Ez 13:10 - Kaqchiquel Bible

¹⁰ Rije' xa xkiq'ol ri nutinamit y xkibij chike ri winaqi' chi ronojel utz beneq, toq xa man keri' ta. Rije' xkikusaj ri kich'abel xaxe richin xekichop ri winaqi' y ri kich'abel xa xuben achi'el xchumex rij jun tz'aq ri xa man kow ta k'o.

Ez 13:10 ပူးပေါင်းရင်းမြစ်များ

2 Rey 21:9

Jak'a ri Manasés y ri aj-Judá man xkak'axaj ta. Rija' xuben chike chi xemakun, más chuwech ri mak ri xekibanala' ojer kan ri winaqi' aj chiri' ri xeruk'is ri Jehová.

2 Crón 18:12

Y toq xapon ri oyonel rik'in ri Micaías, xubij chire: Konojel ri e q'alajirisey ruch'abel ri qa-dios junan ri ch'abel nikibij chire ri rey, chi ja rija' xtich'akon. Wakami k'a ri ach'abel rat kan ta k'a achi'el ri kich'abel rije', xcha'.

Wuj Richin Etamabel-Tzij 12:26

Ri wineq ri kan choj ruk'aslen, kan jebel nok uk'uey bey richin ri rachpochel. Jak'a ri rubey ri kik'aslen ri e banoy richin ri etzelal, yerusech ri kachpochel.

Wuj Richin ri Isaías 30:10

Y kan nikibij chike ri yetz'eton ri peteneq-apo chiwech chi man chik tikitz'et ri achi'el achik'. Chuqa' nikibij chike ri e q'alajirisey nuch'abel chi man chik tiq'alajirisaj chikiwech ri qitzij. Rije' xaxe nikajo' nikak'axaj ch'abel ri kan janila e jebel ok, y ch'abel richin q'oloj.

Wuj Richin ri Isaías 57:21

Roma ri' ri nu-Dios nubij chi ri winaqi' ri man nikitzeqelibej ta rija', kan maneq uxlanibel-k'u'x kik'in.

Wuj Richin ri Jeremías 14:13

K'ari' yin xinbij chire: Jehová, ri nikibananej chi e q'alajirisey ri ach'abel rat, xa nikibij chike ri winaqi' chi man xtibanatej ta ri labal, ni man xtipe ta wayjal y chi rat kan xtaya' jun uxlanibel-k'u'x richin q'asen re wawe'.

Wuj Richin ri Jeremías 23:17

Y toq ye'apon ri e etzelanel wichin, nikibij: Ri Jehová nubij chi xtik'oje' uxlanenri'il, yecha'. Y toq ye'apon ri winaqi' ri nikirayij ruyon itzel taq banobel, nikibij chike: Man jun itzel ruk'ayewal ri xtipe chiwij, yecha'.

Wuj Richin ri Jeremías 23:32

Yin kan in yakatajineq k'a chikij ri yebanon keri', ri nikitzijoj achik' ri xa man e qitzij ta. Kan rik'in ri tz'ukun taq tzij y rik'in ronojel ri nikibij, nikiben chire ri nutinamit richin nuchop kan itzel bey. Jak'a yin kan man e nutaqon ta, ni man nubin ta chike chi keri' nikiben. Roma ri' xa kan man yetikir ta nikito' ri nutinamit. Yin Jehová ri yibin, xcha' ri Dios.

Wuj Richin ri Jeremías 28:9

Jak'a toq jun q'alajirisanel nuq'alajirisaj chi nik'oje' uxlanibel-k'u'x, toq ri ruch'abel ri q'alajirisanel ri' kan nibanatej, kan xtiq'alajin chi kan qitzij chi ja ri Jehová taqayon-pe richin, xicha'.

Wuj Richin ri Jeremías 4:10

Jari' toq yin xinbij: ¡Ajaw, Jehová! rat xa xaq'ol re atinamit Jerusalem, roma xabij: Chi xtik'oje' uxlanibel-k'u'x iwik'in, rokik ojk'o pa ruk'ayewal, xicha'.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Jeremías 50:6

Rix nutinamit xa ix achi'el karne'l ri ix sachineq, roma ri aj-raqen xa xixkitaluj kan achi'el nuben jun yuq'unel ri yerutaluj kan ri rukarne'l. Rije' xkiya' q'ij chiwe chi xixsach kan pa taq juyu'. Xixel-el pa juyu' y kan ximestaj kan ri iqejoj.

Wuj Richin ri Jeremías 6:14

Kan ek'o k'iy winaqi' richin ri tinamit ri ek'o pa q'axo'n, jak'a rije' xa nikibij chi k'o uxlanibel kik'in.

Wuj Richin ri Jeremías 8:11

Nikiben chi achi'el nikaq'omaj ri sokotajik toq nikibij: Ronojel utz beneq, toq xa ronojel beneq pa xulan.

Wuj Richin ri Jeremías 8:15

Qoyoben k'a roj chi k'o ta uxlanibel-k'u'x y xa man jun k'a utz ri qilon. Qoyoben k'a ri qaraxnaqil y xaxe k'a ri nimalej xibinri'il ri k'o.

Ez 13:16

Jak'a ri q'alajirisanela' ri ek'o pan Israel ri xa xkibananej ri xkibij y xkiq'alajirisaj chire ri tinamit Jerusalem chi ronojel utz beneq, toq xa man keri' ta; konojel k'a rije' xkek'is. Yin Jehová ri yibin.

Ez 22:28

Ri man e qitzij ta q'alajirisanela', xa nikewaj ri man utz ta, richin man jun yetz'eton, achi'el xa ta nichumex jun tz'aq richin man nitz'et ta ri k'o chupan. Nikibij chi k'o nink'ut chikiwech y nikiya' rutzijol ri xa man qitzij ta, jak'a yin xa man in ch'owineq ta kik'in.

Ez 7:25

Ri nimalej xibinri'il xtipe k'a pan iwi' y kan xtikanoj k'a ri uxlanibel-k'u'x, jak'a xa man xtiwil ta chik.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Wuj Richin ri Miqueas 2:11

Rix xa niwajo' jun q'alajirisanel ri ruk'uan itzel bey, ri xaxe q'oloj ruk'amon-pe, ri nubij ta chiwe chi xtik'oje' iwik'in pa ruk'iyal vino y ya' ri niq'abarisan. Ri xtibin keri' chiwe, jari' k'a ri q'alajirisanel ri iwichin rix.

Wuj Richin ri Malaquías 3:15

Chuqa' nibij chi ri nima'q nikina-ki' kan yekikot, y ri kijachon-ki' chubanik ri etzelal kan ronojel utz nel chikiwech, y ri nikipaba-ki' chinuwech man jun nikik'uluwachij, ncha' ri Dios.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

2 Timoteo 3:13

Jak'a ri winaqi' ri xa itzel k'aslen kik'uan y ri q'olonela', xa más xtikinim ki' chupan ri etzelal. Xkekiq'ol ri winaqi', y rije' chuqa' xa xkeq'olotej.

1 Juan 2:26

Yin xintz'ibaj k'a el ronojel re' chiwe, roma ek'o winaqi' nikajo' yixkiq'ol.

Apocalipsis 2:20

Xa jak'a k'o jun ibanobal ri man niqa' ta chinuwech, y ri' ja ri jantape' ikoch'on ri rubanobal ri ixoq Jezabel. Roma rija' kan nubij chi q'alajirisey ruch'abel ri Dios, jak'a xaxe richin yeruq'ol ri nusamajela', kan nuk'ut chikiwech chi nikitej ri kamelabel ri sujun chikiwech ch'aqa' chik dios, y chi ri achi'a' y ri ixoqi' tikikanola-ki' richin yemakun.