Ez 13:8 - Kaqchiquel Bible

⁸ Roma ri' yin Jehová kan xkibeyakatej chikij ri xa nikibananej ri nikibila' y chikij ri nikibij chi k'o nik'utumej chikiwech y xa man qitzij ta.

Ez 13:8 ပူးပေါင်းရင်းမြစ်များ

Ez 21:3

Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Wuj Richin ri Nahum 2:13

Ri Jehová k'iytisanel richin ronojel nubij: Jare' ink'o richin yixink'is. Xkenporoj k'a ri i-carruaje y xkebuqulin pa sib, Kan xkenk'is k'a ri iwalk'ual. Kan man xtinya' ta kan richin ja rix ta yixch'akon. Y kan man jun bey chik k'a xtak'axatej kich'abel ri yech'on pan iwi' rix.

Ez 35:3

Y jare' k'a ri rutzijol: Yin, ri Jehová, kan in yakatajineq chiwij, y xtinq'alajirisaj chiwe ri xtibanatej pan iwi'. Xtintzeqej k'a ri nuq'a' pan iwi' y xtinben jun tz'iran chire ri iruwach'ulew y xtitole' kan.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Ez 26:3

Roma ri' yin Jehová in yakatajineq chikij ri aj-Tiro. Xtinben k'a chike chi e k'iy nima'q taq ruwach'ulew xkebeyakatej-pe chikij, achi'el toq nibolqo't ruwi' ri palou.

1 Pedro 3:12

Ri rutzubal ri Jehová ruya'on k'a pa kiwi' ri choj kik'aslen. Rija' kan nrak'axaj ri kich'owen. Ri Jehová kan nuteq k'a pe ri royowal pa kiwi' ri man utz ta nikiben.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

Ez 39:1

Rat Ezequiel, taq'alajirisaj ri nuch'abel pa ruwi' ri rey Gog y tabij chire: Yin Jehová ninbij chawe chi in yakatajineq chawij rat Gog ri at rey pa kiwi' ri ruwach'ulew Mésec y ri Tubal.

Ez 29:10

roma ri' xkiyakatej chawij y chikij ri kokoj raqen taq ya' ri ek'o chiri'. Xtinben chi ri ruwach'ulew xtok jun tz'iran ri ruk'amon-pe wululen, nitiker-pe pa tinamit Migdol y napon k'a pa tinamit Asuán y napon k'a kela' pa ruk'ulba't ri ruwach'ulew Etiopía.

Wuj Richin ri Jeremías 51:25

Rix kan xik'is chijun ri ruwach'ulew y kan ix kow nina' achi'el jun juyu'. Jak'a yin kan in yakatajineq chiwij rix. Y roma ri' kan xtintzeqej k'a ri nuq'a' pan iwi' richin ninya' rutojbalil chiwe. Pa ruk'exel ninben achi'el jun juyu' chiwe, xa xtinben achi'el jun abej ri xtinbensururej-pe pa ruwi' ri juyu'. Y kan xkixok jun juyu' k'atineq.

1 Rey 13:18

Jak'a ri ti ri'j q'alajirisey ruch'abel ri Dios ri xapon rik'in, xa xutz'uk-tzij chuwech y xubij chire: Yin chuqa' in q'alajirisey ruch'abel ri Dios achi'el rat. K'o k'a jun ángel richin ri Dios ri xch'on wik'in y xubij chuwe chi yatink'uaj-el pa wachoch richin yabewa-yatuk'ya' wik'in, xcha' ri ti ri'j achin.

Wuj Richin ri Jeremías 21:13

Rix aj-Jerusalem ri ixk'o chiri' pa taq'aj kojol juyu', kan ikuquban ik'u'x rik'in ri nimalej abej ri k'o chiri'. Rix kan nibij k'a chi man jun xtinaqo iwichin. Chuqa' nibij chi man jun nitikir nok-apo chupan ri itinamit. Yin Jehová ninbij chi kan xkinok etzelanel iwichin.

Wuj Richin ri Jeremías 23:30

Roma ri' yin kan in yakatajineq chikij ri winaqi' ri nikibij chi e q'alajirisey nuch'abel y nikeleq'aj ri nuch'abel y chikijujunal rije' nikiben-qa kichin chire.

Wuj Richin ri Jeremías 29:31

Tataqa' rubixik chike konojel ri awinaq ri ek'o chiri' pa Babilonia, chi yin Jehová ninbij: Roma ri Semaías ri aj-Nehelam xuq'alajirisaj ri man nubin ta yin chire y rix xikuquba' ik'u'x rik'in ri tz'ukun-tzij ri xubij,

Ez 34:10

Kan xkiyakatej k'a chiwij y rix k'o chi xtibij chuwe achike roma man xe'ichajij ta ri nuwinaq. Man xkixk'oje' ta chik pa kiwi', man xkixtikir ta chik xtiwelesaj ri k'o kik'in y man xtiben ta chik chike richin nikitej poqon.