Ez 13:3 - Kaqchiquel Bible

³ Yin Jehová ninbij chi toq'ex k'a kiwech ri e q'alajirisanela' ri xa kiyon rije' nikinojij y xa e nakaneq, roma ri yekibij xa man k'utumajineq ta chikiwech.

Ez 13:3 ပူးပေါင်းရင်းမြစ်များ

Wuj Richin ri K'uxla'anik 2:14

Ri achi'a' ri xkibananej chi e q'alajirisey ruch'abel ri Dios, xa tz'ukuj-tzij ri xkiben, y ri xkibij xa man jun rejqalen. Rije' man xkiq'alajirisaj ta ri imak, richin xtzolin ta pe ik'u'x, y man ta xixbe pa ximonri'il. Ri xkiq'alajirisaj chiwech xa xixruk'uaj chik kan pa jun bey.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Ez 34:2

Rat Ezequiel, kan ke'ach'olij ri aj-raqen ri ek'o pa ruwi' ri tinamit Israel roma rije' nikiben ri man utz ta. Y kere' tabij chike: Toq'ex k'a iwech rix ri ix aj-raqen pa ruwi' ri nutinamit Israel roma xa ja rix nichajij-qa-iwi', pa ruk'exel ye'ichajij ri iwinaq, achi'el ri yuq'unela' ri man yekichajij ta ri kikarne'l.

Wuj Richin ri Jeremías 23:1

Y ri Jehová xubij: Toq'ex k'a iwech rix ri xixok aj-raqen pa kiwi' ri nuwinaq, roma ix achi'el yuq'unela' ri yekik'is y yekitaluj-el ri karne'l.

Wuj Richin Etamabel-Tzij 15:14

Ri ránima ri wineq aj-na'oj, kan nukanoj k'a etamabel; jak'a ri ruchi' ri wineq ri xa maneq runa'oj, xa ja ri ch'abel ri maneq kejqalen ri nuya' kuchuq'a'.

1 Timoteo 6:4

ri wineq ri' kan niq'alajin chi janila runimirisan-ri', y xa man jun retaman. Xa yalan niqa' chuwech ri tzij ri man jun nikik'en-pe y jari' nibanon chire chi itzel nuna' chire jun chik roma utz k'o, xaxe oyowal nuben, nubila' itzel taq tzij chikij ch'aqa' chik, k'o itzel ch'obonik pa ránima chirij jun chik wineq.

1 Corintios 9:16

Yin nintzijoj ri utzilej ch'abel richin kolotajik, man richin ta ninimirisaj-wi'. Yin ninben re samaj re' roma kan k'o chi ninben. Toq'ex k'a nuwech yin wi man xtintzijoj ta ri ch'abel richin kolotajik.

San Lucas 11:52

¡Toq'ex iwech rix etamanela' chirij ri pixa' roma rix iwetaman achike rubanikil richin chi jun wineq nok richin ri Dios, jak'a rix man ix okineq ta richin ri Dios y chuqa' ye'iq'et ri winaqi' ri nikajo' ye'ok richin ri Dios, xcha'.

San Lucas 11:40

Rix nakaneq. ¿Kan man iwetaman ta k'a chi ri xbanon re qach'akul, ja chuqa' ri' xbanon ri qánima?

Wuj Richin ri Zacarías 11:15

Chirij ri' ri Jehová xubij chik chuwe: Wakami k'a tachapa' chik ch'aqa' ch'ame'y kichin yuq'unela', y tabana' chi at jun yuq'unel ri man nitz'aqet ta ri rusamaj.

Ez 13:18

Tabij chike: Toq'ex kiwech ri yekitz'is taq tzieq richin nikiya' chirij kiq'a', richin k'o utz nuk'en-pe chike; y chuqa' yekiben tzieq richin nikiya' pa kijolon xaxe richin yekiya' pa pikbel ri achi'a'. Rije' xa nikisech kik'u'x ch'aqa' chik winaqi' richin nikikol-el ki' rije'.

Wuj Richin Etamabel-Tzij 15:2

Ri raq' ri chojmilej wineq, kan jebel k'a rubixik nuben chire ri etamabel; jak'a ri ruchi' ri xa maneq runa'oj, kan nuchololej ch'abel ri xa maneq rejqalen.

2 Timoteo 3:9

Jak'a xa man nej ta xke'apon-wi rik'in ri kich'obonik, roma xa xtibeq'alajin-pe chikiwech konojel, chi rije' xa e nakaneq, kan achi'el xbanatej kik'in ri Janes y ri Jambrés.

Wuj Richin ri Jeremías 23:16

Y chuqa' yin Jehová k'iytisanel richin ronojel ninbij chiwe rix winaqi' aj-Israel, man tinimaj ri nikiq'alajirisaj rije', roma ri nikibij xa kan ruyon tz'ukun taq tzij. Ri xa kan kiyon rije' nikitz'uk-q'anej y man ja ta yin ri yibin chike.

Wuj Richin ri Jeremías 28:15

K'ari' ri Jeremías xubij chire ri Hananías: Tawak'axaj k'a. Ri Jehová man at rutaqon ta pe, rat xaben chike ri winaqi' richin ri tinamit richin xkikuquba' kik'u'x rik'in ri ach'abel ri xa man qitzij ta.

Ez 13:4

Rije' xa xech'abalin xaxe richin xkiq'axbej-ki' achi'el nikiben ri taq utiwa' ri nikikanoj kiway pa taq tinamit ri wulatejineq chik kan.

Wuj Richin ri Jeremías 23:9

Ja rutzijol re' pa kiwi' ri nikibananej chi e q'alajirisey ruch'abel ri Dios: Ri wánima kan janila niq'axon, chijun ri nubaqil nibaybot. Kan in achi'el jun q'abarel, jun achin ri kan q'abarisan roma ri vino, roma ri Jehová y roma ri loq'olej ruch'abel.