Ez 12:7 - Kaqchiquel Bible

⁷ Yin kan xinben k'a ronojel ri xubij ri Jehová chuwe. Ja ri tiqaq'ij xinben-qa ri rutzil ri xtink'uaj-el, kan achi'el nuben jun wineq ri nuk'uex-el k'a juk'an chik. Y ri chi'aq'a' xinteq'uj ri tz'aq akuchi yinel-wi-el y xink'uaj-el chuwi-nutele'n ri nik'atzin chuwe. Y xinben ronojel re' chikiwech konojel ri nuwinaq.

Ez 12:7 ပူးပေါင်းရင်းမြစ်များ

Ez 24:18

Ronojel k'a ri xbix chuwe, yin xintzijoj chike ri nuwinaq ri nimaq'a', jak'a ri tiqaq'ij xken-qa ri wixjayil. Y ri pa ruka'n q'ij chire ri rukamik ri wixjayil, yin xinben k'a ronojel achi'el ri rubin ri Jehová chuwe.

Ez 37:10

Yin xich'on k'a pa rubi' rija' achi'el xubij chuwe. Xpe k'a ri kaq'iq' y ri k'aslen xok kik'in ri kaminaqi' ri'. Y rije' kan xek'ase' chik jun bey y xepa'e-q'anej. Kan janila k'a e k'iy y xa kan xkiben k'a jun tzobaj, achi'el jun tzobaj aj-labal.

Ez 37:7

Yin xinbij k'a chike ri baq ri' achi'el xubij-pe ri Jehová chuwe. Y rokik k'a yich'on kik'in, jari' toq xinwak'axaj chi ri baq yeq'ajan richin xkitunula-ki'.

Hechos 26:19

Roma ri', rey Agripa, yin kan xinben k'a ri xq'alajirisex chinuwech roma ri jun achik' ri chikaj peteneq-wi.

San Juan 15:14

Wi niben ronojel ri ninbij chiwe, rix kan ix wachibil-wi.

Marcos 14:16

Ri rutijoxela' ri' kan xebe k'a y xe'ok apo pa tinamit, kan xbanatej na wi achi'el ri rubin-el ri Jesús chike. Y rije' kan xkiben k'a rutzil ronojel ri nik'atzin richin ri nima-wa'in ri'.

Ez 12:3

Roma ri' tachojmirisaj k'a juba' ri nik'atzin chawe, achi'el xa ta at beneq pa ximonri'il. Katel-el ri tiqaq'ij y yabe-kela' yabe-kela' xtaben. Toq ri awinaq xkatkitz'et rik'in juba' xtiq'ax chikiwech chi rije' e jun tinamit richin yakatajinenri'il. Y toq xkatane' katzolin-pe pan awachoch.

Ez 2:8

Rat kan tawak'axaj k'a jebel re xtinbij-el chawe y man kayakatej chuwij achi'el nikiben rije'. Tajaqa' la achi' y tatija' re xtinbenya' chawe, xcha' ri Jehová chuwe.

Ez 12:8

Y ri nimaq'a' yan chire ri ruka'n chik q'ij ri Jehová xch'on chik wik'in y xuk'utuj chuwe