Ez 13:11 - Kaqchiquel Bible

¹¹ Y tabij k'a chike chi re tz'aq re' xa xtibewulatej-pe, roma xa xtipe jun nimalej kaq'iq'-job y xkeqaqa k'a pe nima'q taq saqboch y k'ari' xtipe jun nimalej surkum chikij.

Ez 13:11 ပူးပေါင်းရင်းမြစ်များ

Wuj Richin ri Achin Job 27:21

Ri nimalej kaq'iq' ri nipe pa relebel-q'ij, nitikir nutzeqej y nuk'uaj-el; kan achi'el xtumes-el ri chiri' pa rachoch.

Wuj Richin ri Achin Job 38:22

¿At apowineq rat ri akuchi nuyakon-wi yin ri pimilej-tew, y atz'eton kami ri akuchi nuyakon-wi ri saqboch,

Wuj Richin ri Achin Job 38:23

ri e nuyakon richin ri q'ij richin tijoj-poqonal, y e nuyakon richin ri q'ij richin ri labal y toq nikichop-ki' chi kamik ri tinamit?

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Wuj Richin Bix Chire ri Dios 32:6

Roma ri', ri kan e awichin, xkech'on awik'in toq ek'o pa tijoj-poqonal. Wi keri' xtikiben, ri tijoj-poqonal man xtapon ta kik'in, achi'el jun raqen-ya' ri ninimer-pe y nel-pe pa ruk'ojelibal.

Wuj Richin ri Isaías 25:4

Roma rat at achi'el jun tobel chike ri man jun k'o kik'in. Ye'ato' ri k'o nik'atzin chike toq ek'o pa tijoj-poqonal. Rat at achi'el jun parabel chike toq nipe ri q'eqel-job. Rat yatok achi'el kimujal toq janila q'ij. Ri e itzel taq winaqi' toq nel-pe ri kuxla', xa kan e achi'el jun q'eqel job ri norupaxij-ri' chuwech jun jay.

Wuj Richin ri Isaías 28:2

Ri Jehová xa rucha'on chik jun ruwach'ulew ri kan k'o janila ruchuq'a' richin nuwulaj ri Samaria. Rije' xkepe anineq achi'el nipe jun nimalej kaq'iq'. Xkekisok ri aj-Samaria achi'el nuben ri saqboch. Y ri winaqi' xke'uk'uex-el achi'el jun q'eqel-job nuk'uaj ronojel.

Wuj Richin ri Isaías 29:6

Yin Jehová k'iytisanel richin ronojel kan xkipe rik'in koqolajay, silonel, nimalej kaq'iq', q'eqel-job y q'aq' richin xkenk'is ri e etzelanel iwichin.

Wuj Richin ri Isaías 32:19

Y stape' xtiqaqa saqboch pa kiwi' ri k'echelaj, y pa kiwi' ri tinamit,

Ez 1:4

Kan jari' xintz'et k'a chi pa xaman peteneq jun nimalej kaq'iq' ri ruk'amon-pe jun nimalej sutz' ri kan nirepelun y jun achi'el q'aq' ri nuk'aqala-el koyopa' y pa runik'ajal ri q'aq' ri' nirepelun achi'el ri q'enq'oj-pueq.

Ez 13:12

Y toq ri tz'aq xtibewulatej-pe jari' toq ri winaqi' xtikibij k'a chike ri xechuman, chi achike roma ri chum man xuchop ta ri tz'aq.

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

San Mateo 7:25

Xqaqa k'a job, xepe raqen taq ya' y kaq'iq' chirij ri jun jay ri', jak'a ri jay man xtzaq ta, roma ri ruxe' kan chupan ri abej tikil-wi.

San Mateo 7:27

Xqaqa k'a job, xpe k'a raqen taq ya' y ri kaq'iq' xberupaxij-ri' chirij ri jay; y ri jay ri' xa xtzaq; y xwuluwu' jumul roma xa man jikil ta ri ruxe', xcha' ri Jesús.