusalem ri e aj-raqen, ri achi'a' ri k'o kiq'ij, y ri etamanela' chirij ri pixa',

Hechos 4:8

Ri Pedro, kan nojineq k'a ri ránima rik'in ri Loq'olej Espíritu, xubij k'a chike: Rix aj-raqen y rix chuqa' rijita'q ri k'o iq'ij, tiwak'axaj ri ninbij.