Ez 13:9 - Kaqchiquel Bible

⁹ Kan xtinya' rutojbalil-mak pa kiwi' rije'. Re winaqi' k'a re' kan man xtikixol ta k'a ki' kik'in ri awinaq, stape' junan kijatzul. Chuqa' man xtitz'ibex ta kibi' chupan ri wuj ri akuchi tz'ibatel kan kibi' ri e aj pa rachoch kan ri Israel y kan man xketzolej ta chik pa kiruwach'ulew. K'ari' rije' xtiketamaj k'a chi ja yin Jehová.

Ez 13:9 ပူးပေါင်းရင်းမြစ်များ

1 Rey 13:18

Jak'a ri ti ri'j q'alajirisey ruch'abel ri Dios ri xapon rik'in, xa xutz'uk-tzij chuwech y xubij chire: Yin chuqa' in q'alajirisey ruch'abel ri Dios achi'el rat. K'o k'a jun ángel richin ri Dios ri xch'on wik'in y xubij chuwe chi yatink'uaj-el pa wachoch richin yabewa-yatuk'ya' wik'in, xcha' ri ti ri'j achin.

Wuj Richin ri Esdras 2:59

Ri e rijatzul kan ri Delaías, ri Tobías y ri Necodá xejote-el pa tinamit Tel-mélah, Tel-harsá, Querub, Adón y pan Imer. Y rije' man xetikir ta xkijikiba' ri e achike ri kite-kitata', ni ri kitzobaj, o wi kan e israelita. Y ri kajlabal rije' e 652.

Wuj Richin ri Nehemías 7:64

Re winaqi' re' xkikanoj ri kibi' y ri kijatzul chupan ri wuj richin bi'aj, jak'a man xkil ta. Y roma ri' man xe'ukusex ta richin yesamej chupan ri rachoch ri Dios.

Wuj Richin Bix Chire ri Dios 101:7

Ri pa wachoch yin kan man xtik'oje' ta k'a jun wineq ri kan xaxe q'oloj yeruben. Ri tz'ukuy-tzij kan man xtintzu' ta k'a ruwech yin.

Wuj Richin Bix Chire ri Dios 69:28

Tayojo' kibi' chupan ri wuj ri akuchi tz'ibatel-wi kibi' ri kan yek'ase' richin q'asen, kan man tik'oje' ri kibi' chikikojol ri choj kik'aslen.

Wuj Richin Bix Chire ri Dios 69:5

Rat kan awetaman k'a ri nubanobal ri xinben, ri man xinch'ob ta; ri numak, kan man e ewatel ta k'a chawech.

Wuj Richin Bix Chire ri Dios 87:6

Ri Jehová xkerajlaj k'a konojel ri ruwach'ulew, y xtutz'ibaj kibi' konojel winaqi' chupan ri ruwuj. Y xtubij k'a chi rije' e aj-Sión, roma chiri' xe'alex-wi-pe.

Wuj Richin Bix Chire ri Dios 95:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew ri xtikichinaj.

Wuj Richin ri Isaías 4:3

Ri winaqi' ri xkek'oje' kan pa tinamit Sión kan e ch'aron roma ri Dios.

Wuj Richin ri Jeremías 14:15

Stape' rije' nikiq'alajirisaj pa nubi' yin, xa man e nutaqon ta el. Rije' nikibij chi man nibanatej ta ri labal, ni man nipe ta wayjal chupan re tinamit re'. Jak'a yin Jehová ninbij chi re achi'a' re' kan xkekamisex k'a chi espada y kan xkeken roma wayjal.

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Wuj Richin ri Jeremías 23:20

Ri woyowal man xtik'is ta qa choj keri', xtik'is k'a ja toq xtibanatej ri nuch'obon yin. Y k'a pa taq ruk'isibel q'ij xtiq'ax chikiwech.

Wuj Richin ri Jeremías 4:9

Yin Jehová ninbij chi toq xtapon ri q'ij ri', ri e rey y ri e aj-raqen xkebaybot roma xibinri'il. Chuqa' ri e sacerdote y ri e q'alajirisey nuch'abel janila xtikixibij-ki', xcha' ri Dios.

Ez 11:10

Kan xkixkamisex k'a chi espada chupan ri iruwach'ulew. Jak'a nabey k'o chi xtiwetamaj nuwech yin.

Ez 12:20

Konojel k'a tinamit ri ek'o chiri' kan xketole' kan y xtok tz'iran. K'ari' xtiketamaj ri winaqi' chi ja yin ri' ri in Jehová, xcha'.

Ez 13:14

Kan xtinwulaj k'a ri tz'aq richin ri Jerusalem ri xkichumaj rije'. Kan xtinqasaj k'a jumul pan ulew y kan xtibeq'alajin k'a pe ri ruxe'. Y ri winaqi' ri' kan xkemuqutej k'a chuxe' ri tz'aq ri'. K'ari' xtiketamaj ri ch'aqa' chik winaqi' chi ja yin Jehová.

Ez 13:23

Roma ri', man jun bey chik xtik'utumej chikiwech ri man e qitzij ta, ni man xtiq'alajirisex ta chik ch'abel ri xa man e qitzij ta. Y yin kan xtinkol k'a el ri nutinamit pa kiq'a' y k'ari' xtiketamaj rije' chi ja yin Jehová, xcha'.

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Dn 12:1

Xtapon k'a ri ruq'ijul, y xtipe k'a ri ángel Miguel, ri chajinel richin ri atinamit. Ri q'ij ri' kan q'ij k'a richin q'axo'n, y kan man jun bey k'a banatajineq-pe keri', pa rutikeribel janipe' ek'o-pe ri winaqi', k'a toq xtapon ri q'ij ri'. Y chupan k'a ri q'ij ri' ri atinamit rat kan xkekolotej k'a chuwech ri tijoj-poqonal konojel ri tz'ibatel kibi' chupan ri wuj.

Os 4:5

Ri e sacerdote kan xketzaq k'a ri paq'ij, chikij rije' xketzaq k'a ri e q'alajirisanela', y ri ruwach'ulew kan xtink'is.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Wuj Richin ri Miqueas 3:5

Ri nikibananej chi e q'alajirisey ruch'abel ri Dios xa e q'olonel. Toq k'o jun wineq nusuj kiway, nikoyoj urtisanik pa ruwi'. Jak'a ri wineq ri man nusuj ta kiway, xa nikoyoj etzelanik pa ruwi'. Roma ri' ri Jehová xtuya' ruk'ayewal pa kiwi'.

Wuj Richin ri Miqueas 3:6

Rix ri man ix qitzij ta q'alajirisey ruch'abel ri Dios, ri q'ij richin ri isamaj xa nik'is yan, ri q'ij xa xtik'is yan pan iwi' y nipe yan ri q'equ'm. Roma rix xa itz'ukun tzij chuwech ri nutinamit, man jun chik xtik'utumej chiwech. y man xtiwetamaj ta chik achike xtik'uluwachitej.

San Lucas 10:20

Jak'a rix man kixkikot xaxe roma ri itzel taq espíritu yixkinimaj. Xa kan kixkikot k'a roma kan tz'ibatel ri ibi' chila' chikaj rik'in ri Dios, xcha'.

Filipenses 4:3

Nink'utuj k'a utzil chawe rat ri at wachibil, chupan ri samaj, chi xke'ato' ta k'a ri ka'i' qach'alal ixoqi' ri', roma rije' xenwachibilaj chuq'alajirisaxik ri utzilej ch'abel richin kolotajik junan rik'in ri qach'alal Clemente y ri ch'aqa' chik qach'alal, ri kan tz'iban chik ri kibi' chila' chikaj, chupan ri wuj richin k'aslen.

Hebreos 12:23

Roj ojk'o chik apo pa nimaq'ij kik'in ri nabey taq ralk'ual ri Dios ri tz'iban kibi' chila' chikaj. Ojk'o chik apo rik'in ri Dios ri xtuq'et-tzij pa kiwi' konojel. Y kik'in ri winaqi' ri kan tz'aqet ri kik'aslen, ri xeken-el yan el.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.

Apocalipsis 20:15

Y kan chupan k'a chuqa' re q'aq' re' xek'aq-wi konojel ri winaqi' ri man tz'ibatel ta kibi' chupan ri wuj richin k'aslen.